Поиск по сайту: 
 

Архив
 апрель 
 2020 
пн вт ср чт пт сб вс
  12345
6789101112
13141516171819
20212223242526
27282930   

 
 

 

Юмор и сатира

КУЦЕМАТ

Ягурять тинь, пади, аф содасасть. А минь велесонк сонь аф аньцек шабанек-бабанек, нльне сембе пинетневок содасазь—фкявок Шарик, фкявок Полкан лангозонза аф увазеви. Эрек бабась. Хуш ни горбоськотфкя, хуш ни шяярензовок мичкокс акшемсть и шама кедец гармошкакс срмаф, но кенерькшни тязонга-тозонга. Кой ляй трваста няйсак сонь—муськопт оргаляй, кой базарста васьфтьсак кирпиць лангс озафста—помидорат-месть мишенди. Инголенза парьшка кептерь.

 

Ягурясь касфтсь колма цёрат-богатырьхть: Иван Егорович Мурманскяйса боцман, Алексей Егорович Красноярскяйса инженер, Николай Егорович Саранскяйса врач. Колмоцьке сёрмаса-мезьса тердихть тядяснон эса эсь пялост эряма. Скушна Ягуряти велеса ськамонза. Да мезе тият? Молель бабась Мурманскяи Иванонцты, да якшама ширдень ся ошса кизоняське лац аф няфни пря. А тялонда кувака весь ушедондяряй—пецка аф учеви.
 

 

05.03.2020 №8

 

Анекдотт

Алясь кучи телеграмма цёранцты:

 

—Кода ётась экзаменць? Пачфтть сяда курокста.

 

—Экзаменць ётась лац. Профессорсь цють поталакти ашезь комоте. Эняльдсь самс нинге весть сёксенда.

 

Вокзалть видеса ресторанца.

 

—Официант, мес тинь тяшкава ёмланят порциянте?

 

—А тя сянкса, штоба пассажирхне афолезь позда поезттненди.

 

—Цёраняй, кармат лац тонафнема—раматама тейть компьютер.

 

—А кда карман кальдявста тонафнема?

 

—Эста пианина.

 

Од аванясь шачфтома кудса аварди.

 

Медсестрась кизефнесы:

 

—Мес авардят?

 

—Монь—кафтасть,—кольгондезь отвечай тонац.

 

—Ну и мезе?

 

—Мезе азан мирдезти—коста сявовсь омбоце шабась?

 

 

Аф работат—эрямс аш мезень лангс.

 

Работат—эрямс аш мзярда!

 

—Мес ашить тарга ляйста рьвяцень, мзярда ушедсь ваяма?

 

—А мон содайне, што сон ваяй? Пешкоткшнесь, кргапаренц сязендезе, кода най.

 

05.03.2020 №8

 

Эшелямазь


 

РЬВЯЯНЬ


 

КДА ШУВАНЯТ СЮЛОТНЕ

Цингоргодсь телефонозе. Сявине трубкать. Тоста кулень:

 

—Тячи Творчествань клубса ётафтови пеетькшнемань част. Писательхне тоза пуромихть. Мольхть рахсефтемост. Тон маштат.

 

—А мес,—корхтан,—сцена лангса карман синь рахсефнемост?! Синь стаконга лангозон сурса няфнихть—рахсесамазь. Хуш урокотт. Синць тяшнихть и ноляйхть кирпицень эчколмоса книгат, сявондихть айгоршка гонорархт, а монь пеетькшнесамазь, мес тяшнян пеетькс пакшкат, конатнень инкса пандыхть аньцек сняра—ваймонь кирдемс аф сатнихть.

 

Нона шитненьге ульця кучкаса васьфтемань Трафоманов да и ушедсь:

 

—Сузматне сиякс пиндолдыхть ни. Эряфоньберьф сяконь содат-тяшнят. А коса тяштьфце? Книганятне пачанянь шувалмонясот. Аф серьезнайхть. Тяштелеть ни мезевок сяда эзрайня. Али стамонди шуванят сюлотне?

 

—Аф сюлоса тевсь,—пшкядень.—«Краткость—сестра таланта»,—лятфтайне теенза Антон Павловичень.

 

23.01.2020 №2

 

ПРЯВИЙ АЛЯ


 

САРАСНЕВОК РАХАТЯДЯЗЬ…


 

МОН, МОНЬ ОВОЗЕ И ТЕЛЕФОНОЗЕ


 

УРМА


 

УТЦЕК ЭСЬ КУДСОТ!


 

 
 
 

 
НОВОСТИ

ПЕРЯМС КИТЬ КОРОНАВИРУСНАЙ ИНФЕКЦИЯТИ

20.03.2020
 
 

МОРДОВИЯНЬ ГОССОБРАНИЯНЬ ДЕПУТАТТНЕ ШНАЗЬ РФ-нь КОНСТИТУЦИЯТИ ПЕТЬКСНЕНЬ

12 мартста Саранскяйса ётась Мордовия Республикань Государственнай Собраниять 44-це сессияц.  Сонь шинь повесткасонза фкя инь важнай кизефксокс ульсь РФ-нь Конституцияти петькснень колга законть ванондомац. Законти основакс арасть тезисне, конат азфтольхть РФ-нь Президентть Владимир Путинонь мархта Федеральнай Собранияти эсь Посланиясонза. Президентскяй ушетксне сяда тов ульсть келептьфт предложениятнень мяльс сявозь, конат састь рабочай группати, кона пуроптф государстваньконь вятиенц мархта.
 

 

Кода азозе шинь повесткати лихтьф тя кизефксть коряс дискуссиять ушедомстонза МР-нь Госсобраниять Председателец, «Единая Россия» партиянь политсоветть Секретарец Владимир Чибиркин, РФ-нь Конституцияти полафтксне водендафт странаньконь суверенитетонц обеспечендаманцты, граждаттнень социальнай гарантияснон кемокстамаснонды, политическяй системать виияфтоманцты, вешфкснень  касфтомаснонды ломаттненди, конат занцихть государственнай пяк эрявикс должностть.

 

20.03.2020
 

МОРДОВИЯСА 7750 СЕМЬЯТИ МАКСФ РЕСПУБЛИКАНСКЯЙ ТЯДЯНЬ КАПИТАЛСЬ

Тяниень пингть, кода марнек странаса, стане и минь республикасонк оржаста ащихть демографиянь кизефксне. Мордовиянь Оцюнясь В.Д.Волков Государственнай Собранияти Посланиянц эса азозе: «Маластонь кота кизотнень тейнек эряви пяшкодемс афкукс историческяй задача—касфтомс республикань населениять одс шачфнень лувксснон касфтоманц вельде, мезсь  апак сатнеколь комсь ветие кизода ламос». Эряви азомс, мекольдень пингть Мордовияса аф кржа тиендеви од, лама идень семьятнень ширеснон кирдеманкса. Эряфс ётафневи программатне, примсеви мератне каннихть результатт. Тяфта, вете кизоста лама идень семьятнень лувкссна Мордовияса кассь 1,5 тёжяньда. Тяниень пингть республикаса эряй 6685 семья, коса касфтовихть колма и сяда лама шаба. Оцю лезксокс ащи семьятненди тядянь капиталсь, кона тя кизоста сявомок Россиянь Президентть В.В.Путинонь мярьгоманц коряс, кармай      макссевома васенце идень шачфтыхнендивок. Минь республикасонк 2012 кизоста сявомок тевс сувафтф республиканскяй тядянь капиталсь. Кинди сон максови, кодама лувксоц и мезень лангс ули кода карьхцямс сонь? Тянь колга корреспондентоньконь мархта корхнемста азондсь Мордовия Республикань социальнай защитань, трудть и населениять занятостенц коряс министрть заместителец С.И.Шувалова.
 

19.03.2020  № 10
 
 
 

Н.А.КРУЧИНКИН: «ТЕЙНЕК МЯЛЯФТОМА ЭРЬ ЛЕМСЬ…»

2020 кизось странаньконди эсь лацонне. Тядде топоди 75 киза, кода сяськоме Великай Отечественнай войнаса. Россиянь эрь эряйти Победань шись, улема, инь питнись. Сон лятфни тейнек атяньконь-бабаньконь немецко-фашистскяй захватчикнень каршес тюремаса оцюдонга оцю подвигснон колга, и сянь, кодама питне максфоль воляшиньконь инкса.

 

Россиянь Президентть В.В.Путинонь Указонц коряс, 2020 кизось азф Мялямонь и славань кизокс, илати лемтьф мероприятият ётафтовихть марнек странать  келес, тяконь лувксса и минь республикасонк.

 

Ня шитнень корреспондентоньке васетькшнесь 1941-1945 кизонь военнай и трудовой подвигонь Мемориальнай музейть директоронц, «Поиск» Мордовскяй республиканскяй патриотическяй объединениять вятиенц Н.А.Кручинкинонь мархта. Сон азондсь Великай Победать юбилеенцты анокламать колга, а стане жа отвечась лия кизефкснень лангс.

30.01.2020  № 3
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин