Поиск по сайту: 
 

Архив
 ноябрь 
 2017 
пн вт ср чт пт сб вс
  12345
6789101112
13141516171819
20212223242526
27282930   

 
 

 

Юмор и сатира

КОДА МАНЯНЬ СЯВОНДЕЗЬ ВАЙМАМА

Тшнай Манять аньцек сайхть ошста иденза, нолдасыне нюнянзон, ушеды эряфонц лангс пеняцякшнема.
—Сембе ронгозе сяряди. Кядне вяри аф кеподевихть, пильгонень мельган усксесайне. Ялгане од стирькс нинге ащихть, а мон Яга-бабакс арань.
—А тейть, тядяй, кие шоряй од стирькс улемс? Эрят ськамот. Тряматне-щаматне аш. Мяляфтат аньцек эсь пряцень.
—Кода аньцек эсь прязень?! А тинь? Пирьф пяшксе жуватада. Кда аф синь, коста вай, сиволь сяволеде.
—Тядяй, минь аф потяй шабатама, добувафоньке саты эсь пекозонк.
—Ожу, хуш тямака кяжияфне. Кда аф сивольнясь, вайнясь китьке куду юксталесть. Няить кода Петяце морай:
Очень вкусное
тещино сало,
Сколько не даст всё
мне мало.
Когда пью молоко парное,
Вспоминаю село я родное.
Хоть и жить в нём
ужасно,
Но люблю тёщино масло.
А блинчики, пальцы
оближешь,
Хочу быть к тёщеньке
ближе.
—Ктр, ктр...—рахай Тшнай Манять Арювоц.—Рахси, тядяй, Петязе. Минь сивольфтома-вайфтома кельктядязь. И кить куду мзярдовок аф юкстасаськ. Коза ина мольхтяма.
—Коза ломатть якайхть, югу ваймама.
—Югса пара. Аньцек тоза шава кятть аф молят. Титихть-митихть эрявихть. Аде, тядяй, тядде марса мольхтяма ваймама.
—Ожу-ка, стирняй, тят рахсе лангсон. Мзяра кизозе, вестевок ашень яка ваймама. А тяни баба прясон молян. Ломатть пеедьсамазь. Мярьгихть, мирденц калмазе и ушедсь лима-сюнокс тиендема.
—Нинге сельме кармайхть каяма корхтафтыхне.
—А жуватанень кинди кадсайне, вдь аф фкя шис туян.
—Просань ошста тердьсаськ. Вайть, сивольть кельгсыне, катк и трудендай.
Тя мяльсь тусь Тшнай Манянь овонц мяльс. Анзясть, анзясть, мифтезь Манянь фкя траксонц. Сась инксонза ведьгемоньшка тёжянь цалковай. Путозь карточкас. Тясоль жа апак получак пенсияц. И тусть келесост Ялтав ваймама.
Сонць Тшнай Манясь кржа мезе шарьхкодсь карточкаса, тевонь якафтысель Арювоц. А ся тядянь ярмакнень ваксса баяравакс вятезе прянц. Пачкодсть Ялтав. Вешсть эряма васта. Срхкасть моря крайс ваймама.
—Тя тон тяфта ков срхкать?—кизефтезе Маня стиренц.
—Моряв эшеляма, ваймама,—отвечась Арю.
—Да тон ёфси ёньда лисеть. Крхтапа, штоли?
—А моряв бабань понкст щамат?
—Кода лия алянь инголи тяфта лисят?
—Кода сембе лисихть, стане и монга лисян. Мезенди тейне лия алятне, Петязе вакссон. Тон Петрухазень нинге галошста ашить няенде. Ого-го-го... Колма од цёрат тии.
—Конашка грехс сувафтсамасть. Визькс мархтонт моряв молемс.
—Ожу, тядяй, хуш кяжнень тяйть сафне. А тон мезе: ваймама сать или мярносема. Кали мокшень нулаценьге аф каясак? Кали бабань понксса эцят моряв эшеляма? Ломатть пееттядязь. Мярьгихть, коста тя сюзюсь-музюсь сявовсь.
—А мезьса ина эшеляма комотян, тинь лацонт крхтапа?!
—Аф ёфси крхтапа. Тейтьке рамань щамбяльхть.
—И косот?
Арю таргазе тядянцты рамаф купальниконц.
—Хэ-хэ-хэ,—рахазевсь Тшнай Маня.—Ёфси лангсон рахсят. Ня лима-сюнотнень щасайне. Вдь аф юмаф-араф ломанян.
—Мархтост од стирькс кармат няевома. Нинге аляня муят.
—Монь пингозе алянятненди ётась. Тямасть пееде. А тяфтама щамса виздень аляцень инголивок лисемс.
—Тяфта и виздеть?!
—Виздень, стирняй, виздень.
—Да тон, тядяй, дикаят.
—Киян? Киян?
—Вирьста лисьф ломанят. Мярьгат, эряфсот мезевок ашеть няенде.
—А мезе мон няендень работада башка.
Срхкасть моряв. Тшнай Маня стаки ашезе кая мокшень нуланц. Фкя вастса аф ащеви. Мзяра ломаньда и сембе мусть эстеест васта. А сон ащи пялес авардезь. Лангсонза нулац, пряц сотф сифтемкс. Ваймяйхне арьсесть, што сась авась тяза добувама. Фкясь нежеди:
—Можна мархтот фотография тиемс.
Омбоцесь малады:
—Можна ваксозт арамс.
Оттне ктордыхть лангсонза:
—Тяфта тон, тядяй, тяштекска арат.
—Аф эряви кодамовок тяште, ускомасть меки куду.
Овоц крьвязсь:
—Пожалняста, архт, кивок аф кирттянза.
—Тулень, да меки кить аф муса, ускомасть масторбев.
—Хуш кяжияк, тядяй, хуш авартть, но инксот отпусконьконь аф гастясаськ. Аф сянкса тяшка ки ётаме, штоба меки тумс. И аф ёмла шабат, што кирдемшкаце аш.
Тяфта Тшнай Маня колмошка недяля рязондсь Ялтаса. Оттне моряв эшеляма, ронгонь эшентьфтема, а сон ляды квартирав пидема-панема. Шуроста коза лисендсь. То аварди, то салава явсекшни. Ляди мялезонза кудоц, Наста ялгац, ваймоц лиси. Да и аф пеняцяй одонзон лангс. Сонць муворусь, местема оттнень мархта срхкась. Ашезь кула вдь тняра киза югфтома и тянивок ащемаль кудса.
Сась Маня ваймама вастста сизефста, лядсь эзонза кедь да пакарьхть. Пильгонзон мельганза усксесыне. Няезе Наста ялгац, эводсь:
—Мезе мархтот, Маня сазорняй. Аф ваймама якать, а мярьгат, пленц повондоть.
—Тямак и кизефне, Наста. Адс повондонь, ётайне сембе кинзон-янонзон. Содалине, деряй, молелень югу, кадолине кудозень.
—Ашезь ту мялезт ваймамась, Маня?
—Кодама ваймама. Шиньберьф шись пидезь-пиди, аф содасак коза пряце кяшемс. А мзяра лима-сюнода. Сембе крхтапат. Тьфу... визькс лангозост ваномс. Мийне тракскязень, пенсиянязень сявине. Эстейне танцтинявок ашень рамсе, эрь трёшниконять ванфнине, ужялине. И на тейть колма недяляста карьхцязь.
—Ярмаконкса тяшкава ни тят ризна, тага кочкат.
—Кочкан... Кда косовок валяндальхть, кочкалень. А тяни...
Тшнай Манясь кержи кядьсонза вадердазень шяярензон:
—Панде ризносемс. Меки мезьге аф мрдай. Тячиёк уштан баня. Штаса югонь рдазозень.
—Тя видеце, Маня.
—Саят, Наста, мархтон паряма?
—А мес аф.
—Тоса сюлеканявок сяван, мезе-бди пей алу аноклан.
Тяфта и тисть Маня мархта Наста. Аф аньцек штасть-парясть, но и пиравасть. «Сяпиняти» аватне весялгодсть, ляпомсть, кармасть сиде моронянь морсема.
Милканязень мийне,
Ризфозе изь опафтов
Авардян, маштсть вийне,
Югта ашень топафтов.
—Ктр-ктр... Манянь мораманц лангс Наста.
—Сянкса и сявомазь, штоба меки ярмаконень аф максомс. Теест, аф мон, а ярмаконе эрявсть. Кда афолень моле, деряй, тняра ярмак лашафтолень Петю мархта Арювонди. А тяни бта пара тисть, ваймама мархтост сявондемазь. Кие аф няйсамань:
—Косолеть, Маня?
—Югсолень.
—Оттне сявондедязь ваймама?
—Аха...
—Тя пара.
Монць корхтан. А седиезень сукст-унжат порьсазь. Но сембе сяка, тянь лангс эряфсь ашезь аделав.
Вай спасиба Шкайти,
Монць эсь прязень тряса.
Сембонязе ули,
Козяшидон яса.
 
Илья Вешкин.
25.09.2017 №37

 

ВОЛШЕБНАЙ ВАНОМАНЯ

Захар Кузьмич Сюконяев танцтиста обедамда меле кргакстсь, фатясь полкаста кодама-бди шуваня журналня и лаподсь диванть лангс. Сон кельгозе ярхцамада меле пяле частшка ваймаманц.
—Осеева. «Волшебное слово»,—лувозе сон азксть лемонц.—Ну-ну, ванцаськ, кодама волшебнай тевнянь колга тяса азондыхть.
Азксса азондовсь фкя церокшть квалма, конань мзярдонга ашесть латцев тевонза. Тянкса сюцесазь, омбоценкса тутмадьсазь. Сонцьке ашезе сода, мес мархтонза тяфта лисенди. Но весть акша сакал атянясь тошказе церокшть, азсь теенза волшебнай вал. Тяда меле коза цёрокшсь аф моли, азсы волшебнай валнять, и эрь вастса тевоц удалай.
—М-да,—куфкстась Сюконяев азксть лувомда меле.—Пароль ся цёрокшти: васедсь акша сакал атяня мархта, и сембе пичефксонзонды сась пе. А кода улемс теенза, Захар Кузьмиченди? Ну мес службаса ялганза тяфта аф кельгсазь? Бта работатьке аф лияда кальдявста содасы и вятьсы, казнав кяденц аф навсесы, рюмкативок лишнайксть аф варжаксни. И сембе сяка сонь аф кельгсазь.
—Ну мезенкса? Мезенкса?—кяжиста кизефтезе сон кати-кинь и... шуфтомсь диванонц лангса. Кенкшть ваксса ащесь акша сакал атяня—прокс стама жа, кона Осе-евать азксса.
—Тон... местема?—пелезь кизефтезе сонь кудонь азорсь.—Тейть кие эряви?
—Захар Кузьмиченди,—ежуста пеедезевсь атянясь.—Мон волшебникан. Мялезе лездомс тейть ся тевса, конань колга аньцек арьсеть.
—А кода лездат?—кашкомф вайгяльса кизефтезе Сюконяев.
—Вов кода. Сявк вов тя ваноманять. Сон, няйсак, анцяйня, кядьлапшса кирдьсак—киндивок, эстедот башка, аф приметави. Эрь мезне, кодак ушедат корхтама начальник мархта, салава варжакстт ваноманяти. Кармат корхтама ялгацень или конторазонт саф ломань мархта, эстовок варжакстт. А лядыкссь сонць тиеви.
Захар Кузьмич ерась тага кой-мезе кизефтемс, но атянясь апак учсек юмась, бта солазь-солась. Сюконяев аськолдась кенкшти, панжезе, но фталонза кивок ашель.
«Афоли нувазевонь и онцтон няине тя атя-морть»,—пеедезевсь Сюконяев, но эстокиге кядьсонза марявсь кати-мезе калгода. Сон видептезень суронзон: кядьлапшсонзоль пятакшка ваноманя. «Фу, шяйтаттне сяволедязь!»
Часттне няфнесть сисем минутафтома кафта. Алясь эрязста щась и тусь конторазонза, кона аф ичкозель кудонц эзда. Аньцек сувась, приемнайста секретаршась пшкядсь:
—Начальниксь мярьгсь сувамс.
Сюконяев пцтай ласькозь етазе общай отделть. Панжезе кабинетть кенкшенц.
—Озак,—мярьгсь начальниксь и няфтсь кядьса стулть ширес.
—Спасиба, спасиба, мон тяфтаконга,—мторгодсь Захар Кузьмич. Ся пингста лятфтазе волшебникть казненц, видептезень кержи кядь суронзон и варжакстсь клянцеконяти. Ваноманяста лангозонза ванць аф содаф шама, конань трванза мялень ванозь пе-едемать эзда каладозь-каладсть. А прясь сяконь содась люкась. «Фу, кодама туткоткс ломань!»—эсь пачканза мярьгсь Сюконяев. Сон тяряфнесь лятфтамс, кие тя. А мзярда талакодсь, нльне эводсь: сон няезе аф кинь-кинь, а эсь прянц.
—Мезе мархтот, Захар Кузьмич?—ичкозде пачкодсть пилезонза начальникть валонза.—Тон ашеть урмаськода?
—Вай, начальник ялгась, простямак. Арьсезевонь. Кати-кода тяфта лиссь, простямак...
—Ну-ну, пара. Тяни кулхцонтт. Начальниксь макссь теенза задания и нолдазе. Отделса учендсь эсонза эряфкшу ава.
—Мезе тейть?—кизефтезе сонь Захар Кузьмич, афи мярьгсь озамс. Алясь арьсесь, што сафти аш месть ламос ащекшнемс контораса.
—Эняльдемазе ули. Пичефксозе тяфтама...—ушедсь авась, но Сюконяев лоткафтозе:
—Личнай тев мархта примсетяма аньцек вете частта меле.
—Учелень ветети, да мон...
—Мон да тон, да Сидоров Антон,—полаксазе эряфкшуть Сюконяев.—Порядка ули, и сон ванфтома. Саят вете частта меле!
Ня валхнень азомста сон лятфтазе ваноманять и варжакстсь эзонза. Тоса кельме, бта кевста лаксеф шама.
«Вай, тявок—монан?—пичедезевсь Захар Кузьмич.—Тяфтапнень аньцек карикатураса няфнесазь».
Но тя мяльсь кфчядсь и маштсь. Бабанять лисемда меле сон лядсь стама жа важнайкс и пезфтазень сельмонзон каготтненди.
—А тон, Кузьмич, абон панить ломанть,—ашезь кирде фкя ялгац.—Тевоц минутаста вановоль...
—Нльне стане? Ватта! А мон афи содайне. Ну тонь валдот меле карман содама. Спасиба тонафтоманкса!
Сюконяев тага варжакстсь ваноманяти, и тага эсь прянц ашезе сода: стама изгордыень-кичкордыень, стама прянь няиень тоса шамась.
Службада меле Захар Кузьмич аськолясь куд шири, лятфнезе семботь, мезе няйсь ваноманяста. Седисонза аф пароль, бта пяндра ведьта симсь и ваны эсь лангозонза ширде. «Ну и туткоткс». Сон тага весть варжакстсь волшебникть казненцты, няезе эсь шаманц и кяжиста тюфадсь ваноманяти. Эстокиге ся юмась, бта и ашель.
Кинь кядьс пови ся ваноманясь, кой-мзярда варжакснеда эзонза. Шять, мезевок и карматада содама эсь колгант.
 
М.Бычков.
25.08.2017

 

КАЛОНЬ КУНЦИЕНЬ ОН

Ульмаев содазе—калхне аф фалу повихть. Тяфтама ни синь промозсна. И киндивок аф кошардовихть. «Эй, тинь, начка пулот, эрька повода!..» Мезе кельк тиеви содафонь вельде, а вов калсь кячказть нилема аф кошардови.
Нолданьбрят Ульмаев куцсь колмоце этажезонза. Шава арзяняц—калдор! калдор!—эрьхнесь коза аф эряви.
—Кандоть?—пезфтазе лангозонза кяжи ванфонц рьвац Куля.
—Мезе?
—Кода мезе—калхт!
—А тон ярмак макссеть!
—Ватта, Шкабаваскяй ... Эйваряв, што ли, ярмакть тонголить?
—Мулине, коза тонгомс. Тонць содасак, ярмакфтома тяни...
Сон ашезь кенере азомс, мезе «ярмакфтома»—Куля, кода сонць корхни, крьвязсь. —Да ярмак лангс мон тейть базарста ва-ага тяшка кандан!—келептезень кядензон Куля.—Хуш горбуша, хуш зубатка...
—Зубаткать питненцты пейхне пяярихть.
—Аф зубатка, так минтай.
—Минтайсь аф кал, а ярмаконь юмафтома,—каряньфнемшовор корхтась Ульмаев.—Северса служань, няендине. Чукчатне пинеснонга тяфтама калда афолезь анне. Пеконц пинесь паймошкодомшка матрасы, а вий, моце аш. Аф ускови чукчань нурдоняське.
—Чукчатнень лятфнят... Тонць чукчада цебярят, што- ли?.. Ёряйть балкону кшни блдопнень да кевадак...
Ульмаев изь карма сяда тов рьванц кяжияфнема. Содазе, Куля озай тона комнатав телевизоронь ванома, тонадсь пефтома сериалхненди. А Ульмаев таргасы прдафканц. Куля, содаф тев, чухарязень сембе прдама васттнень, ташта валенцявга кяденц навазе. Да авань ёнць ни авань ень. Коста теенза смекамс, што панкскясь сонцень рьвять пальта зепсонза.
Сизефканц лангс ладясь. Ульмаев моцорфтсь кухняса салу куярня, лаподсь вастозонза. Тол ашезь крьвясне. Симфкять эзда лямбонясь срадозь срадсь ронгованза. И кати-кода эсьотям потась ваймостонза кяжиямась. Ужялькс арась Кулявок. Вдь ульсть синьге валда шисна. И калхтка Ульмаев каннесь. Да аф кода тяни—пяльхкашка окуннят, а валекшка лещат, петькольня лаца щукат, судакт. Волгав арнесь, Сызранть малас. Кота цалковайхтольхть билетсь, мезьге аш. Тяни тоза молемась сембе пенсияцень сивсы. Кода тяфта шарфтозь эряфть прянц лангс? И нинге шнафтыхть пря—цебярь тисть...
Ульмаев копордазе лядыкскять и валомне ваясь лямбе онц. И бта арды сон Рузаевкаста Сызранть шири. Вагонца лямбе, машина кить крайге тихтетькшнихть лешаф шуфтонятне. Сон нинге аф содасы, мзяра и кодама кал кундай. Но сон надияй, пяк надияй. А калонь кунцемаса учемась-надиямась—танцтидонга танцти таньфсь.
А поездта меле онозонза шоворсь Куля. Озаф сон ава ялганзон еткс подъездть каршеса скомняти и кядень келепнезь няфни: «Вага тяшка кал моннесь кандсь, вага тяшка... »
Пара, хоть онцтост ломаттне улендихть павазуфт.
 
В.ЛОБАНОВ.
 
 

 
10.08.2017

 

КАФТА ШАРЫ ЛАНГСА

Тядде отпускозень арьсень ётафтомс аф нона кизотнень лаца походга-куване яказь. Ялга яказь аф семботь ётасак, аф семботь няйсак. Тядде ёрань рамамс кодамовок транспорт.
Но кодама? Савсь ламос тапсемс пря. Автомашина? Лувине, кда кочксемс ярмак, эста руленц ваксс озан аньцек комозце отпускстон. Мотоцикла? Пяк лама ни вятниснон ёткса токавида. Пади, мопед? Тя транспортть усолонц монцьке лацкас ашине шарьхкотькшне—аф велосипед, афи мотоцикла, ванат, кати моторсь алять усксы, кати алясь моторть.
И вов аф кунара магазину усксть мотороллерхт. Однят, сенемнят, варжакстонь инструкциязост, и седиезе солась. Кле, мотороллерсь туристти инь цебярь ялга: двигательса кота алашань вийхть, уски сон кафта ломатть, скоростецка сатомшка. И мезсь нинге пяк кеняртьфтемань—мотороллерть макссазь рассрочкас. Тяфтама машина тейне и эрявсь.
Сась отпускс тума шизе, получань ярмакт и—видеста магазину.
Вятьса валда-сенем «чудать», а монць прянь шнафтозь варжакснян кафта пяли: «Няйсасть-аф, ломатть, кодама парши добувась Круглов Мишка. Алять тяни сонцень транспортоц!»
А пачкодень куду, лиякс арьсезевонь, кармань эсь мархтон корхнема: «Мотороллер рамать? А маштат ардома? Аф! И аш вятиень праватневок. А штоба получамс прават, эрявихть содамс арнемань правилатне, максома экзамен».
Правилатнень эзда мон сяконь и содань, што якстерь толсь машинать лоткафтсы, а сянгярясь нолдасы инголи. Да ся нинге прясоноль, што водительти ардомста аф мярьгондеви валондомс ломатть.
Мезе тиема? Кармаме смексема-арьсекшнема рьвязень мархта марса. Кода тя уленди фалу, васенцекс азозе эсь мяленц рьвязе.
—Отпусконьконь ётафтсаськ тядязень ширеса, тоса шуринце тонафттанза ардома—сон шофёр. А моторкацень сявсаськ автомашинаса.
Тяфта и тиеме.
Тинць шарьхкодьсасть, васенце шиня арнемс ашезь сав: каванянь коль шуринть эса—соннет бензиттне-вайхне, сон тонафтыське.
Омбоце шобдаваня мотороллерть лихтеськ карденяста. Мазыель машинась, шить каршеса пиндолдсь. Шуринозе шарондсь перьфканза, кати-мес хмкснесь, мезенди-бди кучкорязень кафцьке шарыхнень, азозе: «Озак». Пильгса кафксть-колмоксть ряфцодезе рычагть, моторсь рназевсь, и минь цятордозь-лакштордозь туме ардозь.
—Паксяв листяма,—пшкядсь вятиезе.—Тоса столбас аф поват.
—Мес?
—Столбат аш.
Лисеме паксяв, шуринць мярьгсь валгомс мотороллерозень лангста и кармась арнема ськамонза, кле, эрявихть содамс машинать сембе промозонза. Сотцесь эсост ламос: то пялязкс ранкфнезе моторть, лиендсь бурякс, то прокс кашкомфнезе—шашнесь черепаха лаца.
Мекпяли лоткась ваксозон, варжакстсь частонзон лангс и шлёпадезе кядьлапшса конянц.
—Вай! Да мон тяфта работама поздаса. Аф макссак «алашацень»? А ялга тяста тейть аф куватьс молемс.
Куду савсь мрдамс кафта пильге лангса. Ашень кенере пачкодемс, маткать мархта рьвясь тейне корхтайхть: «Миша, лездолеть, модамарьхне копанямат. Шуринце, тонць содасак, най стирьхненди прафты...»
Машиназе афоль уле—копанялень, а тяни заботане лият. Азыне, кати-мес шулкфтыхть казьфоне, сявонь инструкцият-правилат и велянь садняв эшкс вастоняс.
Шуринць сась иляденди. Машинась рдаз потмоса. Модяряф вятниецка.
—И мезенди тя штукать рамайть?—тага кучкордезень шарыхнень.—Аньцек асфальт ланга арнемс, а аф тияне. Цють ашемань калафта рдазга ётафтомстонза.
Машинась савсь штамс тейне. И ужнамда меле шуринць корхтай: «Афолить макса мотороллерцень? Тейне шабра вели эряви молемс...»
Савсь максомс. А шобдава машинать штайне нинге весть.
Иляденди тага лисеме пакся ушу. Шуринць кармась тонафтомон. «Велосипедса арнеть? Мотороллерсовок тонадат. Мзярда срхкат вастстот, саворне ноляк сцеплениять и касфнек газть...»
И вов мон эряфсон васенцеда озань машинань вятема. Семботь кармань тиендемонза стане, кода тонафтомазь: ноляса сцеплениять, касфнеса газть, а машинась вастстонзонга ашезь срхка. Эста, кода эряви, пувордайне газонь ручкать и нолдайне сцеплениять. Мотороллерсь трнатозевсь, бта сявозе маштыкс урма, и торхцадсь, мярьгат, алаша лотка крайти маладомста. А инголи ашезь срхкав. Шуринць кяжиясь.
—Тяфта тон частонь потмоста яжасак моторть. Хуш и аф монцень мотороллерсь, а ужяль. Ватт, кода эряви...
Сон озась и валомне срхкась вастстонза. Ардомбачк ни ювадсь: «Учемак илять!»
Савсь учемс аф илядьс, а мянь омбоце шобдавас. Лангозонза ашень кяжия, сяс мес тяни вастстон срхкавонь ни, ладяйне скоростть, а сяльде колмоцеть и вармакс лиень паксянь киге.
Кота алашань вийхне лийфтьсамазь, лийфтьсамазь инголи. Кеняртькшнян: конашкава лац тиень, мес рамань мотороллер!
Ашень кенере педа-пес шнамс эсь прязень, ванан, крута шаркс вирть шири. Хуш и паксяса столбат аш, а тяса шуфтта пяшксе. Ашень кенере кирьфтамс скоростть, кода мотороллерсь сонць тусь эчке тумоть лангс, и эстокиге сельмостон лийсть цяткт...
Мзярс ащень кунф, аф содаса, а козк панжине сельмонень, ванан—вельхкссон шуринозе.
—Тейть аф мотороллерс, а велосипедска афоль эряв озсемс,—кармась сюцемон.—Рамать тапайть, а сядонга пяк—коняцень. Коняце пчкяй, а рамась сави петемс мастерскойсонк.
Шуринць нолдазе моторть—сон работась!—и курокста кяшевсь сельмингольде.
Аф азовомшка сярядсь конязе. Мзярда пачкодень куду, рьвязе цють содамань. Да мезе рьвясь! Варжакстонь ваномава—монць эсь прязень ашине сода. Нилешка ши савсь рязондомс кудса—вдь тяфтама шамаса ломань ёткс аф лисят.
А меле шуринозень кати-коза прважазь командировкас, и мон кармань тонафнема шитьке. Эх, и аф тёждя тя тевсь! Сембода стакась вастста срхкамась. Паксяса пара, ков тят шаркста, тоза и ардат. А велеса? Бта кати-мезень вий таргасы мотороллерть куд стенатнень шири.
Ульцява ардомаське аф ламбама. Тон ёрат сяда цебярь вастонява ётамс, а машинась кати-мес эци лотконятненди и каворксненди. Сяконь ватт, праят, да нинге моторсь эрь мезне лоткси работамда. Ручкань шарфнемати кядне сяшкава пуворсть, бта аф арнень-ваймосень, а вирь керонь.
А тяса нинге шабрань цёрокшсь Витькась вермодевсь эзон. Арнемс ёрай мотороллерсон.
—Кулхцонтт, Витек,—корхтан,—тя машинась аф шабань, а оцювонь. Ули велосипедце, и арнек.
—А мон, Миша щеняй, мотороллерсонга маштан. Тонценьге тонафтте.
И виде, маштсь. Моньге кармась тонафнемон. Недяляшкада меле вармакс лиендень велень и паксянь китнень эзга. Шуринозеньге командировкац аделавсь, сась, кизефнесамань.
—Кода? Нинге ашить синне «алашацень»? Аде паксяв, арнетяма.
—Вов мезе,—корхтан,—тейть, пожалуй, сави якамс работама ялга. Мялезе мольсь пильгса ункснемс вайгяльбетнень. А рьвязти азыне:—Ванды молян автоинспекцияв экзаменонь максома. Аноклак путешествияс.
—Тон ванка, кодама тячи числась!
Варжакстонь календарти, и лонтядсь седиезе: отпускозе аделавкшневсь вандыда меле.
И мезе, мле,—сембось нинге инголе. Сай кизоть сякокс тутама походс. И аф ялга, а кафта шары лангса!
Ю.КУЗНЕЦОВ.
15.05.2017 №18

 

ВЕШЕНДСТЬ СЕРАФИМОНДИ РЬВЯ


 

ТЕЙНЕК АШ КОДА ЛИЯКС

07.04.2017 №13

 

ФЕДЯРЯТЬ ЭРЯФСТА


 

МАРЯ И ДАРЯ


 

СВАДЬБАСЬ КШТИСЬ И МОРАСЬ

Фкя пиле Гришать колга Шавача велеса корхтайхть тяфта:
—Срхкась малав, пачкодсь Шалав.
И тя афкукс тяфта. Рьвац кизефнесы:
—Гриша, коза молят?
—Молян кумозень пяли корхнема.
Тя ульсь шобдава. Тусь и, мярьгат, эшис ваясь. Аш самац. Настац учсь, учсь и тусь вешендемонза. Етазень сембе кумонзон-кумаванзон, шабранзон-кудаванзон, аш косовок аля ваймоц. Иляденди ускозь алашаса Коцькарга велеста. Мамаф сатомшка, пильге лангса аф кирди. А сонць сиде моронят морай:
Гришань шиц удалась,
Колма сюлекат мамась.
Нинге ерась симондемс,
Лима-сюнокс тиендемс.
Опа! Опа!
Гриша золод лопа.
Гришарять учсемс
мялец мольсь,
Оцю цюгун лямоц кольсь.
Велесонк моли славась,
Наста пяк
удалаф авась.
Кяльсонза пикст кодай,
Сяпинь таньф аф содай.
Ну и мезе, ну и мезе,
Што удалаф монь рьвязе,
Пяк ни кяжень панды,
Стопканя аф канды.
Седи сон аф солафты,
Аньцек сюци, тонафты.
Аф кельги рьвакс тиенди,
Ведьмакс кудса лиенди.
Наста тянь кулезе.
08.03.2017 №9

 

ТРАКТОРОНЬ ФАМИЛИЯ

ТРАКТОРОНЬ ФАМИЛИЯ
Азкс мяляфтови шамаликонь колга
Серец поталаку токай. Пряц офтоньбряшка. Якай кафта пяли вельсезь, цютькада горбоськотфста. Мельганза ваномста няеви, бта сон канды наземда пяшкотьф кяскав и пеленди, каба ся паршись афолезе апаля акша панаронц. Кержи али види лафтубряванза ёрдаф кедень сумка, кона люпштаф и модяряф калонь кожфонь нолдай уфамкс, мес тоса мезевок аш и каннесы тя паршить лиятнень лангс ванозь—монга, кле, моднаян.
Пильгсонза туфлятне тракторонь гусеницашкат. Прясонза картуз, мезсь оцюшис и тюсс коре шарфты лямбе ширдень базархнень эса мишендеви лавашенди. Аськоляй—туп-туп-туп! кулеви сембе ширде молемац, бта масторсь стакаста таркси вайме оцю землетрясениянь карша.
Тяфта сон моли работама. Работастовок тяфта сашенды. А трудендай, кулендине, кати лифтеркс, кати слесарькс-сантехникокс. Аф карматама сотцемонза «коса» да «кода». Содаф фкя: кельгсы мамаманц и копордафкаста ни рахсезь рьванц седис сафнеманц.
Тяни, кода ни шарьхкодесть, эряй ошса, а шачемас минь веленястонк. А вели сашенды. Тясонга улеза ушеса пизем али аф пизем, якай ульцява зонтикса. Прясонза грузинонь пачац, пильгсонза гусеницашка башмаконза, лафтубряванза ёрдаф калонь шамф уфамонди шарфты кедень сумкац. Шамац крфай—начка пракста лапотть лангозонза—ся, тяшка шумбрашинь канды нарфти, эзк коськи.
Велеряенза кизефнесазь, мезенди теенза зонтиксь эрявсь, кда шись, няк, лаказь лакай менелень тёкшса.
—А вов шида сон тейне и эряви. Шись прякедезень пяк ни «щекотиндасы», мезьда меле ефси аф утцян,—азсы. Мезе однясь ошса, кода эряй-ащи рьвац и молихть али аф тевонза—семботь кизефнесазь велеряенза. Сембе ширде сят ёрасазь содамс велеста туф ошень алять эряфонц. Рьванцка колга толкавайхть аф стак. Аф стак и пеедихть кой-кит толкавамшовор. Ся пеедихне содасазь, кода сонь, Солидоловонь, весть аф пяк ичкози и аф ламос тушендомдонза меле васьфтезе вокзалса рьвац.
«Ськамотат?»—кизефтезе вагонцта валгомдонза меле Солидолов эсь васьфтиенц и пезфтазень кумбаравкс сельмомарензон авати. Рьвясь аф эстокиге шарьхкодсь и абондозь варжакстсь офтоньбря поланц лангс, а нинге, кле, тейть кие эряви эстедон башка?! «А косот Ильгя мархта Марфа? А мес ашесть са Матренань мархта Филя?» Нят ульсть рьвять сазоронза и синь мирдьсна.
«Да вдь синь сяка тевсна, штоли: васьфнемс тонь... Синь вдь пересна, а тевда тяни тоса тонць содасак...»,—виде ваймот пшкядсь авась. Сон эста ашезе шарьхкоде мирденц кичкоряманц.
Цекла (тяфта рьвять лемоц, а сонцень Солидоловонь—Харитон) пцтай эрь недяляня арни Москуву омба масторонь парши мельге и тяса оцю питнеса мишенкшнесы рамафонц, а сяльде ни порезь пори Солидоловонь эса:
«Тон мезень алят?! Аля лоскодат: мон пяле шиста зепозон путнян кафта сятт тежянь цалковай, а тон ковоньботмоста сняронь аф каннят. А вдь работама тушендат эрь шиня. Шотцень кяшендьсак, нужань ломань—ботинкань кочкярянь шовсемста мековасу яказь сяда лама карьхцта тиендят ковонь зарплатацень коряс... Ащек лучи кудса—монць тряте и сяда уцезста стяй эряфоньке!»
Солидолов кулхцонкшнесы рьвять эрь-мезне апак каштортт, а тиенди эсь лацонза. Сон алясь аф рьвада пелихнень и аф авань мялень ваныхнень эзда. И, кода ламоц алятне, копоряманцка кельгсы. Симонди ялгадонзовок аф кржа. Ламотнень синь эздост рьвацка содасыне. А сембода пяк тя тевса сафнесазь шабрасна Военкомов и каршек кудста сире гармонистсь Трудруков.
Весть, мзярда Солидоловонь рьванцты самаль Москуста, сон мамафтозень ялганзон и корхтазень: васьфтемс рьванц. Мусть ташта барабан. Сонць мирдсь акша кагод ланга тяштсь: «Кельгсаськ Цёклань, кода переста свёклань». Военкомов кемокстазе ся тяштьфксть кафта байдек еткс, сялдазозонза щафтозе барабанть, а гармонистсь Трудруков—гармошканц. И вов колмоцьке састь вокзалу, перронца учсесазь поездть. Сонць Солидолов араф инголи, кафцьке кядьсонза кирдсь тяльмот. Кодак аньцек каршезост лоткаф вагонцта сумканзон мархта лиссь Цекла, мирдсь кеподезень тяльмонзон и Военкомов эрьхтезень байдеконянзон барабанти, а сянь дубордоманц эзк фатязе гармошкась. Ялгатне, сяс мес вельф копордафтольхть, кати пеедсть, кати низелдсть.
А Цекла нинге валгомшовор морафтозень лемозонза тяштьф стихнень и няезень нужа-музыканттнень, васенда таяскодсь вастозонза, но эстокиге сась ёжезонза. А ёжес самдонза меле вткофтозень пильгалу кафта кяскавонзон. Колмоцесь копорьсонзоль. И станяк ся копорьсонзоть мархта горбоськотф верблюдкс ёрдась пря рахсиензон шири. Ёндолда вишкста фатязе Солидоловонь кядьста фкя тяльмоть и эрь ни сянь мархта руцькафнемс. Военкомов комотсь ласькозь ся маластовок, барабаноц эрьхнесь плманжанзонды, алясь тапарясь, прась и кафцьке кядьса шамань кяшезь псьтерьфтезень пильгонзон. Гармонистть гармониянц килец сязевсь и инструментоц уромсь мастору. «Вяк-вяк-вяк!»—вякнась.
Сонць Солидолов вастонцка ашезе сода, ащесь таяскотфста, бта пильгонза петьфтольхть перрононь асфальтти... Маряк, сон симфоль сембонь коряс сяда пяк. И парязе Цеклац офтоньбрянь кирди сялдазонц, шаманц тяльмоса, сонць сяконь содась:
—Ах, тон, прахсь сяволензе, аф алянь алясь—на тейть!.. Фамилияцевок аф ломанень, а тракторонь—на тейть!
Тяни ламотне лемонзон-пилензон прокс ни аф кунцесазь, а мярьгихть Тракторонь Фамилия. «Нява, Тракторонь Фамилиясь ётай!» «Тракторонь Фамилиясь коста сай?» А мес тракторонь, а аф автомобилень али танкань? Вдь синьге фкя-фкас токси кой-кона пялькссна солидолса ваденкшневихть. А тянь кивок пряширезонзовок аф путнесы. Тракторонь Фамилия—и пецка тоса! Маряк, рьвянь апрякамась кемоста педенди аляти…
…Туп-туп-туп!—кулеви Тракторонь Фамилиять молемац, эхянь масторсь стакаста вайме таркси оцю землетрясениянь карша.
Иван Кудашкин.
 

 
02.03.2017 №8

 

 
 
 

 
НОВОСТИ

«Крепкая семья»: в Саранске состоялся круглый стол по обеспечению земельными участками многодетных семей

«Крепкая семья»: в Саранске  состоялся круглый стол по обеспечению земельными участками многодетных семей

 

     «Круглый стол», который был посвящен теме выделения земельных участков многодетным семьям, состоялся  в региональном исполнительном комитете Партии «Единая Россия». В нем приняли  участие   представители депутатского корпуса, регионального отделения российского фонда милосердия и здоровья , региональный  координатор партийного проекта «Крепкая семья . Этот проект направлен на укрепление традиционных семейных ценностей, и в его рамках оказывается всесторонняя помощь ребятам из многодетных и малообеспеченных семей.

 

     Депутат Госсобрания РМ, заместитель Секретаря регионального отделения Партии по проектной деятельности и работе с молодежью Наталия Андрюшечкина рассказала , что в рамках партийного проекта «Крепкая семья» совместно с администрацией  столицы Мордовии  в Саранске  проводился мониторинг. Он был посвящен обеспечению многодетных семей земельными участками с подведенной инфраструктурой.

 

 «В исследовании участвовали 376 многодетных семей, из которых 72% имеют трех детей, 17% - четырех, и две семьи воспитывают 10 детей. Семьи отметили, что в основном сталкиваются с такими трудностями, как длительные сроки ожидания в очереди, и некоторым сложно собрать необходимый пакет документов», - сказала она.

 

   Земельные участки многодетным семьям Саранска предоставляются в черте города – в поселках Куликовка, Николаевка, Пушкино. По словам семей, им нравится расположение участков – близко от города,  проблем с транспортом.  Однако инфраструктура в поселках развита не достаточно.

 

  Тем не менее, все эти недочеты решаемы, и большинство опрошенных  остались довольны предоставленными условиями.

 

  По словам начальника отдела градостроительных паспортов КУ «Градостроительство» Елены Полибиной, начиная с 2011 года, 487 многодетных семей Саранска получили земельные участки под строительство жилья. В 2011 году таких семей было 65, в 2012 году – 99, в 2013 году – 84, в 2014 – 29, в 2015 – 88, в 2016 – 86, в 2017 году – 36.

 

  На «круглом столе» обсудили проект «Жилищно-строительные кооперативы с государственной поддержкой» по программе АО «АИЖК». 37 российских регионов уже принимают в нем участие, однако Мордовия пока не вошла в состав участников.

 

  Гостям  представили сводную  информацию  о проекте. В нем могут участвовать многодетные семьи, которые нуждаются в улучшении жилищных условий.

 

 


15.11.2017
 

Турчак: Партия должна двигаться в сторону регионов

Турчак: Партия должна двигаться в сторону регионов

 Ключевым направлением деятельности «Единой России» станет работа в регионах. Об этом заявил исполняющий обязанности секретаря Генерального совета «Единой России» Андрей Турчак.

 

 

«Нам предстоит ротация Генсовета. В Уставе Партии предусмотрена ротация не менее 15%, соответственно, это будет 15 или 20%, пока мы точно сказать не можем. Но из этого числа не менее половины должны быть представителями регионов. Нам бы хотелось, чтобы в состав федеральных руководящих органов «Единой России» вошли представители первичного звена, которые зарекомендовали себя не только на выборах, но и в повседневной работе», - подчеркнул Турчак, отметив, что на данный момент их представительство недостаточно. 

 

Кроме того, он подчеркнул, что планируется усилить работу региональных отделений Партии за счет увеличения их удельного финансирования. «Нужно сделать так, чтобы не только региональные, но и первичные отделения стали постоянным важным фактором в системе функционирования Партии», - пояснил и.о. секретаря Генсовета.

 

Также Турчак сообщил о предстоящем переформатировании структуры межрегиональных координационных советов (МКС), которые ранее были полностью привязаны к федеральным округам, но затем их «раздробили». «Сегодня МКС привязаны по своей нарезке к избирательным округам. Я буду предлагать изменить эту систему и вернуться к старой проверенной нарезке с полной привязкой к федеральным округам. Особенно это будет важно в ходе избирательного цикла в марте 2018 года. У нас будет тогда понятная связка с региональными отделениями Партии», - рассказал он.

 

Кроме того, и.о. секретаря Генсовета сообщил, что в течение полутора ближайших месяцев будет проведен аудит партийных проектов. «Сегодня у нас работает 25 партпроектов. И я считаю, что нужна оптимизация этого направления. Сколько их останется в итоге – сказать сложно. Возможно, 10 или 15 – те, которые имеют наиболее высокое электоральное значение. Мы укрупним те проекты, деятельность которых пересекается», - сообщил Турчак.

 

Не менее важна и оптимизация деятельности внутрипартийных платформ «Единой России», которые, по мнению и.о. секретаря Генсовета, должны организовать работу на межрегиональном уровне. «Они должны стать каналом получения обратной связи, лифтом идей и инициатив из регионов, а также наказов людей», - считает он.

 

 

 

 

03.11.2017
 

Депутат Госдумы Александр Воробьев встретился с участниками Всемирного фестиваля молодежи и студентов

Депутат Госдумы Александр Воробьев встретился с участниками Всемирного фестиваля молодежи и студентов

 

В делегацию от Республики Мордовия вошли 125 человек, представляющих различные направления: политику, науку, культуру, образование, спорт, журналистику.

 

Сегодня в рамках региональной недели с участниками международного фестиваля встретился депутат Государственной Думы РФ Александр Воробьев. В беседе с парламентарием молодые люди поделились впечатлениями от пребывания на форуме, рассказали об образовательной программе, работе дискуссионных площадок и встречах со спикерами.

 

Одним из главных итогов фестиваля для молодых специалистов стала возможность выдвинуть собственные идеи и инициативы. Участник образовательной программы форума «Будущее науки и глобального образования», доцент РАНХиГС при Президенте РФ Алексей Индриков рассказал депутату Госдумы о проекте медиаобразования. По его словам, сейчас назрела необходимость системного обучения детей интернет-грамотности в регионах. Медиаобразование позволит научить младшее поколение свободно ориентироваться в сетевом пространстве без угрозы их безопасности. Александр Воробьев поддержал идею и отметил, что этот вопрос особенно важен для современного поколения.

 

Продолжая тему медиа, с предложением о создании «Школы молодого этножурналиста» выступила председатель МРО «Молодежная ассамблея народов России «Мы-Россияне» Инна Астайкина. Парламентарий согласился, что работа в этом направлении действительно актуальна для нашей национальной республики.

 

Директор отраслевого студенческого издания «Информагро» Вадим Руин поинтересовался у Александра Воробьева о перспективах программы поддержки молодых специалистов в сфере АПК.  «Далеко не во всех регионах действует программа поддержки кадрового потенциала в сельскохозяйственном производстве. В Мордовии этому вопросу уделяется важное внимание,  - отметил депутат Государственной Думы. - За 5 лет, пока специалисты получают дополнительное денежное пособие, у них появляется возможность проявить себя. За это время они показывают, на что они способны и как относятся к своей профессии».

 

Также в рамках встречи участники обсудили работу добровольческих организаций и проблемы трудоустройства выпускников вузов.  Одной из тем беседы стал и проект закона об ответственном отношении с животными.

 

В завершение встречи Александр Воробьев отметил, что молодым людям представилась уникальная возможность побывать на международном фестивале. «Сегодня у вас есть много возможностей. И в нашей республике созданы прекрасные условия для их реализации. Действуйте и развивайтесь!» - обратился к участникам парламентарий. 

 

 

03.11.2017
 

Депутаты «Единой России» на региональной неделе обсудят бюджет и встретятся с участниками ВФМС

На предстоящей региональной неделе депутаты Государственной Думы от «Единой России» примут участие в заседаниях законодательных собраний субъектов РФ, региональных фракций «Единой России» и экспертных советов, чтобы собрать предложения от регионов в преддверии рассмотрения законопроекта о федеральном бюджете на 2018 и плановый период 2019 – 2020 годов. Об этом сообщил заместитель секретаря Генерального совета Партии Виктор Селиверстов по итогам селекторного совещания с региональными исполкомами «Единой России».

 

«27 октября Госдума в первом чтении рассмотрит законопроект о бюджете, после чего на региональной неделе депутаты соберут предложения по бюджету со своих регионов. А также примут участие в заседаниях региональных парламентов, фракций «Единой России», экспертных советов, по рассмотрению проектов региональных бюджетов», – рассказал Селиверстов.

 

Селиверстов также обратил внимание на то, что после принятия бюджета в первом чтении Госдума проведет 31 октября слушания по проблемам регионов, связанным с бюджетным процессом. На мероприятие приглашаются руководители фракций «Единой России» в заксобраниях регионов, спикеры заксобраний и главы бюджетных комитетов региональных парламентов.

 

Кроме того, Селиверстов рассказал, что парламентариям на региональную неделю было предложено провести встречи с участниками Всемирного фестиваля молодежи и студентов, обсудить с ними результаты форума, проекты и возможности самореализации молодежи в регионах. Также в преддверии принятия законопроекта об ответственном отношении с животными депутаты могут провести встречи с заинтересованными сторонами – представителями контактных зоопарков, питомников, осуществляющих отлов безнадзорных животных.

 

«Поскольку День народного единства выпадает на региональную неделю, федеральные парламентарии смогут принять участие в торжественных мероприятиях по этому случаю в своих регионах», – сообщил Селиверстов.

 

 

26.10.2017
 

Андрей Турчак обсудил вопросы текущей повестки на рабочей встрече

25 октября 2017 года Председатель Высшего совета Партии «Единая Россия» Борис Грызлов и исполняющий обязанности секретаря Генерального совета Партии Андрей Турчак обсудили вопросы текущей партийной работы, а также задачи подготовки к XVII Съезду Партии.

По словам Бориса Грызлова, «одной из главных задач на сегодняшний день должно быть сохранение преемственности в партийной работе, в том числе при работе с фракцией в Государственной Думе и в региональных парламентах. Законы, принимаемые фракциями – это результат работы всей Партии. И депутаты, избранные от Партии, в своей работе руководствуются ее решениями».

Борис Грызлов поддержал предложение Андрея Турчака о необходимости более плотного взаимодействия Высшего совета и Генерального совета по основным направлениям работы Партии.

Как подчеркнул Андрей Турчак, «Высший совет провел большую работу по формулированию стратегических инициатив. Сегодня это востребовано Партией, и выдвинутые инициативы могут занять особое место в подготовке к Съезду».

Андрей Турчак также предложил усилить работу Межрегиональных координационных советов, повысив их роль во взаимодействии с региональными отделениями Партии.

26.10.2017
 
 

Партпроект «Единой России» «Городская среда» разработал памятку для оценки жителями хода благоустройства дворов

Партпроект «Единой России» «Городская среда» разработал памятку для оценки жителями хода благоустройства дворов

 

Партпроект «Единой России» «Городская среда» разработал памятку для общественного контроля за ходом благоустройства дворовых территорий. Об этом сообщил координатор федерального партийного проекта «Единой России» «Городская среда», депутат Государственной Думы Александр Васильев, отметив, что региональным отделениям рекомендовано распространять памятку во дворах, где уже прошли или еще проходят работы по благоустройству для того, чтобы сами жители могли контролировать работы, и в случае выявленных нарушений, обращаться в приемные Партии.

 

Он также рассказал, что в 2017 году в рамках партпроекта будет благоустроено более 19 тыс. дворовых территорий в 1653 муниципалитетах. Изменения коснутся более чем 85 млн. россиян. «В настоящее время проект «Городская среда» вступил в важнейшую стадию работ по благоустройству. В ряде регионов – Челябинской области, Республике Башкортостан, Мурманской области и Хабаровском крае – уже сдаются благоустроенные объекты. На данном этапе основная задача Партии в лице региональных координаторов партпроекта, председателей и членов общественных советов, активистов – осуществлять контроль за качеством выполнения работ, привлекая к этой работе неравнодушных граждан. В связи с этим мы разработали памятку, в которой указано, как контролировать ход и качество работ по благоустройству дворовых территорий», – сообщил Васильев.

 

В частности, в памятке перечислены основные направления по благоустройству, требующие внимания жильцов: состояние асфальтового покрытия и пешеходных дорожек, нормативы по освещению, основные правила при установке лавочек, урн и так далее. «Я призываю жителей дворов, вошедших в проект в 2017 году, быть активнее и обращаться в Партию по данным вопросам. Только вместе мы сможем сделать так, чтобы благоустройство наших дворов повысило качество жизни россиян», –  подчеркнул Васильев.

 

Партийный проект «Единой России» «Городская среда», сроки реализации которого рассчитаны с 2017 по 2022 годы, занимается благоустройством дворов и мест массового отдыха в регионах и муниципалитетах. Сегодня состояние дворовых территорий многоквартирных домов затрагивает интересы огромного количества людей по всей стране. Партпроект координирует работу между органами федеральной, региональной и местной власти, с тем чтобы выйти на комплексные проекты по благоустройству территорий.

 

 

 

 

 

 

20.09.2017
 

Неверов озвучил предложения «Единой России» по поддержке АПК

Неверов озвучил предложения «Единой России» по поддержке АПК

 

 

В «Единой России» считают эффективной работу Госпрограммы развития сельского хозяйства на 2013-2020 годы, однако призывают Правительство и Минсельхоз РФ проработать возможность интервенций, изменить механизм поддержки обновления сельхозтехники и выделить в 2018 году деньги на то, чтобы достроить 27 сельских школ.

 

 

 

 Такие предложения озвучил заместитель председателя Государственной Думы, секретарь Генерального совета «Единой России» Сергей Неверов, выступая по итогам «правительственного часа» в нижней палате парламента с участием министра сельского хозяйства РФ Александра Ткачева.

 

Неверов заявил, что госпрограмма по развитию сельского хозяйства, которую инициировал Президент РФ Владимир Путин и о реализации которой на «правчасе» отчитывался Минсельхоз РФ, доказала свою эффективность. «По масштабам эта программа, без преувеличения, сравнима с аграрной реформой Петра Аркадьевича Столыпина», - заявил Неверов, добавив, что на сегодняшний день продовольственная безопасность страны обеспечена.

 

«Значит ли это, что мы обеспечиваем себя всем? – продолжил вице-спикер Госдумы. – Значит ли это, что нет проблем у аграриев? Значит ли это, что деревня процветает? Нет. А это уже вопрос реализации программы, и тут достаточно поводов для критики».

 

В частности, считает Неверов, падение цен на зерно требует скорейшей проработки вопроса поддержки сельхозпроизводителей, независимо от механизма защиты. «Сегодня был доклад о ходе уборочной кампании. Уже нужно думать о будущей посевной. Откуда взять на нее деньги? Высокий урожай хорошо, но это привело к тому, что цены на зерно упали. Мы настаиваем на необходимости скорейшей проработки вопроса поддержки сельхозпроизводителей: будет ли это интервенция или иной механизм защиты», – заявил Неверов, добавив, что эту проблему необходимо решать безотлагательно.

 

 Также в «Единой России» предлагают изменить механизм поддержки обновления сельхозтехники, которое, по словам вице-спикера Госдумы, идет слишком медленно, поскольку процесс обновления пока не перекрывает процесс выбытия старой техники. «Сегодня на гектар пашни мы имеем очень низкий показатель мощности: всего полторы лошадиных силы. Если не работает существующий механизм, надо думать о том, как его менять: давать льготные кредиты самим аграриям на закупку техники, расширить возможности агролизинга», - предложил депутат.

 

 «Чтобы не описывать в красках, что говорят наши аграрии в регионах, буду краток: доведение до сельхозпроизводителей средств государственной поддержки, к которым относится и льготное кредитование, должно быть, уважаемый Александр Николаевич, прозрачным, реально доступным и своевременным! И «Единая Россия» будет держать это на контроле», - обратился Неверов к Ткачеву.

 

 Кроме того, фракция «Единой России» выступает за выделение в 2018 году денег на то, чтобы достроить 27 сельских школ.  По словам Неверова, люди уезжают из деревни, потому что хотят хорошие дороги, наличие коммунальных условий (газ, вода, очистные сооружения), чтобы детям было, куда пойти в школу, чтобы работали кружки и секции, чтобы и самим было, куда пойти после работы.

 

 «Мы запустили в этом году партийный проект «Местный дом культуры», и я хочу вам сказать, что эффект колоссальный: ведь многие ДК ни разу не ремонтировались с момента постройки», - отметил Неверов. По его словам, каждая деревенская школа мечтает попасть в программу ремонта спортзалов в сельских школах, которая реализуется несколько лет. «Но в то же время немало сельских школ стоят недостроями, разрушаются. Так быть не должно. Обязательно в следующем году нужно найти средства на решение этого вопроса», - убежден парламентарий.

 

 По мнению вице-спикера Госдумы, вопрос квалифицированных кадров в агропромышленном комплексе должен, в частности, решаться укреплением финансовой поддержки сельскохозяйственных вузов, которая должна выйти на один уровень с вузами Министерства образования и науки РФ.

 

«Нужно обеспечить поддержку научных и селекционных центров, проведения исследований, внедрения новых сортов и гибридов, племенных пород, чтобы как можно меньше зависеть от импорта», - резюмировал Неверов.

 

 

18.09.2017
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин