Поиск по сайту: 
 

Архив
 март 
 2019 
пн вт ср чт пт сб вс
    123
45678910
11121314151617
18192021222324
25262728293031

 
 

 

Здоровье

АРУЯФТСАСЬК ПИЧЕМАРЬХНЕНЬ

Натуральнай средстватне лездыхть аруяфтомс пичемарьхнень (почки) и цебярьгофтомс синь работаснон.
1.Офтоньбокорьксонь (шиповник) отварса аруяфтома. Офтоньбокорькснень эса уликс веществатнень вельде кой-коста солайхть пичемарьса кевнятне. Меле синь арайхть шуваркс и лисихть сярьфть мархта. Тя рецептть ули кода нолямс тевс кизонек-тялонек.
2 столовай куцюфт коське офтоньбокорькснень лангс каямс 250 миллилитра  ведь. Лакафтомс 15 минута. Анок отварть педямс и симомс колмоксть симозь сутканьберьф. Курссь—2 недялят.
2.Шуварть и пуромф салть лихтемасна.
*Шорямс 50 граммань пейдише (шалфей), карубря (душица) и мелисса. 2 столовай куцюфнень лангс каямс 200 миллилитра лакай ведь, кирдемс аф ламос, педямс и симондемс медь мархта чай лаца. Кочкаф тишетнень явомат 7 пяльксова и симондемс тяфтама настойда тифтень пялькс суткати. Сембоц—недяля. Курсть мекольце шистонза, мзярда шобдавань ярхцамати ляды 30 минута, вачень пект симомс 100 миллилитра кельмофтьф настой.
*Штоба лихтемс пичемарьхнень эзда пуромф салть, тиема заварка толокнянкаста. Сявомс 1 столовай куцю тише и каямс лангозонза стакан лакай ведь. Педяф настойть симондемс суткати колмоксть столовай куцювонь, мзярда ярхцамати ляды 30 минута. Курссь—1-2 недяля.
*Шинжаромань мелкайгофтф юрхнень   (1 стакан) лангс каямс 3 литрат ведь и лакафтомс 5 минутат. Мзярда отварсь кельми, педямс и ванфтомс холодильникса. Юрхнень ёрдамс аф эрявихть. Эздост ули кода анокламс отвар нинге весть, аньцек лакафтомат синь 5 минутада сяда ламос. Пичемарьхнень аруяфтомаснон инкса симондема 1 литра лямбе отвар суткати. Тяфта тиендемс 1 ков.
3.Кда сярьфсь моли стакаста, лезды тяфтама рецептсь.
Тапамс сельдереень видьмотнень порошококс и шорямс медь мархта (1:1). Ярхцсемс тяфтама шоряфкста 1 чайнай куцюнянь колмоксть шити 30 минутада ярхцамда инголе.
Пичемарьхнень аруяфтомста кой-коста эвондакшни карксэземса сярятьф, сембода сидеста илять. Тя уленди аф оцю кефнень или шуварть лисемаснон инкса. Штоба тя тевсь ёталь сяда тёждяста, примама лямбе ванна, кона валхтсыне сосудань и сярьфонь лихти китнень спазмаснон. Ули кода карксэземти путомс грелка или симомс спазмалитическяй средства. Кода правила, сярятьфсь моли аф частта ламос.
Сявость мяльс!
Сяда инголе, кода аруяфтомс пичемарьхнень шуварть и шлакнень эзда, корхтама врач мархта! Кой-кона урматнень пингста эвондакшнихть стака осложненият.
Азф эрь способть вельде пичемарьхнень ули кода аруяфнемс кафксть кизоти, а аф сяда сидеста.

06.10.2016 №38
 
 
 

 
НОВОСТИ
 
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин