Поиск по сайту: 
 

Архив
 июль 
 2019 
пн вт ср чт пт сб вс
1234567
891011121314
15161718192021
22232425262728
293031    

 
 

 

Здоровье

СЕКРЕТ МАРХТА ПЕРЕНЬ СЁРА

Ученайхне лемнесазь модамарьть инь уцез и пользань канды продуктакс. А диетолокне мярьгондихть ярхцсемс эздонза кафксть шити. Кеднек пидеф модамарьть эса клетчаткада ветексть сяда лама бананть коряс и колмоксть сяда лама С витаминда авокадоть коряс. Нинге и селенда модамарьса сяда лама шинжароматнень и пяшттнень коряс.
Модамарьса пчкафнесазь геморройть
Велень эряйхне модамарьса пчкафнесазь геморройть, пидемок эздонза штатолнят.
Штатолсь улеза 1,5 сантиметрань диаметраса, а кувалмоц 3-5 сантиметра, вадяв. Эцемс сонь несколька частс. Кой-кит вадендьсазь сонь медьса или постнай вайса.
Ули и лия способ. Шовамс модамарьть теркаса и путомс сяряди васттненди.
Модамарень кедсь лезды седити
Модамарень кедьса лама калийда и цинкта, конат цебярьгофтсазь седить работанц. 2-4 миллиметрань вастса кедть ала соланинда          5-10-ксть сяда лама кучканц коряс и сяда лама витаминда. Аньцек В витамин и каротин ули модамарьть кучканяса.
Модамарьста ярхцамбялень анокламста машфтови пцтай сембе пользац, сяс мес инь полезнай пяльксонза керсевихть. Исследованиятне няфтезь, што модамарьсь арай кальдявста примавиксокс, мзярда минь ваткасаськ вярдень слоенц.
«Равжа» пюре
Тя пюресь тиендеви модамарь кедьста. Лац штаф модамарьхнень лангста эчкста ваткамс кедьснон, нолдамс мясорубкань пачк и каямс лангозост пси ведь, штоба ведсь аньцек вельхтялезень синь. Лакафтомс 1-2 минута, лямбе вастса кирдемс 7-10 минута. Тяфтама пюреса кочкавихть модамарьть пользань канды веществанза. Таньфс коре сон аф стама пюреть таньфонц коряс, но пчкафтомань свойствада эсонза сяда лама. Тяфтама пюресь лихтьсыне организмаста крахмалть и шлакнень, цебярьгофтсы пищеварениять, етафтсы аллергиять и таргозьфть. Нолневи тевс варикозть, геморройть, диатезть, артритть пингста.
Лисьфнень эзда спиртонь настойка
Настойкать тиеманкса штамс модамарень лисьфнень (эвондакшнихть тялонда и тунда летьке вастса, коса ванфтови модамарьсь) и пяшкодемс 2-3 литрань тяльги банка. Меле пяшкодемс спиртса (водкаса, самогонкаса) и кадомс лямбе шобда вастс 2 недяляс.
Тя настойкать мархта шовсемс сяряди эзнетнень артритть пингста (полиартритть), а кельмофтевомста—мяштть и копорть.
Сяряди кргась—Тик ингаляция
Ингаляциянди сявондеви емла модамарь (ладяй лисьфсь и модамарень кеттне). Пидемс аф лама ведьса, штоба шиньфсь молель модамарьть эзда, а аф ведть. Можна каямс ведти 2 таблеткат валидол. Вельхтямс оцю нардамаса, комамс кастрюлять вельхксс, штоба шиньфсь поволь шамати, и тарксемс вайме шалхкова и кургова 10-15 минута. Тяда меле мадомс, штоба аф кельмомс. Кда пяк кельмофтьфтада, тиендемс тяфта шобдава и илять.

19.01.2017 №2
 
 
 

 
НОВОСТИ
 
 
 
 
 
 
 

«Сембось ушеткшни ёфксста!»

Тяддень 24-27 июньцта Мордовия Республикаса, республикань Общественнай палатать тердеманц коряс, рабочай визит мархта ульсь советскяй и российскяй содаф писательсь В.А.Бахревский.
24 июньцта Мордовия Республикань Пресс-центраса сон васетькшнесь республикань писательхнень, поэттнень и журналисттнень мархта. Васедемать вятезе Мордовия Республикань Общественнай палатать председателец, историческяй наукань докторсь И.В.Капитонов.
Васедемать ушетксста Иван Владимирович пуромфненди нюрьхкяняста азондсь писательть эряфонь и творческяй кинзон колга. Владислав Анатольевич Бахревский—советскяй и российскяй прозаик, поэт, идень писатель, драматург, публицист, критик—шачсь 1936 кизоня Воронежса. Сермадсь и нолдась иттненди и оцюфненди 30-да лама книга. Инь содафокс арасть сонь «Василий Шуйский», «Никон», «Аввакум», «Страстотерпцы» и лия историческяй романонза. Тяфта жа арасть содафокс «Дворец Золушки», «Кот в сапогах с секретами», «Первоклассник Митя и кролик Ушки-на-макушке» емла лувити ефксонза и азксонза.
27.06.2019  № 25
 

Саранскяйса казезь «Победань диктантса» сяськихнень

22 июньцта, Лятфнемань и ризнамань шиня, Мордовиять столицаса казезь «Победань Диктант»—Великай Отечественнай  войнань темас коре Всероссийскяй диктантть сяськиензон.
Сяськихнень чествовандазь 1941-1945 кк. военнай и трудовой подвигонь Мемориальнай музейса. Синь поздравляндазень и макссь питни казнет «Единая Россия» партиянь МРО-ть Секретарец, партиять Генеральнай советонц членоц Владимир Васильевич Чибиркин.
—Минь аф аньцек лятфнесаськ геройхнень, но и мяленьке шарфтомс общественностть мяленц етай шинь пелькс событиятнень лангс. Историять эряви содамс и мяляфтомс сембонди, штоба куломань канды войнась, кона сявсь 27 миллион ломанень эряф, афоль уле  вестевок. Историять содаманц касфтоманкса и героическяй етай пингть аф лац няфнеманц аф нолдаманкса «Единая Россия» партиять инициативанц коряс сембе странать эзга 7 майста етафтовсь Великай Отечественнай войнань темать коряс Всероссийскяй диктант—«Победань Диктант».
27.06.2019  № 25
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин