Поиск по сайту: 
 

Архив
 ноябрь 
 2018 
пн вт ср чт пт сб вс
   1234
567891011
12131415161718
19202122232425
2627282930  

 
 

 

В Правительстве РМ

КАЗНЕТ И ЛЯМБЕ ВАЛХТ—КУЛЬТУРАНЬ РАБОТНИКНЕНДИ

25 мартста профессиональнай шиснон отмечазь сят, кит эсь тевснон мархта каннихть кенярдема, пара мяльхть, ваймонь лямбоши и эрьгя лиятненди. Россиянь Культурань работниконь шись пуроптозень И.М.Яушевонь лемса Государственнай музыкальнай театрав инь творческяй профессиянь ломаттнень: культурно-досуговай центрань, музеень, библиотекань сотрудникнень, музыкальнай и художественнай школань педагокнень, ансамблень руководительхнень и стак тов.
Мордовия Республикань Оцюнять В.Д.Волковонь лемста сембонь синь поздравляндазень Мордовия Республикань Правительствать Председателенц заместителец Г.А.Лотванова. Башка спасибамань валхт азсь отраслянь ветераттненди, конат сембе эряфснон лемдезь оцю тевти—творческяй профессияти служаманкса.
Культураса сатфксонкса и лама киза работаманкса «Мордовия Республикань искусствань Заслуженнай деятель» почетнай лемсь максф И.М.Яушевонь лемса Государственнай музыкальнай театрань главнай дирижерти С.Я.Киссонди, «Мордовия Республикань Заслуженнай артист» почетнай лемсь—«Умарина» моронь и кштимань Мордовскяй государственнай ансамблень балетонь артисткати Н.М.Гордеевати, «Мордовия Республикань культурань Заслуженнай работник» почетнай лемсь—Г.И.Сураев-Королёвонь лемса «Келу» фольклорнай ансамбльть хормейстеронцты И.В.Макейкинати, Г.И.Сураев-Королевонь лемса Искусствань Старошайговскяй идень школать директоронцты Л.В.Сергутовати, Саранскяень 6№ Идень музыкальнай школань фортепианонь классть коряс преподавательти Е.В.Скворцовати и «Луч» Саранскяень Культурань кудонь балетмейстерти Н.С.Храмовати.
Ламотне казьфтольхть Мордовия Республикань Почетнай грамотаса, Мордовия Республикань Оцюнять Благодарностьса, Степан Эрьзянь лемса премияса, Мордовия Республикань Госсобраниянь Почетнай грамотаса, Мордовия Республикань Госсобраниянь Председательть Благодарностьса, лияса.
Тяфта жа Культурань шить мархта пуромфнень поздравляндазень РФ-нь Государственнай Думань депутатсь Н.В.Школкина. Сон лувозе РФ-нь Госдумань Председательть С.Е.Нарышкинонь приветственнай адресонц, конань эса китькстаф Мордовия Республикать оцю путксоц Россиянь нароттнень козя культурнай наследияснон ванфтомаса. Регионца ётафневи ламоц фестивальхне и конкурсне содафт аф аньцек странасонк, но и омба масторса.
Культурать коряс РФ-нь Госдумань комитетть председателенц С.С.Говорухинонь эзда Благодарностть максфтольхть Н.Эркаень лемса Ромодановскяй центральнай районнай библиотекань директорти Л.Н.Барановати, Кочкуровскяй райононь Подлесная Тавла велень В.И.Ромашкинонь лемса «Этно-Кудо» музеень экскурсоводти Р.В.Водясовати и А.В.Ухтомскяень лемса Рузаевкань клубонь ветеранонь хорть вятиенцты В.М.Сильдюшовонди.
Пара казнекс пуромфненди арась Ярославскяй государственнай филармониянь артисттнень Альбина Хрипковать и Александр Сухановонь концертсна. 
А.ВОЛГАПОВА.

31.03.2016 №11
 
 
 

 
НОВОСТИ
 

УШЕДСЬ «Шумбрат, Мордовия!»—«Vivat, Чемпионат!» ФЕСТИВАЛЬСЬ

25.10.2018  № 42
 
 
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин