Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

КАТК ФАЛУ КАЙГИХТЬ «ЛАЙМОНЯТЬ» МОРОНЗА

«И пичефксста мархтонк, и кенярдемста, шачемстокиге сиредемозонк молемс...»—тяфта морави ваймонь сярядемста фкя инь вии надобиять, мороть колга. Аф стак кой-коста лемнесазь сонь эряфонь ваймокс. Тя эстокиге шарьхкодеви  кунардонь мокшэрзянь моронь кулхцондомста. Синь тяфтама жа пефтомот, тяфтама жа седиень токайхть, кодамкс уленди эряфсь... Эсост атяньконь-бабаньконь смузю мяльсна-арьсемасна. Пингсь полафтсь. Аш ни ся, мзярда ня моротне кайгондсть велеть келес тевонь тиемда меле илять. Кда кайгихть, то аньцек иласта, пуромксста.
Сюконямань валхт  народоньконь тя козяшинц ванфтоманкса, сценать лангса сонь эреклафтоманксонза азома мокшэрзянь ансамбльхненди. Тяфтапнень ёткса и Темникав аймаконь мокшень моронь «Лаймоня» народнай ансамбльсь.
Мокшаватне-баяраватне эстокиге салайхть сельмованф мокшень мазы щамснон мархта. А аньцек ушедыхть морама—седитьке токасазь.
Творческяй коллективсь пуроптфоль колмогемонь ветие кизода инголе Вирь Келгуж мокшень велеса. Виде, лемоц фольклорнай коллективть эста ашель. Вятезе сонь мокшавась Татьяна Павловна Резепова. Мазыель сонцень вайгялец, маштсь цебярь моронь ладямовок. Сире пингонь мокшень морода башка, кода эста, стане и тяни, ансамбльть репертуароц козякофтф авторскяй мороса. Содаф поэттнень валснон мархта ряцок кайгихть Татьяна Павловнань моронзовок.
2001 кизоня ансамбльсь лемтьфоль «Лаймонякс». Самай тундаль, лаймарькссь панчсь… Т.П.Резеповать «Лаймоня» мороц арась коллективти гимнакс. Васенцеда сон кайгсь и пяк тусь ваныхнень мяльс «Темниковская свирель» районнай фестивальса.
Кизонь ётазь полафневсть ансамбльса морсихне. Фкя пингть аватнень мархта ряцок морсесть мирдьсновок. Курок коллективти максфоль «народнай» лемсь. Ваномок «Лаймонять» творческяй кинц-янонц мельге, эстокиге саят мяльс: ня мазы вайгяль мархта «паватне» аф содайхть стак ащема. Аноклайхть-ётафтыхть велень илат, кайгихть моросна районнай пуромкснень эса. Аф весть мокшэрзянь морамань искусствать козяшинц няфнезь Россиянь региоттнень эса. Кулхцондозь мороснон Комиса, Чувашияса, Санкт-Петербургса и нльне Крымса. Ансамбльфтома аф ётни «Шумбрат, Мордовия!» народнай творчествань республиканскяй фестивальсь. Кемонь кизода инголе тя пуромксть вельде коллективти сувась нинге фкя ломань—Александра Васильевна Путилина. Сонць мокшавась шачемас коре Ковылкинскяй райононь Од Пшень велеста. М.Е.Евсевьевонь лемса МГПИ-ть аделамдонза меле кучфоль Темниковскяй райононь Жегалова велень школав рузонь кялень учителькс. Но сяда вииель культурати, мокшень моротненди кельгомац, кона ушедсь касома-кемокставома эсонза нинге ёмласта. Якшама шири эряма ётамда инголе ламоксть ськамонза, а тяфта жа Темникавонь оркестрать мархта морсесь «Шумбрат, Мордовияса!» Мрдамок шачема-касома уженяв, Александра Васильевна мольсь тя фестивальть ванома. Темникавонь «Лаймонясь» лятфтазе мокшавати эсь велень «Марлюня» ансамбльснон, коса морсесь тядяц. Тяшкава токазе седиенц, нльне эстокиге мярьгсь эстеенза: карман морсема ня аватнень мархта. Тяфта и лиссь. Самац ансамбльти—бта атямъёнгонь эвондама менельса. Эстокиге  мялензон-арьсеманзон, эрьганц, ваймонь лямбонц кармась макссемонза марстонь тевти. Аф стак А.В.Путилинать курокста путозь вятикс «Лаймоняти».
Тяниень пингть ансамбльса сисем участницат. Колмотне эздост—Вирь Келгужа велеста. Нят В.Ю.Лискинась, Т.С.Шнякинась и З.С.Мурзаевась. Вирь Ордажста—Т.П.Ошкинась, Темникавса эряйхть А.В.Путилинась, Л.В.Пужайкинась и Н.С.Полькинась. Вайгяльбетне мокшаватненди—аф перяфкс кочкавомс марс репетицияс, а сяльде—илас или пуромксс. Ансамбльсь—аф фкя лацонь панчфонь пусма. Пефтома шнама вал ули кода азомс кажнайть колга. Кие-бди сяда вии актёрскяй маштомошиса, кие-бди—сяда мазыста мораманц мархта… Аньцек марса синь козякофтсазь мокшень коень-обуцянь ванфтомань «арзянять».
Мокшаватне аф аньцек морот морсихть, но и няфнихть сядонгольдень  пингонь обрятт. Ётксост—мокшень свадьбась, армияв служама прважамась, шачиенди лемонь максомась, пиземонди, сёронь шачеманди, жуватанди тишень анокламань озксне. Кепотьксонди, озкс мокшаватне ётафтсть 24 июньцта Лямбирскяй райононь Владимировка велеса, коса ульсь «Республиканский день поля—2016» велень хозяйствань выставкась.
Башка мяль народоньконь коензонды-обуцянзонды шарфневи Вирь Келгужаса, конань эзда и сявсь ушеткс мокшень моронь народнай «Лаймоня» ансамбльсь. Велень культурно-досуговай центраса ули музей, коза кочкафт кунардонь пингонь эрямань-ащемань предметт, щапт-каряпт.
«Кеме соткст кирттяма эряфкшу ломаттнень мархта,—мярьгсь центрать директороц В.Ю.Лискина.—Азонтфснон сядонголень эряфть квалма, мороснон сявондьсаськ мяльс пуромксонь ётафтомста. Аф ужяльдезь макссесазь ванфтомс национальнай паршиснон музеи».
Аф лядондыхть шири «Лаймоняса» морсихнень эзда тя или тона мокшень обуцянь няфтемста велеряйхне. Но дивандафты аф тя. Дивандафты ся, кода велень культурно-досуговай центраса мокшень морот ётай кизоть морасть М.В.Ломоносовонь лемса Московскяй госуниверситетонь студенттне. Аф фкя киза мельцек од ломаттне ётнезь тоса мокшень кяльть тонафнеманц коряс лингвистическяй экспедицияснон. Сотцезь велень койхнень-обуцятнень, тонафнезь моротнень, кяльть. 
Сашендсть студенттне Вирь Келгужа вели тядде Мокшэрзянь кяльхнень шис Наукань Российскяй Академиянь Языкознаниянь Московскяй институтонь младшай научнай сотрудникть А.А.Козловонь мархта. Велеряйхне содафтозь синь шачиенди лемонь максомань и шумбрашинц инкса озондомань обуцять мархта.
«Лаймонять» арзяняс кочкавсь аф кржа грамота, диплом и нльне сяськиень кубка. Аньцек эстеест мокшаватненди казнеда питнихть кядень кайги цяпамась и спасибамань валхне, конат корхтайхть фкянь квалма: синь тиихть эрявикс тев народоньконь вандыенц инкса.
 
А.ВОЛГАПОВА.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022