Поиск по сайту: 
 

Архив
 февраль 
 2020 
пн вт ср чт пт сб вс
     12
3456789
10111213141516
17181920212223
242526272829 

 
 

 

Наша семья

ИНТЕРНАЦИОНАЛЬНАЙ ЛАМА ИДЕНЬ СЕМЬЯСА АЗОРОНДАЙ КЕЛЬГОМАСЬ И ФКЯ-ФКЯНЬ ШАРЬХКОДЕМАСЬ

Эрь ломанть эряфса инь питнись—тя семьясь. Инголи—коса шачсь, а сяда тов—конань пуроптозе сонць. Олег Георгиевич Санду и Оксана
Вячеславовна Нишанова—кафтонь-крдань павазу ломатть. Вдь синь аф проста семья, а лама идень семья. Олег Георгиевич и Оксана Вячеславовна касфтыхть колма итть. Инь оцюти—Вероникати вейхкса кизот. Сон якай колмоце классу. Кельгсы тонафнеманц, башка мяль шарфни книгань морафнемати. Школав якамада башка, Вероника кельгсы уендеманц. Сяка-тев мярьгонди, што сай пингть арай цебярьста уендикс. Родителенза кирдьсазь стирняснон ширенц эрь цебярь тевса, сяс оцю мяльса вятнесазь уендемать коряс занятияс. «Ёмластокиге идти максома воляши, аф
 перяма кинц, и сявома мяльс сонь азфонц, штоба шабась инголькиге мулезе кельгома тевонц эряфса и сяда тов аньцек
кемокснелезень содамошинзон»,—мярьгсь азоравась Оксана Нишанова.
Гоша идняснонды 17 январьста топоди кафта кизонят. Аф ваномок ёмлашинц лангс, няфнесы ни характеронц. Няеви, што касы самостоятельнай цёранякс. Налхксемаса мялец сембонь шарьхкодемс, тиемс эсь кядьса. «Касы—макссаськ каратэнь секцияс»,—мярьгсь аляц.
Пяле кизода инголе шачсь колмоце цёранясна Святослав. Оксана Вячеславовна работай Саранскяень  Приборостроительнай заводса старшай контролеркс (тяни декретса). Семьянь азорсь работай Саранск ошень содаф торговай центраса.
Эряви азомс, Оксана Вячеславовнань и Олег Георгиевичень семьясна интернациональнай. 1992 кизоня Оксана Нишанова тядянц мархта етасть эряма Мордовияв Узбекистанцта. Национальностьс коре синь узбечкат. Оксана Вячеславовнань улихть раднянза Ромодановскяй районца, сяс васень пингть синь эрясть тоса. Тяни Оксана Нишанова мирденц и идензон мархта пуроптсть семья Саранскяйса, а тядяц лядсь району. Но, аф ваномок тянь лангс, сон сидеста сашенды и лезни стиренцты кудъётконь тевса, идень касфтомаса-воспитандамаса.
Семьянь азорсь, Олег Санду, шачемас коре Краснодарста. Кемонь кизода инголе сась Саранск ошу работама. Лиссь стане, што тяса васьфтезе кельгоманц, пуроптсь семья и Мордовиясь арась теенза, кода и рьванцты, омбоце кудкс. Тядде Мордовия Республикань Оцюнять эзда Вероника, Гоша и Святослав получасть ламбама казнет.
Каникулатнень, ваймама шитнень и ётка пингть лама идень семьясь старандай  ётафнемс марса. Праздникста пуромкшнихть фкя шра ваксс миртть-рьват, атят-бабат, сазорхт-братт. Тяфта ульсь и тяддевок, Од 2017 кизоть васьфтемста. Куранттнень шавомстост кажнайсь эсь пачканза арьсезе инь эрявикс мяльть, кона, надиятама, ётафтови эряфс. Од кизонь и Роштувань ваймама шитнень ётафтозь семьянь келеса: якасть ошса инь оцю кузть ванома, курькснесть конькаса, ульсть радняснон ширеса и стак тов. Тяда башка, мирттне-рьвятне ванфтсазь православнай ламоц койхнень-обуцятнень. Тянди тонафнесазь идьснонга. Малаткшни Кльхчянясь. Кода фалу, 19 январень илядня ломаттне эшелякшнихть святиндаф ведьса эй варяса. Тяфта тиихть Олег Георгиевич и Оксана Вячеславовна.
Л.РЕЗОВА.

12.01.2017 №1
 
 
 

 
НОВОСТИ
 

Н.А.КРУЧИНКИН: «ТЕЙНЕК МЯЛЯФТОМА ЭРЬ ЛЕМСЬ…»

2020 кизось странаньконди эсь лацонне. Тядде топоди 75 киза, кода сяськоме Великай Отечественнай войнаса. Россиянь эрь эряйти Победань шись, улема, инь питнись. Сон лятфни тейнек атяньконь-бабаньконь немецко-фашистскяй захватчикнень каршес тюремаса оцюдонга оцю подвигснон колга, и сянь, кодама питне максфоль воляшиньконь инкса.

 

Россиянь Президентть В.В.Путинонь Указонц коряс, 2020 кизось азф Мялямонь и славань кизокс, илати лемтьф мероприятият ётафтовихть марнек странать  келес, тяконь лувксса и минь республикасонк.

 

Ня шитнень корреспондентоньке васетькшнесь 1941-1945 кизонь военнай и трудовой подвигонь Мемориальнай музейть директоронц, «Поиск» Мордовскяй республиканскяй патриотическяй объединениять вятиенц Н.А.Кручинкинонь мархта. Сон азондсь Великай Победать юбилеенцты анокламать колга, а стане жа отвечась лия кизефкснень лангс.

30.01.2020  № 3
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин