Поиск по сайту: 
 

Архив
 сентябрь 
 2018 
пн вт ср чт пт сб вс
     12
3456789
10111213141516
17181920212223
24252627282930

 
 

 

Как жили и живут мокшане

СИРЕ ТЕРИЗМОРГАСЬ

Тя велеть содасазь аф аньцек республикасонк, но и лия вастованга. Тяса 60-шка кизода инголе пуроптфоль авань фольклорнай хор, кона тяни лемневи народнайкс. Сонь мораманц кулендезь мянь омба масторса: Германияса, Финляндияса, Эстонияса. Сире Теризморгаса шачсть-кассть Мордовиянь Народнай поэтсь И.М.Девин, учёнайсь, Мокшэрзянь университетонь преподавательсь В.Г.Шеянов и лия содаф ломатть. Сире Теризморгаса панчф и сатфксонь сатнезь работай мокшень национальнай культурань центрась. Ули тяса менель ала музейно-этнографическяй комплекс. Тянь семботь квалма аф весть серматкшневсь и азонкшневсь ни.
Тя статьяса мяленьке лятфтамс велеть сядонголенц колга, конань юронза тушендыхть шаржу пинкненди. Кой-кона ученайхне лувондсазь, што васень эряйхне Сивинь ляйть малас састь XVI векть омбоце пялеста. Виде, тянь квалма кодамовок документт аш. Содаф аньцек, што нинге сяда инголе велеть шинь стяма ширеса, Сивинь ляйть види трвасонза, тяфта лемневи бронзань пингть, эрясть ломатть. Сяльде мес-бди ся вастсь катфоль. Тяниень Сире Теризморгать эвондаманц колга сире ломаттне азонкшнихть тяфта: кле, васень эряйхне тя аймаку састь Атерь велеста, кудсна Кудляйть трваватольхть. Синь тяфта жа ушедозь и Сире Шайгавть. Ня азксненди ули кода верондамс. Афкукс, Атерсь—мокшень фкя инь сире велесь, конань колга лятфневи 1443 кизонь каготтнень эса. Тоса вишкста кассть эряйхнень лувкссна, ашесть сатне модатне. Сяс ломаттне ётнесть лия вастс. Сивинть трвава кели паксятне, лугатне, оцю вирьхне, коса ламоль нармоньда и зверьда, тусть мялезост, и синь лоткасть тяза.
Тяконь колга сермадсь Мордовиять топонимиканц содаец и тонафниец И.К.Инжеватов. Тяда башка, сон мусь кафта велетнень ёткса кеме соткс. «Теризморга» валсь, арьсемганза, ащи кафта топонимста: териз—теряй, терес; морга—явф пакш, шири касы тарад. «Морга» валсь топонимикаса—тя явф веленя, конань тиезь лия вастста сай эряйхне. «Теризсь» няфнесы, што синь ульсть Атерьста. Лисенди «Атеринь морга». Пингонь ётазь валть ушетксста А-сь прась, кучкастонь –НЬ-звуксь полафтовсь З-са. Тяфта и эвондась «Теризморга» валсь.
Васенцеда документтнень эса Теризморгась лятфневи 1704 кизоня Саранскяй уездонь ясачнай (государственнай) мокшэрзятнень кядьста нешкопереснон инкса ярмаконь кочкамать колга князть Степан Иванович Путятинонь стольниконц книгаса. Тоса азф: велеряйхне кирдихть 400 нешке, мезенкса пандсть 16 цалковай 12 трешник. Кода няйсаськ, нешкопереда велеса ламоль. Виде, козятне кирдсть 50-70, ашуфне кафтонь-колмонь и нльне тифтень нешке. Нюрьхкяняста азозь, медень таньфть варчсезь сембе. Тяда башка, велеряйхне касфнесть сера, кирдсть жуватат и нармотть, кунцесть калхт, тиендсть лия тефт.
