Поиск по сайту: 
 

Архив
 ноябрь 
 2018 
пн вт ср чт пт сб вс
   1234
567891011
12131415161718
19202122232425
2627282930  

 
 

 

Наша семья

КАСФТСТЬ ВЕТЕ ИТТЬ

Эрь ломанть сонцень эряфонь киц. Аф тёждяль сон Мокшень Козловкань мокшавать А.П.Кичкаевать.
Шачсь и кассь Анастасия Прокопьевна Атюрьевскяй райононь Од Кярьга велеса. Ёфси ёмланяль, мзярда алянц, Прокопий Иванович Шнякинонь, аш мезенксовок пякстазь тюрьмав. Тозк и кулось. Тядяц, Анна Ивановна, лядсь кафта ёмла шаба мархта. Ся пингть мольсь Великай Отечественнай войнась. Сембонди аф тёждяль, а Шнякиттненди кафтонь-крда стакаль. Лия рьвятне, шабатне учсть фронтста миртть, алят. Шнякиттненди учемс ашель кинь, надиямс ашель кинь лангс. Сяс Настянди савсь рана варжамс трудть таньфонц. Лезнесь тядянцты кудонь тевса, яксесь паксяв розь-брянь кочкама. А мзярда сяда венемсь, покодсь Од велень колхозса. 1959-1960 кизотнень якась торфонь таргама Рыбинскяи. Варжазе и ошень эряфтьке. Кафта кизот трудендась Саранск ошень «Резинотехника» заводса. Но мяльса фалу кирдезе велеть. Пингонь ётазь Анастасия Прокопьевна мрдась Од Кярьгав. Кемнилие киза покодсь Оцяду велень участковай больницяса санитаркакс. Сярядихнень мархта работамась тевсь аф тёждятнень эзда, но сонь сембось лисендсь.
1975 кизоня Анастасия Прокопьевна сась эряма Мокшень Козловкав, коса содафтсь сай пингонь мирденц П.И.Кичкаевонь мархта. Павел Иванович эста ськамонза касфтсь колма итть. Ингольдень рьвац пингта инголе тусь эряфста.
—Марса иттнень касфтоськ, тееньге синь арасть роднойкс,—мярьгсь Анастасия Прокопьевна.—Пингонь ётазь шачсть кафта марстонь цёраньке.
Мирттне-рьвятне Кичкаефне касфтозь идьснон трудонь кельги, цебярь ломанькс. Сембе синь арасть прянь шнафтома вастокс. Надежда Павловна покоди учителькс Атерень 1№ средняй школаса. Валентина Павловна трудендай главнай бухгалтеркс «Сосновский» ООО-са. Иван Павлович эряй-ащи Старошайговскяй районца. Марстонь кафта цёрасна эряйхть Саровса и Москуса. Кичкаефнень касыхть сисем уноксна.
И.ПЕТРОВ.
Снимкаса: А.П.Кичкаева.

09.06.2016 №21
 
 
 

 
НОВОСТИ
 

УШЕДСЬ «Шумбрат, Мордовия!»—«Vivat, Чемпионат!» ФЕСТИВАЛЬСЬ

25.10.2018  № 42
 
 
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин