Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

СВЕЖАЙ ПРЯСА

Цебярь азорхнень фалу лама тевдост. Миньге председателеньконь заботадонза, кода корхнихть, целай моря. Тя и шарьхкодеви. Велень оцюняти то тя тиема, то тона арьсема, проверяма. Сяс работама сашенды ранакиге. Мзярс арьси-тии свежай пряса—пуромихть бригадирхне, фермань заведующайхне, механизаторхне. Синь председательсь васьфнесыне оржа сельмованфса. Васендакиге теенза тя эрявксни, штоба лишнай валфтома, апак кизефнек кой-конашкада шарьхкодемс, кинь кода молихть тевонза. Сяльде ушеткшни:
—Ну, азондость, ина, пичефксонтень... Пингть апак тарксек.
Тяда меле ушеткшни колхознай тефнень сембе ширде ванондомост, синь тиемаснонды сембе вийхнень латцемост.
Тячи ашезь кенере лац-ряц корхтамс пуромфнень мархта, правленияв сувась Алда баба. Сон савор ётась и лоткась председательть шранц ваксс.
—Мон тага тейть сань, сире машнефкссь, Тимофей Пнькавич...
Бабать валонзон председательсь бта афи кулезень. Сон лац содазе, мес омбоце кизось якай мельганза тя сире ломанць. Сяс комафтозе прянц и арьсесь, кода сяда маштозь атказамс.
—Сёксесь малаткшни, Тимофей Пнькавич. Сяконь учт, туйхть резняй-сетькяй кельме пизепне. А кудозень вельхксоц, кода сифтем. Лездоледе, Тимофей Пнькавич, а?—эняльдсь Алда баба.—Тинь аньцек вельхтяфтость кудозень, а питненц пандса.
—Тянь содаса, Алдакай, и монга пяк пичефтьса тонь пичефксцень,—мекпяли корхтазевсь председательсь.—Но мзярошкас тага сави учемс... Хуш тунда малас. Няк, корхтат, сексесь малаткшни эсь пиземонзон, тялось сашенды эсь кельмонзон мархта. Сяс, лядондяряйхть апак тик жуватань кардоньке—юматама. Вов семботь тянь аделасазь плотникне, эста тевське лия ули. Ся пингс, ванат, кудтивок вельхкс мутама. Сяс, Алдакай, киртть...
Аньцек прважазе Алда бабань, кальдерьгодсь телефонць. Сявозе председательсь трубкать, уфась пачканза, отвечась: «Да, да, мон... Мезе? Ширезонк?.. Пара, пара! Спасиба кулянь пачфтемда!» Тимофей Пнькавич саворне шашфтозе телефонть, стакаста куфкстась, сери и кели конястонза нардазе ливозть, корхтазевсь, бта кядьстонза пантфтсть миллион цалковай шума:
—Вага тя симонця, ялгат: ванды ширезонк арьсесь варжакстомс сонць оцюнясь. Инжись, кода корхнихть, апак учсек, а эряви васьфтемс лац-ряц.
—Тя вага да,—дивандась тракторнай бригадань бригадирське.
—Вот именна,—поладозе председательсь.—Сяс васьфтемс, корхтан, эряви честь-по чести. А кода,—тянь давайте арьсесаськ марса, мзярс нинге свежайхть пряньке.
Тимофей Пнькавич аф мяль вельде пухиезь ноляй качам. Цигарканц ёрдамда меле азозе:
—Васендакиге, сон путома квартирас...
—Тяса, пожалуй, свежай прясовок мезевок аф арьсеви,—пшкядсь фермань заведующайсь.
—Кда эсь пялот путомс квартирас тя инжить, Тимофей Пнькавич?—аф пяк надиязь азозе мяленц тракторнай бригадань бригадирсь.—Тонь шабатне аш, и теенза кивок аф шоряй. Лядыхнень, кие сай мархтонза, явсаськ эсь ёткованк, сявсаськ эсь ширезонк. Любойть ширеса туй мялезост.
Председательсь варжакстсь лангозонза. Сяльде стясь, кияксть кувалма мековасу якамста корхтась:
—Можналь тиемс тяфтавок. Но тя аф пяк пара. Сяконь пельхть—кочкярянь нолсикс луфтядязь. Монь мяльсон, прафсь сяволезе, сяка Алда бабась. Сонь кудоц казармашка. И эряй аньцек школьница уноконц мархта. Кда штамс-нардамс кудонц, горенцястонза ёрдамс разнай парьхнень и парьнянятнень, то...
—Кодамовок свежай пряса аф арьсеви сяда цебярь, шназе сонь тракторнай бригадань бригадирсь.—Аньцек куроконе эряви ладямс тя тевсь.
Председательсь куфкстсь, поладозе:
—Тяфтане, ялгат, тяфтане. Но тинь, шять, лац содасасть и тячивок кулесть, мезе ёрай тя Алда бабась? Саф оцюнять путсак пялонза, а сон, баба калафкссь, ушеды пеняцякшнема теенза. Сяс, кода арьсян, васендакиге эряви вельхтямс кудоц. Шифероньке ули, и катк, коза изь ту...
Тефне лаказевсть. Алда бабань кудса ливосьпарботмоса работасть кафкса стирьхть. Киякснень тиезь штакс, стенатнень петфнезь шпалерса. Вальмятнень лангса эвондасть панчфт. Коста-бди кандсть книга мархта этажерка. А инжиень сама шити кровельщикне вельхтязь        кудбрять, плотникне петезь крыленцять, тисть од куцемат, од ортат.
Илядень пяли квартирать ванома састь председательсь и тракторнай бригадань бригадирсь. Синь пароль мялезост, кода Алда бабань и лиятнень мархта пидесь-панць председателень рьвяське. Сон наряжаф ошеннекс. Председательсь указовась теенза:
—Тон, Марусенька, студеннятнень тиить стане, штоба улельхть, кода ёмла эрьхконят: крайгаст беряконят тик капёрняста, шурьхкяняста-мезьста.
Квартирась цебярьдонга цебярь, потмосонза разнай ярхцамбялень танцти шине.
Сембе озадонь седихть тусть правленияв. Клубть ваксса варжакстсть сянгяря брезентса вельхтяф автомашинать лангс и таяскодсть фкя вастс. Оцю букваса сёрматфть эзда лувсть:
«Кино. «Обкомонь секретарь».
Е.ТИМОШКИН.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022