Поиск по сайту: 
 

Архив
 октябрь 
 2018 
пн вт ср чт пт сб вс
1234567
891011121314
15161718192021
22232425262728
293031    

 
 

 

Ветеранам о ветеранах

ФКЯ ФКЯНЬ ШАРЬХКОДЕЗЬ И ЛАДЯЗЬ 50 КИЗА МАРСА

М.Т.Вельмова етась эряфонь кувака ки и вестевок ашезень ноля кядензон. Тянивок старандай ломаньда фталу аф лядондомс.
—Тяни эряфсь пяк пара,—корхтай мокшавась.—Пенсиять кандсазь эсь пингстонза. Лавкаста рамак мезе мяльце. Тят нолгада, кирдть жуватат, касфтт перень серот. Аньцек фкясь пичефтьсамань—велеса оттненди аш коса покодемс.
Матрена Тимофеевнань мархта аш кода аф согласиндамс. Ефси аф ичкозе эряйхть эздонза кафта церанза Владимир и Иван. Кафцьке покодсть «Сосновский» совхозса. Кудсна, семьясна, эряфсна-ащефсна. Кафцьке якайхть Москуву добувама. Аф теждяста сатови трешниксна. Тядянь седись ризнай инксост.
Шачсь Матрена Тимофеевна 1940 кизоня Атюрьевскяй райононь Пичепулоня велеса Норкиттнень семьяса. Аляц, Тимофей Тимофеевич, войнань ветеран. Сембе эряфонц максозе совхозонь тефненди. Тядяц, Наталья Федоровна, стане жа мзярдовок ашезь лядонда тевфтома. Матрена Норкинать пяк стакаль идькс пингоц. Да и сембе эста эрясть пяк ашуста, мольсь война. Сондедонза башка тядянза-алянза касфтсть нинге фкя стирь и цера. Ирина и Тимофей ашет шиса ни.
—Школаса тонафнень кржа, аделань аньцек вете класст,—корхтай Матрена Тимофеевна.—Эста ашель мзярда тонафнемс, эрявсь работамс. Пенгянь керома вири яксеме оцюфнень мархта ряцок. Тишевок траксонди аноклакшнеме. Тяда башка, покодеме колхозса.
Монь лацон стирняда эста пяк ламоль. Войнада меле эрявсь трудендамс колхозса, и лия вастсовок ашесть сатне рабочай кяттне.
Касомок, Матрена пуроптсь семья Козловкань церать И.И.Вельмовонь мархта. Марса ведьгемоньда лама киза ни эряйхть. Эряйхть ладязь, кельгозь, фкя-фкянь шарьхкодезь. Иван Иванович пцтай нильгемоньда лама киза макссь васенда «Красное знамя», меле—«Сосновский» совхосненди. Трудендась водителькс. Тяни заняф кудонь тевса. Сонць мокшавась 18 киза работась велень школаса, покодсь техничкакс. Велеса сон ульсь и тянивок лядонды кельгома ломанькс.
Матрена Тимофеевна и Иван Иванович касфтсть ниле итть. Сембе синь арасть шнама ломанькс, сельмонь каяма вастокс. Сергей Иванович эряй-ащи Москуса, покодсь полицияса. Тяни сон пенсияса. Евдокия Ивановна эряй Владимирскяй областень Кержач ошса, покоди торговляса. Владимир Иванович и Иван Иванович эряйхть Потьма велеса, кода азоськ ни, лама пинге трудендасть «Сосновский» совхозса. Тяни добувама якайхть Москуву.
Вельмофнень сисем уноксна, ниле уноконь идьсна. И сембе синь аф юкснесазь кить Потьма вели, коса эряйхть-ащихть инь мала ломаньцна.
Матрена Тимофеевна машты пидема-панема, коень-обуцянь ванфтома. Аш стама мокшень праздник, штоба афоль тие поза, афоль пиде пачат, цюкорхт. Эрь кизоня серматфнесы и «Мокшень правдать».
Аф кунара М.Т.Вельмова отмечазе 75 кизонь юбилеенц. Юбилей мархта, Матрена Тимофеевна!
И.ВЕШКИН.
Снимкаса:
 М.Т. и И.И.Вельмофне.

21.01.2016 №2
 
 
 

 
НОВОСТИ
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

Турчак: В парламенты всех 85 субъектов России внесены законопроекты о сохранении региональных льгот для людей предпенсионного возраста

На сегодняшний день в парламенты всех субъектов Российской Федерации внесены
законопроекты о сохранении региональных льгот для женщин, достигших 55 лет, и для
мужчин 60 лет. Об этом сообщил секретарь Генерального совета «Единой России»
Андрей Турчак.
«На сегодняшний день в парламенты 85 субъектов РФ внесены законопроекты о
сохранении региональных льгот для граждан предпенсионного возраста – женщин 55 лет
и мужчин 60 лет. В 37 регионах законы о сохранении региональных льгот в прежних
возрастных границах уже приняты законодательными собраниями. Из них в 18 субъектах
РФ документы подписаны губернаторами. Еще в трех регионах данные законопроекты
рассмотрены и приняты в первом чтении. В 45 регионах России законопроекты будут
рассмотрены в самое ближайшее время: в большинстве – до конца сентября и в
нескольких – в октябре», – заявил Турчак.
По его словам, сохранение региональных льгот для людей предпенсионного возраста –
один из важнейших вопросов, который поднимался в субъектах РФ при обсуждении
совершенствования пенсионной системы. «Поэтому на совместном заседании
Генерального совета и Совета руководителей фракций мы приняли решение рассмотреть
вопрос о сохранении региональных льгот для людей предпенсионного возраста в
осеннюю сессию. Нашу инициативу в своем обращении поддержал Президент России
Владимир Путин», – напомнил Турчак.
24.09.2018
 
 

РЕГИОНАЛЬНАЙ ЛЬГОТАТНЕ ПЕНСИОНЕРХНЕНДИ ВАНФТОВИХТЬ

20.09.2018  № 37
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин