Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Здоровье

ЮКСТАФ СИМОМБЯЛЬХТЬ

*Минь эряфсонк аф етнихть вакска пичедематне, таколдоматне, нервнай срыфне и депрессиятне. Тяса лезды кипрейста (иван-чай) чайсь. Симомок венц лангс, сон лезды транквилизаторда лац. Тяфтама чайда симомда меле удомась сетьми, иммунитетсь кемокстай. Мишендеви аптекаса.
*Акша панчфсь (ромашка)—цебярь средства вельф лама ярхцамать эзда. Ацянтьфтьсы аф аньцек пекса стакать, но и прянь сярядемать, кона эвондакшни вельф ярхцамать эзда.
Аньцек марясасть прянтень кальдявста—симода акша панчфста чайда. Лац лезды пяшень панчфста и путлекста (мята) чайсь.
Е.ИНШЕВА.
 
ПРИДАТКАНЬ КЕЛЬМОФТЕВОМАДА
Придаткань кельмофтевомать эзда муцяй лама ава. Тя средствась кунардонь, но сон афкукс лезды. Ноляви тевс, мзярда кельмофтеводе и сяряди пекалсь. Сявомс курмозь цильгетише (чистотел) (мзяра сявови) и кядьгос лангозонза каямс лакай ведь. 10 минутада меле начфтомс тя ведьса махровай аф оцю нардама кафтошка минутас. Аф пяк пувордамс (штоба афоль шуде), мадомс и ашкордамс пекалть нардамаса. Ланга путомс нинге нардама и вельхтямс мезьсовок лямбоса. Кирдемс 1,5-2 част. Тяфта тиендемс 2-3 ши, сяда ламос аф эряви. Сярятьфсь етай васенце процедурада меле.
Ж.МАНЬКОВА.
Пильгонди ваннанят
Тядязти 81 киза, алязень куломда меле ламос эрясь ськамонза и семботь тиендезе сонць. Но сась пинге, и мон сявине эряма ширезон. Тяни мон ванан мельганза. Тядязе пяшксе эрьгада и вийда, аньцек пильгонза таколфтсазь: таргозихть, палыхть, варикоз. Лезнихть топяной сушеница тишеста ваннанятне. Аноклави тяфта: 200 грамма коське тишеть лангс каямс лакай ведь, кирдемс пантфста. Мзярда настойсь кельми, нолдамс ведаркати пилькнень и кирдемс 30 минуташка, кайсемок пси ведь. Процедурась тиендеви венц лангс.
 
Суваф кенчнень эзда
Эряфкшу ломаттнень курокста касыхть кенчсна.  Кядьса кенчнень керомасна аф стака, но вов пильгса—тя прябала. Мон тиендян тяфта: целлофановай кулёкс эцеса пильгть, вельхтяса ватань эчке слойса, кона начфтф водородонь перекисьса. 20-30 минутада меле кенчне ляпомихть, и сярятьфтома курокста керовихть. Тяфта тиендсь бабазе. Но шарфтода мяль: штоба пильгса афольхть уле кодамовок керфкат!
Г.ПРИЕМСКАЯ.
ПИЛЬГОНЬ МУВОТЬФТЕВОМАДА И ТОКАВОМАДА
Инь сидеста пильгсь мувотьфтеви (вывих), курькстомок тялонда аф чистендаф тротуарса.
Но тя прябалать мархта ули кода васьфтемс любой пингть.
*Санонь мувотьфтевомась пчкафтови лофцонь пси компресса. Нилева мянтьф марлять начфтомс пси лофцса и тиемс компресс, путомок лангти компресснай кагод и вата. Компрессть полафнема марлять кельмомда меле.
*Пильгонь токавомста вельхтямс токаф вастть марляса и путомс лангозонза мелкайста керсеф шурьхкя, кона шоряф сахарнай песок мархта.  Сотксть полафнемс кафксть шити.

09.06.2016 №21
 
 
 

 
НОВОСТИ
 
 

ВЛАДИМИР ВОЛКОВ примась участия РФ-нь Правительствать вице-премьеронц Виталий Мутконь председательстванц ала совещанияса

14 майста Мордовиянь Оцюнясь Владимир Волков примась участия совещанияса, конань видеоконференциянь лаца ётафтозе РФ-нь Правительствань вице-премьерсь Виталий Мутко. Совещаниянь основной кизефксокс арасть уштомань пингонь ётай кизонь итокне.

 


Виталий Мутко отмечазе: ся региоттнень эса, коса губернаторхне шарфнихть башка мяль тя темати, сезонць ётась тапорксфтома. Но марнек,   ЖКХ-нь объекттнень эса чрезвычайнай ситуациянь лувкссь кассь, и главнай туфталсь—сеттнень таштомомасна. Вице-премьерсь отмечазе, што сай кизоста сявомок арьсекшневи нолдамс коммунальнай инфраструктурать, кона 60 процентта таштомсь, одкстоптоманц коряс федеральнай программать. Сяс региоттненди эряви максомс  РФ-нь Минстрои тяфтама объекттнень и капитальнай вложениятнень размерснон коряс, конат эрявихть тиемс нормативно-техническяй вешфксненди кондястикс, педа-пес кочкаф информация.

24.05.2019
 

Сёрматфтода «Мокшень правда» уцез (льготнай) питнеса

24.05.2019
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин