Поиск по сайту: 
 

Архив
 ноябрь 
 2018 
пн вт ср чт пт сб вс
   1234
567891011
12131415161718
19202122232425
2627282930  

 
 

 

Обратная связь (Газета - Читатель)

«КАТК «МОКШЕНЬ ПРАВДАСЬ» УЛИ УЧСЕФ ИНЖИКС ЭРЬ СЕМЬЯСА»


 
—Кода шумбрашице, Мария Ивановна?
—Спасиба! Аф пеняцян, саворне стаки возян-пульхкан кудъетконь тевса. Пересовок нинге шаран. Виде, уманязе тячи аф сяшка ни кода тяда ингольдень кизотнень, но сякокс касфнян тяса аф ламнянь перень сембе серотнень эзда. Озафнян модамарьхть, шурьхкат, пурьхкат, помидорат, капстат и стак тов. Монць и мельгаст якан.
—Стамань-вышивандамань тевценьге аф юкснесак?
—Сюреса сермадомась—тя эряфозе, сяс салмоксть и сюретнень сявондьсайне кядезон, кодак аньцек эвондакшни етка пингозе. Кизонда, шарьхкотьф, кельгома тевсон прязень занцеса сяда шуроста. Мзярс переса трудендат, ванат, шоподемаське саттанза ни. А вов тялонда стаян-сермадан сяда лама.
—«Мокшень правдать» кунара лувондсак?
—Тяни афи мяляфтса ни, мзярда васенцеда сявине сонь кядезон. Пяк кунара тя ульсь. Рамайне почтаста, лувине, тусь мялезон, вов и араме газетать мархта цебярь ялгакс. Васендакиге «Мокшень правдась» шарфты эсь лангозонза мяль оформлениянц мархта. Эрь материалть видеса улихть снимканят. Сядонга мялень салайхть цветной лопанятне, конатнень лангста сидеста няендьсаськ мокшень щапнень, национальнай лия козяшить. Козя газетась содержанияс корявок. Эрь лувись мусы тяста сянь, мезсь теенза интересна. Монцень мялезон пяк тушендыхть Н.В.Кубанцевать статьянза. Нина Васильевна тяшти пяк теждя кяльса, тематка мушенды пяк интереснайхть. Аф кунара лувине «И арань церанязти аф содаф ломанькс» зарисовканц. Сяшкава седиень токазь тяштьф эрь строчканясь, мянь сельмоветтне туйхть. Лац, койсон, тиенттяда, мес номерста номерс макссесасть «Тинь шумбрашинте» полосать. Тя или тона урмать пчкафтоманкса рецепттнень аф шуроста нолнесайне тевс монга. А нинге молодецтада, мес смекасть-арьсесть «Мазыхть мокшень стиреньке» конкурсть. Сельме кеняртьфти эрь участницась. А кодама мазыхть нарядсна! Нинге мялезон тушенды «Переса и садса» уженясь. Оцю вешфкссь теенза, арьсян, велень ломаттнень ширде кие кирди жуватат, касфни перень серот. Пара сявок, мес сидеста печатлакшневихть изданиять эса ширеста саф семьятнень, од ломаттнень колга.
—Койсот, мезть лангс шарфтомаль сяда оцю мяль тейнек, газетать аноклаензонды?
—Мялезе няемс «Мокшень правдать» лопанянзон лангста сяда лама оржа материалда, штоба сяда сиденяста тяшневоль велетнень тячиень эряфснон колга.
—Мария Ивановна, мезе арьселеть «Мокшень правда» газетань ноляйхненди?
—Шумбраши, оржа перат и катк кажнайсь эздонт мусы эряфса эсь павазонц! Катк «Мокшень правдась» ули учсеви инжикс мокшень эрь семьяса.
—Спасиба!
О.ЕВДОКИМОВА.

25.09.2015 №
 
 
 

 
НОВОСТИ
 

УШЕДСЬ «Шумбрат, Мордовия!»—«Vivat, Чемпионат!» ФЕСТИВАЛЬСЬ

25.10.2018  № 42
 
 
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин