Поиск по сайту: 
 

Архив
 июнь 
 2019 
пн вт ср чт пт сб вс
     12
3456789
10111213141516
17181920212223
24252627282930

 
 

 

Обратная связь (Газета - Читатель)

«КЕЛЬГСА «МОКШЕНЬ ПРАВДАТЬ»,МЕС КОРХТАЙ МАРХТОН МОКШЕНЬ АРУ КЯЛЬСА»

Н.П.Огарёвонь лемса МГУ-нь преподавательсь, медицинскяй наукань кандидатсь, профессорсь Н.С.Русейкин:
—«Мокшень правдать» васенцеда сявине кядезон нинге ёмла шабакс. Газетать пяк кельгозе алязе. Кодама заняф сон афоль уле, мокшень кяльса лисенди изданиять лувомс пинге мушендсь фалу. Пуромкшнелеме семьянек, и тряеньке лувондолезе семботь, мезе пачфневсь «Мокшень правдаса». Мяляфтса, газетась эста оцюволь, страницатнень эшксста афи няеволеть.
Пингсь мольсь. Касонь, пуроптонь семья, ётань эряма ошу. Но сянь, мезти тонафтомазь тядяне-аляне, мокшэрзяннети оцю кельгомать фалу ванфтса седисон. Виде, эрямок Саранскяйса, сяда сидеста сашендови корхнемс рузкс, но эсь родной кялезень аф юкснеса. Пара уленди ваймозон, мзярда ширезон сувайсь пшкятькшни тейне мокшекс. А кяленьконь ванфтомаса фкя инь главнай лездыкс, койсон, арси «Мокшень правда» газетась. Мезсь тушенды эсонза мялезон? Тяса няфневихть эряфонь сембе ширетне. Пара, мзярда страницанзон лангста мушендан кулят Краснослободскяй районцта, коса мон шачень-касонь. Эсь лангозост шарфнихть мяль газетаса пачфневи  ширеса эряй мокшэрзятнень квалма статьятне. Сельмованф салай «Мазыхть мокшень стиреньке» конкурссь. Кинь мяльс аф туй тя мазышись?!
«Мокшень правдать» оцю мяльса лувондсы рьвязевок. Тяста сон мушенды разнай советт пчксеманди, кудъётконь тевонь тиендеманди.
Койсон, тяшнемаль сяда лама интервью врачень мархта. Шять, синь азфсна лездольхть перямс кить кой-кона урматненди.
Катк коль касонды «Мокшень правдать» кельгиензон лувкссна, а газетась арси сядонга мялень салайкс!
Тяштезе О.КОЛЕДИНОВА.

12.05.2016 №17
 
 
 

 
НОВОСТИ
 
 

Исавелети—300 киза

Эрь кизоня Тройцянь шиня Инсарскяй райононь Исавели кочксеви лама ломаньда. Тядде тяза сашендсь кафта тежянть малава инжи странать сембе уженястонза: Москуста, Санкт-Петербургста, Самараста, Краснодарста, Коми Республикаста, лия областтнень и республикатнень эзда.
Тядде вели ломаттнень пуроптозень аф аньцек Тройцясь, ня шитнень Исавелети топодсь 300 киза. Велесь козя эсь историянц, коензон, обуцянзон мархта, тяса шачсь лама содаф ломаньда. Нят: ученайсь, писательсь, драматургсь, виднай общественнай деятельсь Г.Я.Меркушкин, Мордовия Республикань Почетнай Гражданинць, Российскяй Федерациянь Президентть видеса финно-угорскяй  нароттнень сембе масторонь конгрессть спецпредставителец Н.И.Меркушкин, медицинскяй наукань докторхне В.А.Базаев и М.Д.Кузьмин, лама лия содаф ломань. Велесь инжихнень васьфтезень эсь мазышинц мархта. Тяса лама од кудта, аф кунара панчфт социальнай центра, идень сад, од ФАП, строяфт спортивнай площадкат, культурань объектт, велеть мазопнесы Шкаень кудсь. Ламонцне илас састь идьснон, унокснон мархта, ломаттне кштисть, морасть, седисна и ваймосна пяшксель кенярдемада. Фкя-фкянь мельге сцена лангста кайгсть поздравленият, илань вятихне   азондсть велеть историянц колга, лятфтазь сятнень лемснон, кит аралазь Родинать вракнень эзда. Лама велеряй фронтста ашесть мрда, максозь эряфснон минь инксонк.
20.06.2019  № 24
 

Минь поздравленияньке

13.06.2019  № 23
 
 
 
 
 

«Рузаевкаса мольфтевихть анокламатне стекольнай заводть панжеманцты»

Мордовиянь Оцюнясь Владимир Волков:
Мордовиянь Оцюнясь Владимир Волков 29 майста ётафтсь рабочай васедема Рузаевскяй райононь руководительть Вячеслав Кормилицынонь мархта. Ванондовсть территориять социально-экономическяй виияфтоманц коряс кизефксне. Тяконь лувксса корхтамась мольфтевсь социальнай объекттнень строямаснонды анокламать колга: Рузаевкаса Паровознай ульцяса 160 вастонди идень садть, Татаронь Пишляса 250 вастонди школать, фельдшерско-акушерскяй пункттнень.
Ванондовсть районца водоснабжениянь и водоотведениянь систематнень одкстоптомаснон, а стане жа «Безопасные и качественные автомобильные дороги» национальнай проектть эряфс ётафтоманц рамкаса китнень строямаснон и петемаснон коряс кизефксне. Тядде, кода отмечазе Вячеслав Кормилицын, петевихть-одкстоптовихть 13 вайгяльбень кувалмоса кит.
06.06.2019  № 22
 

Аделсеви «Мокшень правдати» сёрматфтомась

Эряскодода!
Кельгома ялгат!
2019 кизоть омбоце пяленцты «Мокшень правдати» сёрматфтомать шумордамс ляткшни аньцек кафта недялят.  И ули тячи мяленьке нинге весть азомс нюрьхкяняста: мес именна «Мокшень правда» эряви тинь семьянтенди.
Кода аф ужяль, мокшэрзятнень лувкссна стаки кири. А «Мокшень правдась» семботь тиендьсы сянкса, штоба аф нолдамс тянь. Кода ванфтомс и виияфтомс кяленьконь, культураньконь, аф юкстамс эсь коеньконь-обуцяньконь—вов мезть колга мольфтеви корхтамась сонь лопанянзон эса. Пцтай эрь номерса макссевихть материалхт мокшэрзятнень историяснон, содаф ломаньцнон колга, азонкшневи народоньконь арьсеманзон и пичефксонзон колга.
«Мокшень правдаса» макссевихть медицинскяй темас советт и рекомендацият, советт перень сёронь касфнихненди и жувата мельге якайхненди. Эрь номерса ули юморонь и сатирань уженя, рузонь кяльса печатлакшневихть недялянди ламоц телевизионнай программатне.
«Мокшень правдась» республиканскяй газетатнень эзда фкя инь интереснай и уцез газетась. Сон нльне сяда уцез ламоц «районкатнень» коряс.
Теенза тяшфтемать питнец:
6 ковонди—336 цалковай,
3 ковонди—168 цалковай.
Газетать индексоц П4719.
 Эряскодода почтав. Тоса учихть эсонт. Пингсь содай ётаманц.
06.06.2019  № 22
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин