Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

«ВИИ ХОЗЯЙСТВАСЬ, КОЗЯ ВЕЛЕСЬКЕ»

 
«Анаевское» ООО-сь эряфонь кинц ушедозе нинге ичкоздень, тяфта лемневи, велень хозяйствань всеобщай коллективизациянь пингть. И каннесь сон эста «Прогресс» колхоз лем. Лама вармада, пиземда, ловда етась ся пингста сявомок марстонь хозяйствать ланга, лама полафткс тиевсь тоса. Шарьхкотьф, ульсть и алубантт кеворемат, ульсть и сатфксонь сатнемат.
Мольсь 1997 кизось—аф теждя пингсь. «Анаевский» велень хозяйствань производственнай кооперативти председателькс кочкафоль тостоконь мокшень алясь Геннадий Серафимович Евграшкин. 2004 кизоня хозяйствась тифоль ограниченнай ответственностень обществакс (ООО-кс), конанди генеральнай директоркс стане жа кемокстафоль Геннадий Серафимович. Мяльце или аш мяльце, но тяса тага савихть лятфтамс вейхксогемонце кизотне, мзярда сембе вастова велень хозяйствань производствась срадсь-каладсь, мишендевсь-салсевсь марстонь хозяйстватнень эзда техникась. Сембе вастова, аньцек аф Зубувонь «Анаевское» хозяйстваса. Тянь генеральнай директорсь Г.С.Евграшкин ашезе нолда. А колганза корхтамста мярьгондеви: «Сяда ламоне тяфтама хозяйственникта, эста кодамовок санкциясь улель аф пелькс».
 
Эрь шинь тефт-заботат
«Анаевское» ООО-са, серонь касфнемада башка, кирдихть жуватат. Хозяйствать мельге кемокстаф кота тежяньда лама гектар мода. Эздост витцевида 2327 гектар. Зерновой культураса занцеви 1000 гектар, кормовойса—1327 гектар. Кукурузада витцеви 100 гектар. 250 гектар лангса—фкя кизонь тишет, многолетняйда—977 гектар. Сембоц тядде получаф 2200 тонна сера, миф государствати 526 тонна. Лядыкссь туй видьмонди, рабочайхненди.
Мярьгондихть хозяйстваське аф хозяйства, кда аф кирдевихть тоса крупнай жуватат. Тяни, кода сотцеви, аф кржа стама предпринимательда, конат рамсихть или арендас сявондихть мода, касфнихть лангсонза серот-месть и сембе. Сась сексесь, урядави урожайсь, путови вастс, а сяда тов ломаттне тушендыхть эсь лацонь каникулас, сяс мес тялонда тев теест аф мушендови. Вов и тялонь кувака шитнень велеряйти сашендови кулхцонкшнемс тялонь варматнень «мороснон».
Хозяйствань генеральнай директорсь Г.С.Евграшкин лац-ряц содасы велень эряфть. Сяс васень мялец—максомс ломаттненди  работа, лиякс мярьгомс, тиемс рабочай вастт. И тиенди. Сонь хозяйствасонза, серонь касфнемада башка, велеряенза работайхть фермаса, якайхть жувататнень мельге, касфнихть вазнят, тувот. Тяддень 1 сентябрти самс крупнай жуватадост лувондовсь 1064 пря. Тракста сембоц 355, потявида—250. Аноклаф 3000 тонна сенаж, 6000 тонна силос. И стак тов.
Сембоц кодгемонь ветие ломань трудендай ограниченнай ответственностень обществаса. Хозяйствань руководствать ширде аш лангозост пеняцямат. Велень ломаттне сембе пингть сотфт модать мархта. Тя тевсь тонатф теест нинге шабакс. Кельгсазь сонь, сянкса и тиендьсазь седикс-ваймокс. Тя аньцек шнама, но пара улель, кда оттне сяда прафтольхть велень тефненди. Но… Синь, кода содасаськ, тушендыхть кие-коза, и тянь мархта шамондыхть веленьке. Но ня тушендоматне, сембе лац содасаськ, сетьмофтевольхть, кда муволь теест тев тязк. Вов тя кизефкссь оржаста ащи и странань руководствать инголе. Улихть тяфтама пичефксонза и Анаевать. Но ломанць, мзярс эряй—надияй. Пара улель, кда меки эреклальхть, одс шачиень вайгяльда пяшкодельхть веленьке.
 
Сатфкст сатовихть тоса, совестьс коре трудендайхть коса
Хозяйствать надияма вастоц—тоса трудендайхне. А «Анаевское» ограниченнай ответственностень обществаса трудендайхть, экономистть Светлана Федоровнань валонзон коряс, эсь тевонь афкуксонь мастерхт. Хозяйствань передовикнень еткс сувсихть комбайнерхне А.А.Кашаев, В.Д.Якурин, В.В.Баранов, водительхне И.А.Почунов, Н.В.Рябов, П.Ф.Козин, С.М.Глухов. Тинголангса работамста цебярь ширде няфтезь пряснон механизаторсь Г.С.Артамонов, помощниксна С.В.Белкин, А.А.Ляльков (школьник), А.Г.Шкаликов. Аш кода аф лятфтамс и комбайнеронь помощникнень К.А.Кашаевонь (школьник), А.В. Барановонь, В.И.Зуйкинонь, подсобнай работникнень, ученикнень Д.А.Козинонь, А.А.Евтисовонь и ламотнень лиятнень. Азф ялгатнень эзда ламотне примсихть участия тундань паксянь работатнень пингста, кормань анокламста, тялонда жувататненди кормань усксемста.
Кода ни азоськ, хозяйстваса аф аньцек сера касфнихть, но и  жуватат кирдихть. Корхнихть, што лофцсь—жуватать кяльбряса. Тя афкукс стане. Но кда арьсят-тият и саят мяльс, што ламось, пяк ламось ащи сонь потяенц эзда. И тяса лятфтама Надежда Петровна Бурдинать лемоц. Дояркань тевонц, катк сон и аф теждятнень эзда, кельгсы и тиендьсы оцю мяльса, совестьс коре. Тяста и сатфксне. Обслуживандай Надежда Петровна колмогемонь кафтува тракс. Эрь жуватаста кафкса ковста получаф 4249 килограмма лофца.
 
Инновацияфтома, од технологияфтома ефси аш кода
Геннадий Серафимович Евграшкинонди—«Анаевское» ограниченнай ответственностень обществань руководительти васень тевкс ульсь и ляткшни од технологиятнень тевс сувафтомасна. Тяфтома тячи ефси аш кода, тя пингть вешфксоц, тя тячиень шиньке. И тянь колга аф юксневи фкявок шис. Тя тевти оцю ответственностень марязь малаткшнемать сюнеда мекольдень кизотнень коль касыхть-ламолготкшнихть хозяйствать производственно-экономическяй показателенза.
Серонь урядамада, кормань анокламада башка, тяникиге ни хозяйстваса арьсекшневи тялоть колга. И тевсь аф аньцек кормань запасонь тиемаса, но, штоба эсь пингстонза сувафтомс жувататнень лямбе кардс. Кирдемок мяльса тя ширеть, оцю работа мольфтеви карттнень петемаснон коряс. Аш кода, кле, кадондомс тя тевть одувонди, аф содаф, кодама ули сексесь, тялось. А мзярда жуватань кирдема васттне, корматне анокт, аф пелькст аф лов мархта пизепне, аф тялонь бураттне. И Геннадий Серафимовичень тяфтама мялензон мархта аф согласиндамс аш кода.
 
Н.КУБАНЦЕВА.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022