Тяка документса шарфтат мяль вов мезть лангс. Эсонза максф пцтай 300 кизода инголе эряй ломаттнень, конат нинге апак кстиндактольхть, верондасть эсь шкайснонды, лемсна и фамилиясна. Кепотьксонди, Риска Чалин, Бегейка Суркин, Радайка Бекин, Сарудейка Вельмаев, Мелишка Пензяев, Ломачка Тикяпин, Любимка Ураев, Оська Пумрасев, Натка Сыряпин, Индяпка Байкин, Сенька Чевтаев, Кучайка Вельмеев и стак тов. Сяс мес мокшетнень кстиндамада меле озкс вятихненди мярьгондевсь тиендемс семботь, штоба атянь-атяньке юксталезь языческяй шкайснон, мокшетнень полафнезь нльне лемснон и фамилияснон. Тяфта од фамилиясь макссевсь кресналять лемонц коряс. Вов мес мокшетнень ёткса тяни лама Ивановда, Федоровда, Гавриловда, а Теризморгаса улихть Сарайкитт, Радайкитт, Тренькитт, Кудашкитт. Виде, Ми(я)лкиттне, Чевтаефне, Бара(ы)шефне и кой-кит лият ванфтозь кунардонь фамилияснон.
Сяка стольникть дацькянь кочкама книгасонза серматф: «Теризморга веленяса рьвяяф 34 аля, рьвафтома лятфта колма, апак рьвяяк церада и цераняда 21, удавада колма, стирьда 21, мирденди лисьф авада 34, сембоц 116 ломань…» Тя корхтай сянь колга, што веленясь аф сяшкава ёмлаль.
Сире Теризморгать, кода и мокшэрзянь лия велетнень, сядонголень эряфснон эсь лацонза полафтозе христианизациясь. Тяниень финц ученайхне лувондсазь сонь эрявиксокс, кле, сон лихтезень мокшетнень «шобда веста ши валдти». Омбонцне корхтайхть меколанкт. Шарьхкотьф фкясь—кстиндамась тись эсь лацонь революция мокшэрзянь ломаттнень эряфса, ваймоёжеса, полафтозень ламоц койснон-иласнон. Виде, тя лиссь аф эстокиге, а мольсь 100-150 киза. Инсарскяй уездонь, коза сувсесь и Теризморгась, эряйхне христианствати ётасть 1743-1749 кизотнень. Ся пингть уездса кстиндафоль 1263 ломань.
Содаф, мокшетне и эрзятне, катк и христиаттольхть, куватьс нинге озонкшнесть эсь шкайснонды, салава или наява ётафнезь эсь койснон-иласнон, мезть мархта изь мирендакшне церькавсь, тюрсь тянь каршес, кода маштсь. Аньцек сякокс тя мезьге изь канда. Эрявсь сядот киза, штоба марнек полафтоль ломаттнень ваймоёжесна.
Ванфтовсть Сире Теризморгань озксвятить (священникть) Федор Осиповонь 1812 кизонь серматфонза, коса азонды, кода святительть Николай Чудотворецонь лемса васенце церькавсь велеса строяфоль 1748 кизоня, а озондозе-светязе сонь Саранскяень архимандритсь Александр 1750 кизоня. Сон шапфоль шочкста. 1812 кизоня эсонза тефнень тиендезь ниле ломатть: озксвятись, кафта дьячокне и пономарсь. Дьячокне эрясть тозк, а пономарсь—Летькса. Теризморгань приходса ульсь 208 куд, 1001 алянь и 1011 авань вайме. Тяза озонкшнема сашендсть Сире и Од Шайгавонь эряйхневок—390 ломань.
1865 кизоня велень церькавса озксвятикс ульсь Пётр Смирнов. Архивса ванфтовсть соньге тяштьфонза.«Теризморгань приходса,—сермадсь сон,—1134 алянь и 1210 авань вайме. Сембе озондыхне—мокшет. Языческяй койснон-иласнон ётафнемда лоткасть кафтошка кизода инголе. Вирень порась, коса инголи печксесть жуватат, симондсть-ярхцсесть и озонкшнесть эсь шкайснонды, керф ни. Сяс тяни озондома якайхть церькаву. И сякокс озкснень смузьснон шарьхкодьсазь аф марнек. А тяфтак Шкайть валонцты пяк кулхцондыхть…»
Няеви, нльне 120 кизода кстиндафтомда меле велеряйхнень ваймос педа-пес изь пачкоде Иисус Христости озондомать пароц или кальдявоц, эсьотям тиендезь сянь, мезе мярьги озксвятись. А маластонь велева—Шайгавса, Саргаса, Кулдомса, Вяртельмоса, Лемдяйса, Колапаса, кода сермадсть тостонь озксвятихне, атянь-бабань койхнень ашезь юксне. Тоса ванфтовсть вирень поратне, коса салава и апак кяшентть ётафневсть языческяй озксилат.
XIX векть пенцты христианствась сатозе сонценнеть. Мокшень велева шуфтонь, пялес калада церькавнятнень вастс ушедсть стройсема отт, кирпиценнет. Архивонь кагодста содаськ: Иняру Николайть лемс кевонь храмсь Теризморгаса кеподсь 1894 кизоня, 1909 кизоня сон перяфоль пяк цебярь перяфксса, 1913 кизоня зрняса вельхтяфоль иконостасоц. Шкайти озондомать лувондозь эрявикс тевкс ломаттне сяда мелевок.
Церькавонь строямать мархта эвондасть велетнень эса сермадома и лувома тонафнема вастт. Теризморгань церькавть видесонга, кода тяшти Петр Смирнов, 1862 кизоня панчфоль училища. 1883 кизоня Инсаронь уездса 5,5 тежянь ломаненди сашендовсь фкя школа. Эряйхнень аньцек 18,2 процентсна якасть тонафнема. Лядыксненди сашендовсь тиендемс кудъетконь тефт, покодемс козятнень ширеса.
Аф сяда цебярель тевсь шумбрашинь ванфтомать мархта. Урмаськодомста-сярятькстомста ломаттне стаки якасть лезксонкса воражиятненди, содай бабанятненди. А сяда сидеста надиякшнесть Шкайть, эсь вийснон и шумбрашиснон лангс. Вов мес мокшень велетнень эса ламоль кулсида. Церькавонь метрическяй книгатнень коряс, 1832 кизоня Теризморгаса шачсь 84, а кулось 76 идь. 1862 кизоня церькавса кстиндафоль 118 идь (68 алянь и 50 авань вайме), а кулось 88 ломань, эздост 49—ёмла шабат. Да и мезе тият, кда нльне XIX векть песта маластонь медпунктсь ульсь волостень центраса, Летькса, а земскяй больницясь Ногаевасоль, кона 12 вайгяльбень вастса Теризморгать эзда. Перьфпяльдень сембе ломаттнень шумбрашиснон мельге ванцть земскяй фкя врач и кафта-колма фельдшерхт. Вов мес 1898 кизоня велеса кулось 143 ломань, конатнень эзда 108—итть. Сембоц 1898-1900 кизотнень Теризморгаса калмафоль 230 ломань.
И сяка велеряйхнень лувкссна апак лотксек касондсь. 1869 кизоня Сире Теризморгаса эрясь ни пцтай 2500 ломань. Модань аф сатнемать сюнеда кой-кит тусть Ожга ляйнять трвас и ушедозь Од Теризморга веленять. 1894 кизоня тоса ульсь ни 41 куд и 330 эряй, а Сире Теризморгаса—325 куд и 2990 ломань.
1909-1913 кизотнень Пензань губернияса серматфтольхть эряйхне. Сире Теризморгаса эста ульсь ни 487 куд, эрясь 3288 ломань. Сире Шайгавонь аймакса эста сон мокшень инь оцю велесель, коса ульсть: земскяй училища, 18 меленця, ваень пихтема и ямксонь томбама 5 вастт, понань пиксофтома 4 вастт, кирпицень тиема 2 вастт, кшинь, винань, пивань и лия товаронь мишенди 8 лавкат. Тяда башка, 1910 кизоня велеряйхне Иван Кузьмич и Михаил Семенович Начкиттне строясть оцю меленця, коза ладяфоль 12 алашань вийса нефтаса работай мотор.
Велеряйхнень лувкссна изь лотксе касомда и советскяй пингть. 1931 кизоня тяса ульсь 589 куд, эрясь 3332 ломань. Колхозсь тяса пуроптфоль 1930 кизоть ушетксста. Теенза максфоль гражданскяй войнань геройть С.М.Буденнаень лемоц. Васенце председателькс ульсь двадцатипятитысячниксь, Москувонь «Красный Октябрь» заводста механиксь Алексей Николаевич Стрельников. 50-це кизотнень песта марстонь хозяйствась лемтьфоль Октябрть 40 кизонц лемса. Хоть и аф инголе молихнень ётксоль сон, сякокс тефне мольсть аф кальдявста. Ломаттне стройсесть кутт, сяльде велеть кучкаса кеподсь средняй школать кирпицень оцю зданияц. Ся пингть вишкста ушедсь кирема велеряйхнень лувкссна. Аф кржа ломань тушендсь целинав-коза, Москуву, Саранскяи, маластонь райцентрав—Сире Шайгаву. 1997 кизоня эряйда ульсь 1015, нятнень пяледа ламосна—атят и бабат. И мезсь пичефти, велеряйхнень лувкссна коль кири и кири.
 
А.ТУВИН.

22.05.2015 №
 
 
 

 
НОВОСТИ
 
 
 

Александр Воробьев посетил новый завод по производству мороженого в Кочкуровском районе

Александр Воробьев посетил новый завод по производству мороженого в Кочкуровском районе
В рамках региональной недели депутат Государственной Думы РФ, член комитета ГД по аграрным вопросам Александр Воробьев побывал с рабочим визитом в Кочкуровском районе.
Он встретился с руководителем агрофирмы «Норов» Александром Поздняковым. «Норов» является крупным сельскохозяйственным предприятием Республики Мордовия. Это многопрофильное предприятие занимается животноводством и растениеводством, переработкой и строительством. В начале августа здесь запустили новую линию по производству мороженого.
Как отметил Александр Поздняков, было выпущено пять пробных партий мороженого. Их уже можно найти в продаже в местных магазинах. Сейчас идет выпуск фирменной этикетки, и буквально через несколько дней новое мороженое появится в магазинах Саранска и республики.
Александр Воробьев осмотрел оборудование и пообщался с сотрудниками завода. По словам заместителя директора завода по глубокой переработке Вячеслава Гузнаева, здесь будет налажено производство пяти наименований продукта: мороженое в вафельном стаканчике, маленький и большой рожки, эскимо, пломбир. Ассортимент будет постоянно расширяться.
«Новый завод – новые перспективы», - говорят молодые специалисты. Зарплата здесь составляет от 30 тысяч рублей, поэтому рабочие приезжают сюда из соседних сел и мордовской столицы.
В этот же день Александр Воробьев посетил социальный центр в селе Семилей. Он пообщался с местными жителями. В разговоре была затронута тема изменений в пенсионной системе. Депутат отметил, что Президент России Владимир Путин в своем обращении сказал, что с 1 января 2019 года предлагается начать выплаты 25% надбавки к фиксированной выплате страховой пенсии для неработающих пенсионеров, живущих на селе, со стажем не менее 30 лет в сельском хозяйстве. Эта инициатива была внесена комитетом Госдумы РФ по аграрным вопросам, и была одобрена Президентом.
31.08.2018
 
 

МАРСТОНЬ САТФКСНЕ КЕНЯРТЬФТИХТЬ

Ковылкинскяй муниципальнай районцта
24 августста Мордовия Республикань Государственнай Собраниять Председателец В.В.Чибиркин рабочай визит мархта ульсь Ковылкинскяй муниципальнай районца. Тяса сон ванозень социальнай, культурнай и  спортивнай  од  объекттнень, конаса пяк козя районць.
Васенда В.В.Чибиркин Ковылкинскяй муниципальнай райононь оцюнять В.И.Ташкинонь мархта ванозь Кочелаево велеса физкультурно-оздоровительнай комплексть. Эсонза спортивнай и тренажернай оцю залда, тенниснай кортта башка, тяфта жа ули тя пингонь бассейна, конаса аф аньцек уендема, но и сай пингонь рекордонь путома тонафнихть велень 200 шаба. Синдедост башка, кода бассейнаса, стане и спортивнай залса недяляти колмоксть кемокснесазь эсь шумбрашиснон Российскяй армиянь военнослужащайхне и правоохранительнай органонь сотрудникне.
30.08.2018  № 34
 

Шумордавсь «Шумбрат, школа!» акциясь

29 августста Саранскяйса Мокшэрзянь национальнай театраса ётась «Шумбрат, школа!» акциять финалоц. Пингстонза школьнай принадлежностень комплектт получасть Саранск ошень лафчста обеспечендаф семьятнень эзда васенце классу моли сяда стирня и цераня.
«Шумбрат, школа!» акциясь кемонь кизот моли «Единая Россия» Всероссийскяй политическяй партиять Мордовскяй региональнай отделениянц, Партиять социальнай платформанц, Мордовия Республикань Государственнай Собраниять депутатскяй корпусонц и  Саранск ошень округонь депутатонь Советть, Мордовия Республикань Населениять заняфшинц, социальнай араламань, трудонь министерствать, «Милосердиянь и шумбрашинь российскяй фонд» Общероссийскяй благотворительнай общественнай фондть Мордовскяй республиканскяй отделениянц, Мордовия Республикань Профсоюснень Федерацияснон, а стане жа индивидуальнай предпринимательхнень, предприятиятнень и общественнай организациятнень патронажснон ала.
Акциять етафтыенза кочксихть школьнай принадлежностть лафчста обеспечендаф и лама идень семьятнень эзда васенце классу моли шабатненди. Акциясь уленди республикань сембе райоттнень эса.
Национальнай театрав  пуромфнень Содамошинь малаткшни шить мархта поздравляндазень «Единая Россия» Всероссийскяй политическяй партиять Мордовскяй региональнай отделениять Секретарец, Мордовия Республикань Государственнай Собраниять Председателец В.В.Чибиркин.
—Несколька шида меле республикань школатне панчсазь эсь кенкшснон шабатненди. Мордовияса лама тиендеви образованиять виияфтоманц инкса. Панчсевихть од школат, арьсеви строямс школат нинге. Школатнень эса сембось тиф тяниень пингонь вешфкснень  коряс, иттненди макссевихть питнефтома учебникт,—мярьгсь Владимир Васильевич.
Тя шиня васенце классу молихнень поздравляндазь Мордовия Республикань Профсоюснень Федерацияснон председателец С.В.Борисов, «Новотроицкий» Агрохолдинг» ООО-ть директороц, «Единая Россия» Партиять Мордовскяй региональнай отделениянц Региональнай политическяй советонц членоц В.В.Руженков, лиятне.
Эрь идсь получась канцелярскяй принадлежностень набор, лия казнет.
Меколи ульсь «Эдельвейс» шоу-группать концертоц.
Т.Альшина.
30.08.2018
 

ШКОЛАСА ТОНАФНИХНЕНЬ КАЗЕЗЬ ПУТЁВКАСА «АРТЕКУ»

МР-нь Госсобранияса ульсь «Единая Россия» партиять и партиять патриотическяй платформанц «Здоровое будущее» федеральнай проектонц рамкаса «Вода и здоровье» Всероссийскяй акциять региональнай этапонц сяськиензон каземасна.
МР-нь Госсобраниять Председателенц заместителец Иван Москаев шарфтсь мяль сянди, што «Вода и здоровье» акциясь сявсь ушеткс 2018 кизонь январьста. Сонь итогонзон коряс—активнай участиянь примаманкса и тиф оцю работанкса—Мордовиясь тага арась примеркс Россиянь лия региоттненди. Акциять мяльса кирдезь республикаса ётась 3 тёжянть малава экологическяй урок школатнень эса и МР-нь Гигиенань и эпидемиологиянь центрать видеса. Школаса тонафнихне аруяфнезь эшинятнень и кочксезь кархчнень лихтибрятнень перьф, тиендсть исследованият ведти. Акциянь участникокс арасть Мордовиянь 387 образовательнай учреждения и 53 тёжяньда лама школаса тонафни. Акциянь «лидеркс» азфоль 2 тёжяньда лама стирня и цёраня.
И вов МР-нь Госсобранияса казезь цебярьдонга цебярьхнень. 15 «лидерсь»—Мордовияста школаса тонафнихне—казьфтольхть «Артек» идень Международнай центрав путевкаса. А кирдемок мяльса Мордовиять акцияса активнайста участиянь примаманц, сонь федеральнай штабоц макссь дополнительна 5 путевкат «Артеку». Тя недялять 13 регионцта 20 школьник молихть идень Международнай центрав 10-це сменати.
МР-нь Госсобранияса чествовандазь аф аньцек школаса тонафнихнень, но и наставникнень. «Единая Россия» партиять региональнай отделениянц Секретаренц, МР-нь Госсобраниять Председателенц Владимир Чибиркинонь Благодарностензон мархта «Вода и здоровье» Всероссийскяй акциять ётафтомаса лезксонкса казьфтольхть «Сделаем вместе!» Всероссийскяй движениять МР-са региональнай штабть членоц, штабть секретарец, Саранск ошень округонь администрациять Социальнай политикать коряс департаментть директоронц заместителец Ольга Ручина, «Сделаем вместе!» Всероссийскяй движениять МР-са региональнай штабонц членоц, РФ-нь Госдумань депутатть Василий Пискаревонь помощникоц Ольга Суродеева, министерстватнень и ведомстватнень представительсна.
30.08.2018
 

Ванфтольхть пенсионнай системать цебярьгофтоманц мархта сотф кизефксне

Ванфтольхть пенсионнай системать цебярьгофтоманц мархта сотф кизефксне
21 августста Саранскяйса «Единая Россия» Всероссийскяй политическяй партиять Мордовскяй региональнай отделениянц секретарец, Партиять Генеральнай Советонц членоц В.В.Чибиркин ётафтсь пресс-конференция. Владимир Васильевич макссь комментарийхть «Единая Россия» партиять Генеральнай Советонц и фракциянзон руководительснон Советснон марстонь заседанияснонды, конань пингста корхтамась мольфтевсь пенсионнай системать цебярьгофтоманц колга.
В.В.Чибиркинонь валонзон коряс, пенсионнай системать цебярьгофтоманц мархта сотф кизефкссь пяк эрявикс, сон таколфтсыне сембе ломаттнень. Инь оцю задачакс ащи пенсиятнень касфтомасна. Ся системась, кона ули тяни, веши лац-ряц арьсеф корректировка. Инь оцю стакась-сталмось сянь эса, што эрь кизоня пенсионерхнень лувкссна касы миллион пяле мархта ломаньда, а работайхнень лувкссна кири. Эрь кизоня Пенсионнай фонду федеральнай бюджетста поступай колма триллионда лама цалковай. Ня средстватнень улель кода нолдамс ламоц отраслятнень и структуратнень виияфтомаснонды.
Мордовияса келиста ванфоль пенсионнай системась и сонь цебярьгофтоманц мархта сотф ширетне. Тя тевса примасть участия общественностть представителенза, депутаттне, эксперттне. Поступасть предложеният, сембе синь пуроптфт марс.
Вяре азф заседанияса примафоль решения, конань эса азфоль мяль Российскяй Федерациянь Государственнай Думань депутаттнень и Федерациянь Советонь члеттнень пенсионнай сембе преференцияснонды отменань тиемать, а стане жа алятненди 60 кизонь и аватненди 55 кизонь топодемста эрь ковонь ярмаконь пандоматнень, ЖКХ-нь услугатнень инкса пандоматнень коряс компенсациять, медикаментонь рамамста компенсациять и ширень кирдемань лия мератнень ванфтомаснон коряс.
«Единая Россия» партиясь ащи сянкса, што коррупционерхнень и взяткань сявихнень кядьста сявф сембе ярмакне кучевольхть видеста Пенсионнай фонду.
Пресс-конференцияса ванфтольхть и лия кизефкст.
Т.АЛЬШИНА.
22.08.2018
 

Турчак предложил отменить пенсионные преференции для депутатов Госдумы и сенаторов

Секретарь Генерального совета партии «Единая Россия» Андрей Турчак предложил отменить все пенсионные преференции для депутатов Государственной Думы и членов Совета Федерации. С таким заявлением он выступил на совместном заседании Генерального совета Партии и Совета руководителей фракций «Единой России».
«Мы не можем рассчитывать на понимание и поддержку наших граждан, если принимаемые решения не касаются нас самих. Считаю, что здесь важен сам принцип: начинать нужно с самих себя. В этой связи считаю, что будет правильным, если депутаты и сенаторы представляющие нашу Партию, внесут изменения в закон о статусе члена Совета Федерации, и депутата Государственной Думы, устранят сложившееся неравенство и отменят себе преференции», – заявил он, подводя итоги совместного заседания Генерального совета Партии и Совета руководителей фракций «Единой России».
Секретарь Генсовета Партии подчеркнул, что депутаты Госдумы и сенаторы «должны получать пенсию в общем, едином для всех граждан Российской Федерации порядке». «Это предложение вошло в текст сегодняшнего итогового документа. Данная норма, я считаю, должна заработать уже с 1 января 2019 года», - добавил он, заметив, что для граждан это вопрос справедливости.
Турчак также обратил внимание на то, что ничто так не вызывает раздражения и неприятие у людей, как вопросы несправедливости.
«Уверен, что Партия должна настоять на том, чтобы все денежные средства, изъятые у коррупционеров и взяточников, а также полученные от реализации конфискованного у них имущества, направлялись напрямую в Пенсионный фонд», – заявил Турчак.
С начала июля «Единая Россия» провела более 400 дискуссий по изменениям пенсионной системы в регионах с участием более 30 тысяч граждан, коллег-однопартийцев, экспертов, общественных организаций. Сотни тысяч граждан смогли высказать свои предложения на встречах с депутатами ЕР всех уровней и членами Совета Федерации. По итогам обсуждения поступило более полутора тысяч оформленных предложений, обобщенных по направлениям и по тематике.
21.08.2018
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин