Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

ВЕЛИКАЙ ПОБЕДАСЬ ТИЕНДЬСАМАЗЬ ФКЯ НАРОДКС!

9 майста Мордовия Республикась сембе Россиять лаца торжественнайста васьфтезе и етафтозе Великай Победать 71-це кизонь юбилеенц. Именна Сяськомать юбилеенц, кода тяни ладяф Россиянь Президентть В.В.Путинонь Указса—Великай Победать 70-кизонь юбилейда меле Сяськомать сяда товолдонь эрь кизоц миньцонк праздновандави, кода юбилейнай киза!
9-це маень шобдаваста сявомок Мордовия Республикать и сонь столицанц эрь храмса етасть Церковнай панихидат. Эсост священнослужительхне прихожаттнень мархта эняльдсть Шкабавазть эса сетьмофтемс воиттнень ваймоснон, конат максозь эсь эряфснон Родинать инкса Великай Отечественнай войнать пингста. А синь ваймоснон мархта—сетьмофтемс лия солдаттненге ваймоснон, конат максозь эсь эряфснон Россиять инкса маластонь и тяниень пингть!
Тяда меле Великай Победати лемтьф торжестватне Мордовиять столицаса поладовсть Вечнай толть ваксса «Поклонимся великим тем годам…» лем ала Торжественнай митингса. Эсонза Мордовия Республикань Оцюнясь В.Д.Волков эсь выступлениясонза лямбоста поздравляндазень Великай Отечественнай войнань, тылонь, трудонь ветераттнень и митингс сембе пуромфнень Великай Победать 71-це кизонц мархта.
—Кельгома фронтовиконьке, ветератт, тылонь труженикт, войнань удават и шабат, офицер ялгат и военнослужащайхть, Мордовияса эряйхть и инжихть,—мярьгсь В.Д.Волков.—Поздравляндатядязь тинь Великай Сяськомать Шинц мархта! 9 майсь—особай, священнай ши. И тячи сон минь странаньконь инь оцю илац, конань инкса сембе минь марятама оцюдонга оцю гордость. Сяс сембе минь, тячи эряйхне, кельгома ветератт, сюконятама инголент Великай Победать инкса модас! Спасиба теенть сянкса, мес тинь сяськоде! Честь и слава теенть тянкса сембе пингста!
Кода мярьгсь сяда тов В.Д.Волков: Великай Победать инкса минь народоньке макссь 27 миллион эряф. Мордовияста Родинать аралама тушендсь 246 тежянь ломань. Эздост пялесна ашесть мрда куду. Синь максозь эсь эряфснон кяжи врагть мархта тюремста Брестскяй крепостьса, Москуть ала, Сталинградса, Курскяй битваса, Берлинть сявомста… сембе пингс слава теест, сембе пингс мяляфтома колгаст!
Торжественнай митингс пуромфнень Великай Победать 71-це кизонц мархта тяфта жа поздравляндазь: юстициянь генерал-полковниксь В.И.Пискарев, фронтовиксь-ветеранць А.И.Мартов и лиятне.
Митингта меле илас сафнень инголе параднай стройса етась МВД-нь, МЧС-нь, Саранскяй гарнизононь, кадетонь и юнармеецонь своднай полксь. Парадта меле ветераттне и Саранск ошень эряйхне марса мольсть-састь Мемориальнай калма лангс, коса калмафт солдаттне, конат ранатнень инкса кулость Саранскяень госпитальса. Тяса В.Д.Волков и республикань лия руководительхне ошэряйхнень мархта путсть панчфт воиттнень калмоснон лангс и теест путф памятникти. Саранскяй и Мордовскяй митрополитсь Зиновий тяда меле етафтсь Церковнай панихида воиттнень лемс.
Но инь няевикс текшекс, улема, Великай Победати лемтьф торжестватненди арась «Бессмертный полк» акциясь. Саранск ошса сонь стройсонза етась 25 тежянь од, эряфкшу и сире ломань! Сонь стройсонза эсь алянц портретонц мархта етась В.Д.Волков. «Бессмертный полкса», кандомок лиятнень лаца эсь аляснон, атяснон, бабаснон и атянь-атяснон портретснон, тяфта жа етасть республикань лия руководительхне. И няевсь: именна Великай Победась сембонь минь, аф фкя национальностень россияттнень, тиендьсамазь фкя народкс, кона киндивок и вестьке аф сяськови! Аф стак Мордовия Республикаса Великай Победати лемтьф мероприятияса ульсь пцтай 100 тежянь ломань!
Великай Победать лемс культурнай мероприятиятне Саранск ошень Советскяй площадьса мольсть 22 частс. Тя пингста менельть валдоптозе Победань Салютсь!
В.НЕСТЕРОВ.
БЕССМЕРТНЫЙ ПОЛК
Нам, ныне живущим
Бессмертный полк
 воистину бессмертен
Пока тесны ряды
в его строю,
Когда глядят на нас
с небесной тверди
Погибшие за Родину свою.
И только в нём,
 в строю, мы понимаем
Отдавших жизнь за дивную
страну—
Пылавшую от края
и до края,
Но в ноги не упавшую
 врагу!
Так будем предков Подвига
достойны,
Достойно встретив
вызов этих дней,
Чтоб полк
 Бессмертных был за нас покоен,
Как и за славу Родины
своей!

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022