Поиск по сайту: 
 

Архив
 январь 
 2019 
пн вт ср чт пт сб вс
 123456
78910111213
14151617181920
21222324252627
28293031   

 
 

 

Здоровье

Докторсь—катось

Васенцеда бабазень эзда кулень сянь колга, што катотне пчкафнихть ломатть. Бабазе Шенкурскяень церковно-приходской школаса шумордась кафта класст и военнай пингонь эряфонь оцю опытоц арасть тейне ушетксокс кудонь ня животнайхнень мархта содафтомати.
Ся пингсь, мзярда ашень шарфне мяль урматнень лангс, етась, и содафонень мархта корхнемста кармань шарфнема мяль катотнень пчкафтыень вийснон лангс. Тяниень пингонь ломанти лац содафт депрессиятне, вень аф удомась-мезсь эстокиге кадсамазь, мзярда кудса эвондай ката. А сярятьфсь сустафнень эса, остеохондрозсь, гипертониясь? Мянь инсультонь, инфарктонь пелькссь аф конашка, мзярда ряцок катонясь—тяфта мярьгондихть миронь врачне. Кода пачфнихть ламоц странань эряйхне (Англиянь, Германиянь, США-нь), сят, кит кирдихть кудсост катот, эряйхть 10 процентта сяда ламос катонь аф кирдихнень коряс.
Катонь «мрнамась», конань кулендьсаськ сюдерямстонза, и эздонза моли лямбось валхтсы стрессть, сявомок кальдяв энергетикать. Катонь мрнамась, кода ультразвуковой терапия, кемокстасыне пакарьхнень. Сон бта афкуксонь физиотерапевтическяй прибор кудса.
Пади, кой-кит аф пяк верондайхть, а мон аф весть шарьхкотькшнине Лиза катозень пчкафтыень виензон. Ваность: поздна илять мяльце матодовомс, а тяса урмаськодсь плманжаце. Тя пингть шобдать потмоста эвондакшни Лиза, мадонды сяряди плманжать малас и кемоньшка минутада меле сярятьфсь сетьмоси. Тяконь ули кода азомс радикулитонь приступнень колга. Эрь-мезне пчкафтомань пингть кочксесы сонць. Процедурать шумордамдонза меле валом стяшенды пильгонзон лангс и тушенды.
Катотне кунара нинге ульсть тейнек ялгакс. Кудонь катось—одксшинь афкуксонь эликсир и шумбрашинь кемокстай животнай мархтонза эряйхненди.
В.СОЛДАТОВ.

06.10.2016 №38
 
 
 

 
НОВОСТИ
 

Мордовиянь Оцюнясь Владимир Волков Ётафтсь национальнай проекттнень эряфс етафтомаснон коряс рабочай совещания

17.01.2019  № 2
 
 
 

Ули мезенкса кеняртькшнемс

Монь, кода од ломанень, пяк лад мялезон ся, кода кизоста кизос коль сяда и сяда мазыкс и арукс арси республиканьконь столицац—Саранскяйсь. Тяни ётат сонь ульцянзон, проспектонзон, парконзон, лия вастонзон эзга и седице пяшкоди кенярьдемада, гордостьта и ошть, и марнек Мордовиять инкса. Сембода лама полафткста, конешна, эвондась тяса футболть коряс Миронь чемпионатти анокламста. Ваносте, кодамот тяни ошень китне, вокзалхне! Мяльцень стане жа саласазь «Тавла» гостинично-жилой од комплекссь и Экопарксь. Марнек полафтсь, лиякс арась аэропортсь. Тяни тяста самолетса можна пачкодемс Москуву и Санкт-Петербургу. А мзяра строяф идень садта, школада, гипермаркетта, лама лия пяк эрявикс объектта. А кода аф лятфтамс уникальнай спортивнай объектть—«Мордовия Арена» стадионть. Сон сембоса отвечай тяниень пингонь инь оцю вешфксненди. Аф стак самай тяса меля налхксть миронь инь вии футбольнай командатне. Тя ли аф фантастика, тя ли аф честь сембонди тейнек. А ёфси аф кунара Саранскяйса ётафтфоль эйть лангса конькаса фигурнайста куркснемать коряс Россиянь чемпионатсь. И тяконь лаца спортонь оцю праздникт миньцонк ётафневихть аф шуроста.
Спортсь лихтезе столицаньконь пяк няевикс вастс, тиезе сонь содафокс аф аньцек Россияса, а марнек мирса-масторса. «Саранскяйсь—тя афкуксонь Европейскяй ош, тяса сембось тиф-ладяф оцю уровеньца»,—тяфта азондсазь эсь мяльснон-арьсемаснон столицаньконь колга тяза сашенды инжихне.
Мария Тарасова.
10.01.2019  № 1
 

10 январьста—Мордовиять шачема шиц

Панчфокс панчт, мокшэрзянь краеньке!
Тячи Мордовия Республиканьконь шачема шиц. Топодсь 89 киза, кода теенза максф государственность. 1930 кизонь 10 январьста ВЦИК-ть Президиумоц примась постановления Мордовскяй округть Мордовскяй автономнай областекс тиеманц колга. Тя шись и лувондови мокшэрзянь республикати шачема шикс. А ниле кизода меле тифоль Мордовскяй АССР-сь.
Тянь мархта путфоль цебярь ушеткс касоманди-виияманди. Ётаф пингста ламода кассь республикать экономическяй виец, кеподсь культурась, образованиясь, наукась. Ламоц земляконьке арасть гордостекс аф аньцек Мордовияса, но и сембе Россияса.
Сембода оцю сатфкст миньцонк сатфт мекольдень кизотнень. Мордовиясь путневи примеркс лиятненди, тяза сашендыхть опытонкса, тонафнема. И ули мезти тонафнемс. Республиканьке тячи—странать инь  вишкста вииякшни региононзон эзда фкясь.
10.01.2019  № 1
 

Мордовия Республикань культурань, национальнай политикань, туризмань и архивнай тевонь министрсь А.М.ЧУШКИН: «ЛАДЯМА СЕМЬЯСОНТ И САТФКСТ ТЕВСОНТ!»

28.12.2018
 

Н.П.Огарёвонь лемса Национальнай исследовательскяй Мордовскяй государственнай университетонь ректорсь С.М.ВДОВИН: «КАТК ЁТАФТОВИХТЬ ЭРЯФС СЕМБЕ ВАЛДА МЯЛЕНТЕ И ПЛАНОНТЕ!»

28.12.2018
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин