Поиск по сайту: 
 

Архив
 июнь 
 2019 
пн вт ср чт пт сб вс
     12
3456789
10111213141516
17181920212223
24252627282930

 
 

 

Как жили и живут мокшане

ЕЛЬНИКОВСКЯЙ РАЙОНОНЬ МОКШЕНЬ МАЗКАНЯСЬ

Педагогическяй училищать шумордамдонза меле В.С. Ивашкин поступась А.И.Полежаевонь лемса Мордовскяй государственнай педагогическяй институту. Тя пингть васенце вастти путнезе научнай ширеть. Крхкаста тонафнезе Поволжьянь мокшэрзятнень историяснон. Вузть Василий Семёнович шумордазе якстерь дипломса, сяльде  направленияс коре кучфоль ингольдень Старо-Синдровскяй райононь Долговрясскяй средняй школав. Кафта кизода меле ётафтфоль партиянь райкому пропагандань и агитациянь отделонь заведующайкс. Мзярдовок аф юкстаса, кода ширесонза улендемстонза ламос корхнекшнеме кабинетсонза. Кизефнемань: мялезон-аф работазе? Эста зоотехниколень Ново-Синдровскяй колхозса. Кулемок эздон, што тевозе  аф мялезон, макссь совет етамс  веттехникокс Ковылкинскяй райононь «Красная Пресня» совхозу и поступамс заочнайста тонафнема Мордовскяй госуниверситету. Тяфта и тиень. 1962 кизоня В.С.Ивашкин етась эряма Саранскяи, ушедсь работама МАССР-нь Министронь Советть видеса Научно-исследовательскяй институтса. Сяда тов пцтай кефкие киза проректороль М.Е.Евсевьевонь лемса Мордовскяй госпединститутса. Тя пингть Василий Семёнович отвечась кадратнень анокламаснон и синь квалификацияснон касфтомаснон инкса. Лама киза и цебярьста работаманкса Василий Семёнович казьфоль лама Почетнай Грамотаса, «СССР-нь Просвещениянь отличник» значокса, юбилеень медальса.
Велесонк шачсь-кассь мокшень поэтсь Андрей Кудашкин. Сон тонафнесь оцю мяльса и цебярьста. Ветеце классоль, мзярда сярятькстсть пильгонза, а сяльде Андрей лоткась якавомда. Нинге мзяра пингонь етазь ушедсть прябалат кядензон мархта. Но, аф ваномок сембе ня стакатнень-сталмотнень лангс, сон тонафнесь кудса. Морафнезень В.Маяковскяень, Н.Островскяень, М.Горькаень, мокшэрзянь писательхнень и поэттнень произведенияснон. Эряфонь киц вятезе Андрей Кудашкинонь поэзияти—кельгома тевонцты. Саранскяй книжнай издательстваса лиссть стихонь сборниконза: «Панжихть саттне», «Паваз», «Смелай цёрокш», «Нурдоняса» и лиятне. Сон тонадсь балалайкаса, мандалинаса, гитараса морама. Кизонь лямбе иляттнень лихнеськ сонь кудста ульцяв, озафнеськ керф шуфттнень лангс. Мокшень стирьхне, юкснемок сталмотнень квалма, кштишендсть варьхмодемс. Сяльде Андреень меки сувафнеськ куду. И тяфта эрь шиня. Ужяль, но поэтсь эрясь аф ламос. Кулось А.Кудашкин 1967 кизонь 7 январьста.
Землякозе и раднязе Иван Никитович Кудашкин шумордазе Мордовскяй госуниверситетть филологическяй факультетонц 1967 кизоня. Васенда велесонк работась клубонь заведующайкс, сяльде—«Трибуна колхозника» райгазетаса литературнай сотрудникокс. Сяда тов мрдась Саранскяи и работась Мордовскяй телевидениянь и радиовещаниянь корреспондентокс, Мордовскяй книжнай издательствань редакторкс, «Мокшень правда» газетань отделонь заведующайкс. И.Н.Кудашкин васенце аськолксть литератураса тиезе етай веконь ведьгемонце кизотнень кучкаста. Стихонзон и азксонзон ламошкасна лемтьфтольхть тядятненди—синь аф теждя эряфснонды войнада мельдень кизотнень. Тейне сембода мала «Бславамака, тядяй, кис» произведенияц, конань сон лемдезе шачфтыенцты—Татьяна щаказти. Конешна, Таня щаказе сонь бславазе. Иван Никитовичень перанц алда лиссть стихонь и азксонь сборникт. Сонь мялезонзоль кельгомать квалма сермадомась. Кельгомати лемдезень лама произведениянзон.
Мокшень Мазканяса 5-7 класса тонафнесь сай пингонь ученайсь, Высшай школань Заслуженнай работниксь, Журналистонь, Писателень союзонь членць Михаил Герасимович Имяреков. Емла родинац—Лепченкась. Лац мяляфтса, што сон сидеста яксесь инжикс Андрей Кудашкинонь ширес. Ся пингть ушедсь поэзияти венемома.
М.Г.Имяреков Мокшень Мазканяса шумордазе сисем кизонь школать, Сире Каньфкужса—средняйть. Аф ламос работась Оцю Уркатса библиотекарькс, а сяльде етась эряма Саранскяи и поступась тонафнема Мордовскяй госуниверситету. Аделамдонза меле литсотрудниколь, отделонь заведующаель «Мокшень правдаса». Ашень арьсе, што журналистонь, поэтонь киста М.Г. Имяреков етай ученаень тевти. Но сон шумордазе аспирантурать, 1974 кизоня ушедсь работама Мордовскяй госуниверситетонь старшай преподавателькс, 1992 кизоста сявомок Михаил Герасимович—финно-угорскяй кафедрань профессороль. Студенттненди, сембе лувихненди содафтольхть произведениянза. Синь лисендсть аф аньцек Саранскяйса, но и Москуса, Санкт-Петербургса, Чувашияса, Украинаса, Калмыкияса. Емла родинасон тонафнемста М.Г.Имяреков и мон озафолеме фкя парта ваксса. Цебярь ялгатолеме и фалу лезнеме фкя-фкянди.
В.КУДАШКИН,
Россиянь Журналистонь союзонь член.

05.02.2016 №
 
 
 

 
НОВОСТИ

Минь поздравленияньке

13.06.2019  № 23
 
 
 
 
 

«Рузаевкаса мольфтевихть анокламатне стекольнай заводть панжеманцты»

Мордовиянь Оцюнясь Владимир Волков:
Мордовиянь Оцюнясь Владимир Волков 29 майста ётафтсь рабочай васедема Рузаевскяй райононь руководительть Вячеслав Кормилицынонь мархта. Ванондовсть территориять социально-экономическяй виияфтоманц коряс кизефксне. Тяконь лувксса корхтамась мольфтевсь социальнай объекттнень строямаснонды анокламать колга: Рузаевкаса Паровознай ульцяса 160 вастонди идень садть, Татаронь Пишляса 250 вастонди школать, фельдшерско-акушерскяй пункттнень.
Ванондовсть районца водоснабжениянь и водоотведениянь систематнень одкстоптомаснон, а стане жа «Безопасные и качественные автомобильные дороги» национальнай проектть эряфс ётафтоманц рамкаса китнень строямаснон и петемаснон коряс кизефксне. Тядде, кода отмечазе Вячеслав Кормилицын, петевихть-одкстоптовихть 13 вайгяльбень кувалмоса кит.
06.06.2019  № 22
 

Аделсеви «Мокшень правдати» сёрматфтомась

Эряскодода!
Кельгома ялгат!
2019 кизоть омбоце пяленцты «Мокшень правдати» сёрматфтомать шумордамс ляткшни аньцек кафта недялят.  И ули тячи мяленьке нинге весть азомс нюрьхкяняста: мес именна «Мокшень правда» эряви тинь семьянтенди.
Кода аф ужяль, мокшэрзятнень лувкссна стаки кири. А «Мокшень правдась» семботь тиендьсы сянкса, штоба аф нолдамс тянь. Кода ванфтомс и виияфтомс кяленьконь, культураньконь, аф юкстамс эсь коеньконь-обуцяньконь—вов мезть колга мольфтеви корхтамась сонь лопанянзон эса. Пцтай эрь номерса макссевихть материалхт мокшэрзятнень историяснон, содаф ломаньцнон колга, азонкшневи народоньконь арьсеманзон и пичефксонзон колга.
«Мокшень правдаса» макссевихть медицинскяй темас советт и рекомендацият, советт перень сёронь касфнихненди и жувата мельге якайхненди. Эрь номерса ули юморонь и сатирань уженя, рузонь кяльса печатлакшневихть недялянди ламоц телевизионнай программатне.
«Мокшень правдась» республиканскяй газетатнень эзда фкя инь интереснай и уцез газетась. Сон нльне сяда уцез ламоц «районкатнень» коряс.
Теенза тяшфтемать питнец:
6 ковонди—336 цалковай,
3 ковонди—168 цалковай.
Газетать индексоц П4719.
 Эряскодода почтав. Тоса учихть эсонт. Пингсь содай ётаманц.
06.06.2019  № 22
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин