Поиск по сайту: 
 

Архив
 май 
 2022 
пн вт ср чт пт сб вс
      1
2345678
9101112131415
16171819202122
23242526272829
3031     

 
 

 

Наша семья

Узбекистанонь Ургенч ошста—Саранскяи!

Узбекистанонь Ургенч ошста—Хорезмскяй вилаятть инь оцю ошстонза и административнай центрастонза мирттне-рьвятне Руслан Каримберганович Бегжанов и Наргиза Шухратовна Джаббарова Мордовиять столицас ётасть эряма несколька кизода инголе. Саранскяи састь «Омба масторса эряй соотечественникнень Мордовия Республикав эсь мяльснон коряс эряма ётамстост содействиянь максомась» Государственнай программать вельде. 2016-2021 кизотнень теенза участникокс арась 2628 ломань, инь ламотне эздост Таджикистанцта, Узбекистанцта, Казахстанцта и Арменияста. 2021 кизоня Мордовияв сась 362 ломань, конатнень 90 процентсна—трудонь кизосот и теест ули кода тиемс путкс республикать социально-экономическяй виияфтоманцты. Сембе синь эряйхть Саранскяйса и Мордовиянь райоттнень эса.
 

Тячи оцю мяльса азонттама вяре азф программать участниконц Н.Ш.Джаббаровать и сонь семьянц колга.

12.05.2022 №18

 

Мзярда семьяса азорондай кельгомась

Кемголмува киза газетаса работамста удалась содафтомс аф кржа лама идень семья мархта. Сембе синь эсь лацоннет, но фкясь приметаф—эрть эса азорондай кельгомась, фкя-фкянь ужяльдемась. Шабатне оцю семьяса мзярдовок аф касондыхть анелькакс, меколанкт, синь ёмластокиге маштсазь-содасазь эрь тевть, а эсь ётковаст иттне улендихть цебярь ялгакс. Ули кода азомс тянь и Саранскяйста Макарофнень семьяснон колга, коса касфтовихть ниле итть.
…Лама идень тядясь Елена Николаевна сонць кассь оцю семьяса, вете шабатнень ёткста—васенцесь. Емланятненди Ленась ульсь тядя лаца—и аннекшнезень, и щашендозень- карязень, и налхксель мархтост. Вестевок ашезь сашендов сонь вихцода кошярямс, семботь тиендезе пара мяльса. А кда ни кивок тяряфтоль обжамс дуганнянзон-сазорнянзон, эста кирдеда. Нинге ся пингста Ленась содазе—касы и сонценьге кудоц кармай пяшксе идень весяла вайгяльда. Тяфта и лиссь.
Мирденц мархта Елена Николаевна тонафнесь фкя школаса, а эрясть шабрань кудса. Васетькшнема ушедсть нинге кемонце класса, а сяльде поступасть фкя вузу. Сергей Иванович хуш лама шабань колга ашезь арьсекшне, но мяленза тяфтамотольхть: мзяра идня максы Шкабавазсь, сембе теенза улихть фкя лаца кельговикст.
Верась, Маринась, Кириллсь и Ильясь—тя Макарофнень инь оцю козяшисна, синь гордостьсна. Лангс ванозь, шабатне шарфтыхть фкя-фкянь лангс. Но полатнень валснон коряс, тя аньцек лангс ванозь, афкукс сембе синь эсь лацоннет.
Верась тячи «лийкстась» ни тядянь-алянь пизоняста, сонцень эряфоц. Но стирти пяк питни семьяц. Сон сидеста сашенды инжикс тядянзонды-алянзонды, лажаткшни сазорнянцты-дуганнянзонды. Елена Николаевнань и Сергей Ивановичень седисна аф пичеди оцю стирьснон инкса, сонь сембось лац. Тяни мирттнень-рьвятнень васенце заботасна—ёмла шабатне.
Маринати 14 киза. Сонь пяк мазы вайгялец, кельгсы мораманц. Стирнясь сидеста примси участия аф аньцек школаса ётафневи пуромкснень-илатнень эса, но и республиканскяй лама фестивальса, няфнесыне вокалть коряс маштомошинзон эрь кодама конкурсса и лисенди сяськихнень лувксс. Макарофнень кудсост башка вастса ащихть Маринать дипломонза, грамотанза.
Кирилл и Илья шарфнихть мяль спортти, пара мяльса налхксихть футболса, шахматса, тялонда стяшендыхть конька и сокс лангс. Кирилл тяда башка кельгсы гитараса мораманц, якай музыкальнай школав.
Макарофнень семьяса сембе иттнень синцень тевсна, эрсь вийс коре лезни  тядяти и аляти—куд урядайхть, кядьгонят штайхть, ярхцамска пидихть-панихть, кда эряви. Ваймама шиста семьянь келеса кельгсазь природав лисендемаснон, марса вирьге якамаснон-шяямаснон, тялонда катоку якамаснон, кизонда—велосипедса арнемаснон.
—Старандатама кода можна сяда лама пинге ётафнемс шабаньконь мархта, улемс теест аф аньцек тядякс-алякс, но и цебярь ялгакс, конатненди можна панжемс потмоцень, кизефтемс совет,—мярьгсь Елена Николаевна.
Азома и сявок, што Макарофне Шкаенди верондай ломатть, недляшиста сембе марса улендихть службаса церькавса.
Кода виденцясть мирттне-рьвятне, касфтомс шабатнень аф тёждя, васендакиге мяльса кирдеви материальнай ширесь.
—Пара, мес республикасонк властьса ащихне  аф юкснихть лама идень семьятнень колга, лезнихть тейнек,—мярьгсь Сергей Иванович.
Вейхкса кизода тяда инголе семьясь получась ипотекас коре квартира. Тяда башка, колмоце идть шачемда меле теест максфоль модань участка аф ичкозе ошть эзда, коса синь ушедсть ни кудонь строяма.
Кода мярьгсть корхнемста мирттне-рьвятне Макарофне, оцю семьяса эрямась сяда весяла. И катк, кле, минь аш оцю козяшиньке, сянкса ули инь эрявикссь—кельгомась.
О.ЕВДОКИМОВА.
05.08.2021 №30

 

СЕМЕЙНАЙ СУББОТНИКНЕ ТОНАФТЫХТЬ АРУШИНЬ ТИЕМА


 

СЬКАМОНЗА КАСФТЫ НИЛЕ ИТТЬ

Атерь велеса аф сяшкава ни лама семьяда, коса алятне ськамост касфтсазь эсь идьснон. Фкясь синь эздост С.С.Рапинонь семьяц. Моли ни кемонце кизось, кода мокшалять кельгома рьвац, Валентина Михайловна, ёфси одняста тусь эряфста. Кадсь Сергей Сергеевиченди ниле итть. Ёмланяти ашель кафта кизонятка, оцюняти—кеветиель. Юмафкссь пяк оцюволь. Но од мокшалясь ашезень нолда кядензон, ашезень няфне сельмоведензон шабанзонды. Шарьхкотькшнезе, кельгома рьвац меки аф мрдафтови, а иттне эрявихть касфтомс, кеподемс, тонафнефтемс васенда школаса, тоса и вузса. И авань, и алянь тефне сонь лафтунзон лангсот. Пиди-пани, муськи-шовай. Вятьсыне и куд пирьфонь, и перень тефнень.
Сергей Сергеевичень ниле идьтонза. Наташа аделазе Саранскяень кооперативнай институтть. Тоса тонафнесь М.Е.Евсевьевонь лемса  Мордовскяй госпединститутонь дошкольнай воспитаниянь факультетса. Ули покодема вастоц. Анастасия тонафни Саранскяень кооперативнай институтонь юридическяй факультетса. Андрей якай кафксоце классу, Анюта—нилецети. Атерь велень 2№ средняй общеобразовательнай школаса ученикснон колга корхнихть аньцек шнамань валса. Шабатне тонафнихть лац, пяк отькорьхть.
С.С.Рапин мезевок аф ужяльди эсь идензонды, аньцек тонафнест. А конашкава трудонь кельги сонць мокшалясь. Сафтсы сембоса.  Пирьфсонза тянивок кафта тракст, вазнят, тувот, учат. Учань понатнень эзда кеворди валенцят, конатнень мишендьсыне Атерень и шабрань райононь базархнень эса. Сашендыхть ломаттне валенцянкса и кудозонза. Сембе тя аймакса Сергей Сергеевич содаф. Тернесазь валенцянь илас эрь кизоня Темниковскяй району. И аф атказакшни, якай. А конашкава стака валенцянь кевордемань тевсь. Тянь содасы аньцек сонць.
—Васенда валенцянкса якань Зубово-Полянскяй району,—азозе Сергей Сергеевич.—Няендине, кода кеворькшнихть валенцят тостонь эряйхне. Лангозост ванозь тя тевти кярьмодень монцьке. Тевозе лисенди аф кальдявста. Ломаттне валенцянень рамсесазь, шнакшнесазь. Учань понатне минценнет, учада кирдян лама. Тяда башка, рамсян понат татаронь велеста.
Трудонь кельгомась Сергей Сергеевиченди ётась родителензон эзда. Тядяц, Анна Дмитриевна, 40 киза макссь Атерень «Память Ильича» колхозти. Аляц, Сергей Андреевич, трудендась ремонтно-строительнай участкаса. Кулось 42 кизоса. Эста цёраняти аньцек сисем кизонятольхть. Шабада тядяц шачфнесь мянь вейхкса. Сергей мекольцесь. Оцю брадонза, Иван и Пётр, строительхть. Василий—ветеринарнай врач, эряй-ащи Рязанскяй областьса. Анастасия—учитель, эряй Ульяновскяй областень Оськина велеса. Нина—Москуса, тяни пенсионерка. Сембе музь эсь вастснон эряфса.
Ёфси аф кунара Рапиттнень семьяса оцю и пяк кеняртьфти илаль. Сергей Сергеевичень рьвакс лиссь оцю стирец. Эстеенза мирденди кочказе Бораж велень цёрать Виктор Ермолаевонь. Налхксть весяла свадьба.
И.ВЕШКИН.
20.05.2021 №19

 

маштыхть инжиень васьфтема, семьянь цебярь коень ванфтома

«Мокшень правда» газетаса минь фалу азонкшнетяма семьятнень колга, конатнень эряфсна-ащефсна арсихть сембонди примеркс. Семьясь—тя казне Шкайть эзда и оцюдонга оцю паваз. И ков сяда лама павазу ломаньда, тов сяда цебярьста кармай эряма минь обществаньке и виияй странаньке.
Тячи лувиеньконь содафтсаськ мокшень удалаф семья мархта, кона эряй Инсарскяй райононь  Вязера велеса. Валерий Григорьевич и Елена Андреевна Акмайкиттне марсот 36 киза.

В.Г.Акмайкин шачсь-кассь Кочетовка велеса лама идень мокшень семьяса. Школада меле тонафнесь Саранскяень училищаса электромонтёркс. Служась армияса. Аделазе Краснослободскяй аграрнай техникумть. Меле тонафнесь Н.П.Огарёвонь лемса МГУ-нь аграрнай институтса. Работама ушедсь эсь шачема велесонза, ульсь комсомольскяй организациянь секретарькс. Совхозса работазь получась козя опыт кода общественнай тевса, стане и хозяйствань эрь кодама профессиянь коряс. Мзярда кие-бди совхозонь  покодихнень эзда улендсь отпускса, сон полафнезень синь. Сяс варжазе и механиконь, и  завтоконь и лия тефнень. Сяда тов ётафтозь работама шабра велень «Вязерский» совхозу. Тоса Валерий Григорьевич покодсь совхозонь директорти заместителькс, а меле аф лама пинге—директоркс. Тяни мокшалясь покоди Инсар ошень «Неон»      АО-са коммерческяй директоркс.

 
29.04.2021 №16

 

Боражса музь эсь павазснон


 

ФАЛУ ИНГОЛЕТ ПОКОДЕМАСА, АФ ЛЯДОНДЫХТЬ И КШТИМАСА-МОРАМАСА


 

ЭРЯМА ВАСТОНДИ КОЧКАЗЬ МОРДОВИЯТЬ

Газетаньконь тячиень номерсонза пара мяльса    азонттама од рьвяяйхнень Наталия и Дмитрий Антонофнень семьяснон колга. Наталия и Дмитрий национальностьс коре удмуртт. Шачсть-кассть удмуртскяй ёмла веленяса. Стирсь—Можгинскяй райононь Карашурста, цёрась—Алнашскяй райононь Байтеряковаста. А эряма вастокс кочказь эстеест Мордовиять, Саранск ошть.

 

Наталия Удмуртскяй республиканскяй культурань колледжть аделамда меле поступась тонафнема Н.П.Огаревонь лемса Мордовскяй        госуниверситету. Аделазе национальнай культурань институтса «Народная художественная культура» специальностьс коре бакалавриатть, а меле—культурологиять коряс магистратурать. Университетса тонафнемста стирти кельговсь минь мазы и ару ошеньке, педезь-педсь седиезонза мокшэрзянь культурась. Сяс сон цёра ялганцка тердезе эряма Мордовияв. Вов кода Наталия азонды тонафнеманц колга:
 
 

 

 
03.09.2020 №34

 

Лама идень касфтыхне—родонь-плямань ванфтыхне


 

ИНДРИКОФНЕНЬ КУДСА СОДАМОШИТНЕНДИ ВЕНЕМОМАСЬ—ВАСЕНЦЕ ВАСТСА


 

 
 
 

 
НОВОСТИ

Зубово-Полянскяй райононь оцюнясь В.А.Поршин:«Эрь тевсонк васенце вастса ащи ломанць!»

Зубова Полянась васенцеда лятфневи 1680 кизоста сявомок Керенскяй засечнай чертань служилай ломаттнень Зубофнень фамилияснон коряс, синь тя ширеса азорхтольхть. Лемть омбоце пяльксоц пачфни, што тяса кужель, вирьса шуфттнень эзда ароптф вастоль. Сире пинкнень тияк ётнесть Шацк-Спасск алашань кись, Зубова Полянань почтовай станциясь. Машина кить строямста посёлкась вишкста кассь. Тяниень пингть Зубово-Полянскяй районца улихть оцю предприятият, конат лезнихть виияфнемс марнек Мордовиять экономиканц. Кепотьксонди, «Плайтерра» фанерань нолдай компаниясь и Вышинскяй деревообрабатывающай комбинатсь. Лама киза Зубова Поляна посёлкаса ноляй электроннай оборудования «Радиодеталь» заводсь. Оцю тефт тиендихть наказамань ётамань учреждениятне. Пцтай эрть эса улихть стамань цехт, шуфтонь и металлонь обработкать коряс производства. Аф кржа рабочай васта максси «Талина» компаниясь, кона мольфти районца аграрнай бизнес. Инголи моли технология мархта ня предприятиятне сявондихть работама сембе ширде аноклаф, квалифицированнай ломатть, сянкса зарплатавок пандыхть цебярь.
 
 

Корреспондентоньке аф кунара васьфнесь Зубово-Полянскяй райононь оцюнять Владислав Алексеевич Поршинонь мархта и кизефнезе, кода Мордовиянь инь оцю районца ётафневихть эряфс национальнай проекттне.

12.05.2022  № 18
 
 
 
 

МОРДОВИЯНЬ ОЦЮНЯСЬ ПОЗДРАВЛЯНДАЗЕНЬ ВЕТЕРАТТНЕНЬ

Шуваланяста, 5 майста, Артём Здунов васетькшнесь Мордовиянь ветеранскяй активть мархта. Васедемаса примасть участия республикань райононь ветеранскяй организациянь председательхне и члеттне.

 

Тяддень мартста организацияти топодсь 35 киза. Мордовиянь Оцюнясь азозе, што Ветеранонь советть оцю значенияц регионца, сон путни сатомшка оцю путкс од поколениять воспитандаманцты. Корхтафоль памятниконь тиемать коряс Военно-историческяй обществать мархта марстонь работать и Сурскяй рубежень строяйхненди музеень панжемать колга.

 

«Кда аф тинь советонте, тейнек улель стака ламоц важнай задачатнень пяшкодемста. Башка мяль тячи, конешна, эряви шарфнемс од ломаттнень воспитандамаснонды, сянди, мезе тиендеви школатнень эса. Интернетса лама аф видексонь информацияда, конань вельде ули кода тиемс кальдяв од ломаттненди, сяс кадондомс мялень апак шарфтт тя категориять аш кода»,—мярьгсь Артём Здунов васедемать панжемста.
 

12.05.2022  № 18
 

СЕДИЕНЬ ТАКОЛДОМА И ОЦЮ КЕНЯРДЕМА КАННИ ТЕЙНЕК 9 МАЕНЬ ШИСЬ!

Победань шиня Саранскяйса и Мордовиянь райоттнень эса ётафтовсть мероприятият, конат лемтьфтольхть 1941-1945 кизотнень Великай Отечественнай войнаса Сяськомать 77 кизонь топодеманцты.

 

Саранскяйса Победань площадьса ётафтовсь торжественнай митинг. Ся кизонь пелькс событиянь участникненди и свидетельхненди сюконяма, сяськиень поколенияти спасибань азома, сембонь сятнень лятфтама, кит тяни ашет мархтонк, сашендсть ошеряйхне и Мордовиянь столицань инжихне.

 

Торжественнай митингть панжемста Мордовиянь Оцюнясь Артём Здунов поздравляндазень пуромфнень странаньконь историяса Великай шить мархта: 

 

«77 кизода тяда инголе Советскяй народсь аралазе родной Отечестваньконь,  нолдазе воляс фашизмать  эзда ламоц странатнень и нароттнень. Республикасонк шачф-касф ломаттне тиендсть героень тефт сембе фронттнень эса: Брестскяй крепостть араламста, Москуть, Ленинградть, Севастопольть инкса ащемста, Сталинградть ала и Курскяй дугать лангса тюремста, Украинань, Белоруссиянь союзнай республикатнень и сембе Европать воляс нолдамста. Тылонь труженикне, аф ваномок ашушить и вачашить лангс, сатнезь Победать станокнень ваксса, паксяса, Сурскяй рубежса и госпитальхнень эса. Марса аватнень и сире ломаттнень мархта тылса стакат-сталмот кирдсть шабатне. Вечнай толть ваксса минь сюконяфнесаськ пряньконь сембонь сятнень лятфтаманкса, кие ашезь мрда войнаста, кие эреклафнезе народнай хозяйствать войнада меле. Сембось тя тиф минь инксонк, шабаньконь, сяськиень сай пингонь поколениятнень инкса!»

 

 
12.05.2022  № 18
 

«Бессмертный полк России» ООД-ть Мордовия Республикань региональнай отделениянц штабонц руководителец Н.А.КРУЧИНКИН: «ТЯДДЕ "БЕССМЕРТНЫЙ ПОЛК" ШЕСТВИЯСЬ КАРМАЙ АСЬКОЛЯМА МАРНЕК СТРАНАТЬ ЭЗГА!»

05.05.2022  № 17
 
 

Касы коронавируснай инфекцияса сярядихнень лувкссна

29 апрельста ётафтовсь коронавируснай инфекциять инголдаманц и келемоманцты кить персеманц коряс региональнай оперативнай штабть  заседанияц. Сонь работасонза примась участия Мордовиянь Оцюнясь Артём Здунов.

 

«Коронавируснай инфекцияса урмаськодомать мархта тефне Мордовияса ашесть полафта—300-та лама пациент пчксихть ковиднай госпитальхнень эса. Ваномс, штоба Маень праздникнень пингста массовай пуромксне афольхть ара урмаса сярятькстыхнень лувксснон касомаснонды туфталкс»,—мярьгсь регионть руководителец.

 

МР-нь Правительствать Председателенц заместителец Галина Лотванова азондсь эпидемиологическяй  тяниень пингонь ситуациять и коронавируснай инфекциять эзда населениять вакцинациянц мольфтеманц колга.

 

Ётай недялять коряс 19 процентта кассь госпитализированнайхнень лувкссна, сяда лама арась стационарса пчкафневи идьта. Коллективнай иммунитетсь кирсь и тячиень шити сон арась 52,7 процент.

 

05.05.2022  № 17
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин