Поиск по сайту: 
 

Архив
 ноябрь 
 2018 
пн вт ср чт пт сб вс
   1234
567891011
12131415161718
19202122232425
2627282930  

 
 

 

Обратная связь (Газета - Читатель)

«ЛУВОНДСА ПАРА ЯЛГАКС»

 
—Тядянь кяльса-валса лисенди газетать—«Мокшень правдать»—лувондса пара ялгакс, мяльне-арьсемане колганза пяк цебярьхть. Апрякамс журналисттнень, конат аноклакшнесазь газетать, койсон, аш мезенкса. Мокшень кяльса лисенди изданиять страницанзон эса печатлави материалхне серматкшневихть лямбоста, оцю маштомошиса. Морафтсак тя или тона статьять и шарьхкодьсак, што синь етафневихть тяштихнень седиснон-ваймоснон пачк. Газетать цебярец и сянь эса, мес нолявихть-аноклавихть целевой полосат. Материалхнень тяфта полосас-полосас латцемасна аньцек шнама. Кда, мярьктяма, мяльце морафтомс семьять, од ломаттнень колга, варжакстт газетать кучкастонь лопанянзонды, коста мусак тейть сембе эрявиксть. Ся, мезе ульсь республикасонк недяляста, морафтсасть газетать официальнай отделстонза.
«Мокшень правдась» тейне кунара ни ащи васень кярьмодема вастокс, шра лангонь изданиякс. «Корхнян» мархтонза, кода мала ломанень мархта. Газетать морафнемонза ушеткшнян аф мекольдень страницаста, а васенцеста. Васендакиге сотцеса эздонза, мезе тиевсь-ульсь республикасонк недяляста.
Национальнай кяльса лисенди изданиять сяда лама лувидонза, шарьхкотьф, велеса. Лац тиф-арьсеф, што макссеви «Минь усадьбаньке» уженя. Тяста мушендсы велеряйсь сембе эрявиксть. И кода аноклама видемс модась, и кодама пингть видема тя или тона культурась, и кодама сортсь ладяй минь моданьконди. Пингсь вдь тяни кодама, лияста сяшкава аф пара арай ваймозт, а тяса варжакстат газетати, мусак кельгомать колга азкскять, морафтат пеетькшнемат-сингорямат и тага эреклат, тага юкстасайть сембе таколфтыхнень.
Монь мяльне тяфтамот: сяда товга тясть юксне велеть, сермадода-азондода минь андыеньконь колга. Лиякс мярьгомс, семботь старандада тиемс стане, штоба, аф ваномок кодамовок сталма, кодамовок кризис лангс, газетать вешелезь, серматфнелезь. А целайнек «Мокшень правдась», хуш теенза сай кизоть топоди вейхксогемонь ветие киза, коль цебярьгоды, коль одкстоми.
Н.КУБАНЦЕВА.

25.09.2015 №
 
 
 

 
НОВОСТИ
 

УШЕДСЬ «Шумбрат, Мордовия!»—«Vivat, Чемпионат!» ФЕСТИВАЛЬСЬ

25.10.2018  № 42
 
 
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин