Поиск по сайту: 
 

Архив
 январь 
 2019 
пн вт ср чт пт сб вс
 123456
78910111213
14151617181920
21222324252627
28293031   

 
 

 

Обратная связь (Газета - Читатель)

«МОКШЕНЬ ПРАВДАСЬ» ПОЛАФНИ АНЬЦЕК ЦЕБЯРЬ ШИРИ

 
—Периодическяй изданиятнень еткста кельгома газетазе—«Мокшень правдась». Велесонк пцтай сембе серматфнесазь тядянь-алянь кяльса лисенди изданиять. Ломаттнень мяльс тушенды ся, кода редакциянь журналисттне сембе ширде няфнесазь ошень, велень, ширеса эряй мокшетнень эряфснон. Эсонза азондови минь республикасонк етафневи илатнень, мероприятиятнень, аф фкя лацонь профессиянь работникнень колга. Тяда башка, макссевихть советт перень серонь касфтомать, урмань-мезень пчкафтомать колга и стак тов.
Мялезон «Мокшень правдаса» лисенди мокшэрзянь ансамбльхнень колга материалхне. Минь культураньке, койхне-обуцятне ванфтовихть велеса и ошса. Тяфтама коллектифне аф юкснемат, а тиендема семботь, штоба ня ломаттнень квалма содальхть сяда ламотне и путнелезь синь примеркс.
«Мокшень правда» газетать лувондса, можна мярьгомс, эряфоньберьф. Тяни кельгома газетаньке ламода полафтсь кода содержанияс коре, стане и оформлениянь ширде. Шарьхкотьф, кизотне молихть и мархтост аш кода аф полафтомс национальнай тя изданиятивок. Но, мялезе азомс, што фталу лятф кизотне «Мокшень правдати» ладясть. Сон пингонь етазь аньцек цебярьгоды и цебярьгоды. Лятфнесайне, кода оцюдонга оцю страницатнень лангса печатлакшневсть критическяй статьят, партийнай  кулят. А кда ваномс тячиень газетать лангс, то тяни тоса печатлакшневи сяда лама интервью содаф ломань мархта, нюрьхкяня информацият-месть.
Ламода полафтсь газетать оформленияц. Эвондасть цветной полосат, мезсь нинге сяда касфтсы родной изданияньконь питненц. Эрь материалти макссеви снимка или иллюстрация.
Материалхне серматкшневихть тяфта жа шарьхкодеви, ару мокшень кяльса. Тя аньцек кеподьсы лувихнень мяльснон и синь лама пингс лядыхть газетати ялгакс, кода мон.
Л.НИКОЛАЕВА. 

21.09.2015 №
 
 
 

 
НОВОСТИ
 

Мордовиянь Оцюнясь Владимир Волков Ётафтсь национальнай проекттнень эряфс етафтомаснон коряс рабочай совещания

17.01.2019  № 2
 
 
 

Ули мезенкса кеняртькшнемс

Монь, кода од ломанень, пяк лад мялезон ся, кода кизоста кизос коль сяда и сяда мазыкс и арукс арси республиканьконь столицац—Саранскяйсь. Тяни ётат сонь ульцянзон, проспектонзон, парконзон, лия вастонзон эзга и седице пяшкоди кенярьдемада, гордостьта и ошть, и марнек Мордовиять инкса. Сембода лама полафткста, конешна, эвондась тяса футболть коряс Миронь чемпионатти анокламста. Ваносте, кодамот тяни ошень китне, вокзалхне! Мяльцень стане жа саласазь «Тавла» гостинично-жилой од комплекссь и Экопарксь. Марнек полафтсь, лиякс арась аэропортсь. Тяни тяста самолетса можна пачкодемс Москуву и Санкт-Петербургу. А мзяра строяф идень садта, школада, гипермаркетта, лама лия пяк эрявикс объектта. А кода аф лятфтамс уникальнай спортивнай объектть—«Мордовия Арена» стадионть. Сон сембоса отвечай тяниень пингонь инь оцю вешфксненди. Аф стак самай тяса меля налхксть миронь инь вии футбольнай командатне. Тя ли аф фантастика, тя ли аф честь сембонди тейнек. А ёфси аф кунара Саранскяйса ётафтфоль эйть лангса конькаса фигурнайста куркснемать коряс Россиянь чемпионатсь. И тяконь лаца спортонь оцю праздникт миньцонк ётафневихть аф шуроста.
Спортсь лихтезе столицаньконь пяк няевикс вастс, тиезе сонь содафокс аф аньцек Россияса, а марнек мирса-масторса. «Саранскяйсь—тя афкуксонь Европейскяй ош, тяса сембось тиф-ладяф оцю уровеньца»,—тяфта азондсазь эсь мяльснон-арьсемаснон столицаньконь колга тяза сашенды инжихне.
Мария Тарасова.
10.01.2019  № 1
 

10 январьста—Мордовиять шачема шиц

Панчфокс панчт, мокшэрзянь краеньке!
Тячи Мордовия Республиканьконь шачема шиц. Топодсь 89 киза, кода теенза максф государственность. 1930 кизонь 10 январьста ВЦИК-ть Президиумоц примась постановления Мордовскяй округть Мордовскяй автономнай областекс тиеманц колга. Тя шись и лувондови мокшэрзянь республикати шачема шикс. А ниле кизода меле тифоль Мордовскяй АССР-сь.
Тянь мархта путфоль цебярь ушеткс касоманди-виияманди. Ётаф пингста ламода кассь республикать экономическяй виец, кеподсь культурась, образованиясь, наукась. Ламоц земляконьке арасть гордостекс аф аньцек Мордовияса, но и сембе Россияса.
Сембода оцю сатфкст миньцонк сатфт мекольдень кизотнень. Мордовиясь путневи примеркс лиятненди, тяза сашендыхть опытонкса, тонафнема. И ули мезти тонафнемс. Республиканьке тячи—странать инь  вишкста вииякшни региононзон эзда фкясь.
10.01.2019  № 1
 

Мордовия Республикань культурань, национальнай политикань, туризмань и архивнай тевонь министрсь А.М.ЧУШКИН: «ЛАДЯМА СЕМЬЯСОНТ И САТФКСТ ТЕВСОНТ!»

28.12.2018
 

Н.П.Огарёвонь лемса Национальнай исследовательскяй Мордовскяй государственнай университетонь ректорсь С.М.ВДОВИН: «КАТК ЁТАФТОВИХТЬ ЭРЯФС СЕМБЕ ВАЛДА МЯЛЕНТЕ И ПЛАНОНТЕ!»

28.12.2018
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин