Поиск по сайту: 
 

Архив
 апрель 
 2019 
пн вт ср чт пт сб вс
1234567
891011121314
15161718192021
22232425262728
2930     

 
 

 

Обо всем понемногу

19 ЯНВАРЬСТА—КЛЬХЧЯНЯСЬ

Эрь кизоня 19 январьста православнай христиаттне кенярдезь васьфнесазь великай двунадесятай праздникть—Кльхчянять. 18 январьста Кльхчянянь сочельниксь. Тя шиня фалу уленди строгай пост.
Кльхчяняста и Кльхчянянь сочельникста (аньцек кафксть кизоти!) церькавса Божественнай литургияда меле святиндакшневи ведсь. Тя тиендеви  торжественнайста ляйхненди и водоемтненди крестнай хоттнень пингста. Лятфневи Спасительть Кстиндамац. Сон Иорданскяй веттненди суваманц мархта, святиндазе марнек мирть-масторть. Ведень источникненди шупондовихть варят, сидеста крез лаца и лемневихть «иордань».
Кльхчянянь ведсь аф гасневи пяк ламос, сон кондясти симомс несколька кизода мелевок.  Тянь квалма сермадсь, кепотьксонди, IV веконь святительсь, христианскяй Церькавонь великай учительсь Иоанн Златоуст.
Святиндаф кльхчянянь ведсь лемневи «великай агиасмакс». Тя оцю святыня. Шкайти верондай ару вайме ломаттне, сявомок сонь храмста, ванфтсазь кудса. Симондихть эздонза шобдава вачень пект и сивондихть просфора пакшкя.
Кльхчянянь ведсь тевс ноляви кудонь, учреждениянь, машинань-мезень святиндамс. Кажнайти эздонк ули кода тянь тиемс: аф лама ведняса валондомс рабочай вастоньконь, квартираньконь и стак тов.  Святой ведсь штасы сембе «рдазть», канды Шкаень благодать, аруяфтсы ваймоть.
УНОКСЬ И «КОСМОСТЬ ВИЕЦ»
Белорецконь (Башкирия) 56 кизоса эряйсь морафтсь газетаса целительницань объявления. Авась надияфнесь кучемс «космость виенц» эрь ломанти. Фкя пенсионеркась макссь экстрасенсти 55 тежянь цалковай, штоба сон тиелезе нола, кальдявста тонафни уноконц еню церанякс. Недялянь кувалмоста авась ванць школьникть мельге, но полафткст ашельхть. Бабась ерась тага пшкядемс «космосонь вий» мархта авати, но ся ворьгодсь ошста. Пенсионеркась пшкядсь полицияв, мольфтеви проверка.
РУЗАВАСЬ—ТЯ КАЗНЕ
Мекольдень пингть козя китаецне сидеста ушедсть сашендома Россияв рьвянь вешема. Китайса мумс рьвя—тевсь аф теждя. Тянкса ламоц тостонь предпринимательхне тушендыхть брачнай турс Дальняй Востоку и Сибири. Рузонь рьванкса КНР-нь рьвафтома козя алятне анокт пандомс сядот тежянь цалковай. «Теест рузавась—афкуксонь казне,—мярьгсь брачнай агентсь Елена.—Китаецне кельгсазь россиянкатнень, но синь башка мяль шарфнихть сянди, штоба сай пингонь рьвятне вятелезь пряснон сетьмоста, пеедельхть и афольхть пялькста алятнень мархта».
Китаецне эняльдихть содафтомс синь сенем сельме, акша шяярь сибирячкатнень мархта, но шарфнихть мяль равжа тюсонь шяяреннетнень лангс. Стирьхнень мархта васедематне етафневихть кафеса. Но аф сембонди вийс корят рузонь рьвянянь питни ладяматне. Кой-конат вешендьсазь поласнон синць российскяй маластонь ошень ульцятнень эса. Кепотьксонди, Благовещенскяйса китаецсь морси саксофонца, штоба лангозонза шарфтольхть мяль тостонь аватне. Вакссонза табличкаса серматф: «Сетьме китаецсь вешенди рузонь стирь».
СОДАМС АШ МЯЛЕЦ…
Американецсь Джо Чэндлеронь США-са президентскяй кочкамада меле сизесь арьсемс кие сяськсь. «Тейне ашезь кирдев кяжсь, мзярда сембе кенжень порезь учсть результаттнень эса,—мярьгсь Чэндлер. Джо эняльдсь содафонзонды, штоба сят афолезь азонда, кие сяськсь. Аф содамань шись тяшкава тусь алять мяльс, што сон арьсесь кувалгофтомс тя пингть.
Тяни Чэндлеронь лемнесазь фкя и сяка американецокс, кона аф содасыне  президентскяй кампаниять итогонзон. Джо аф ванонды телевизор, Интернетса аф сувси кулянь сайтти, ульцяса нолясыне тевс наушникнень, а мяштьсонза канни «Аф содаса кие сяськсь, и аш мялезе содамс. Пожалуйста, тясть азонкшне тейне» вал мархта табличка. «Шарфнеса прязень газетнай киоскнень и ульцянь рекламатнень эзда»,—мярьгсь американецсь.
Чэндлеронь мялец аф содамс тянь колга 2020 кизоти молемс.
 

19.01.2017 №2
 
 
 

 
НОВОСТИ
 
 
 
 
 
 

МОРДОВСКЯЙ ГОСУНИВЕРСИТЕТСА ПАНЧФ УЧЕБНО-НАУЧНАЙ ЛАБОРАТОРИЯ

2 апрельста Мордовиянь Оцюнясь В.Д.Волков ульсь Н.П.Огаревонь лемса      МГУ-са, коса ванозе лекарственнай средствань технологиянь учебно-научнай лабораториять и корхнесь од ученайхнень и студенттнень мархта.
Лекарственнай средствань технологиянь учебно-научнай лабораториясь панчфоль Физикань и химиянь институтть видеса 2019 кизоня университетть и «Биохимик» АО-ть марстонь вийса. Тянкса нолдафоль пцтай 4 миллиотт цалковай (фкя миллион цалковайсь—предприятиять). Лабораториясь козякофтф тяниень пингонь оборудованияса, кона максси возможность етафнемс аф аньцек учебнай занятият, но и фармацевтическяй субстанциятнень и анок лекарственнай форматнень технологияснон анокламанц коряс научнай исследованият. Лабораторияса студенттненди ули кода пяшкодемс лекарственнай препараттнень производстваснон действующай веществать синтезонц эзда сявомок анок продукцияти молемс. Лиякс мярьгомс, тевса варчсесазь университетса получаф содамошитнень.
11.04.2019  № 14
 

1 апрельста ушедсь 2019 кизоть омбоце пяленцты газетас и журналс сёрматфтомась

11.04.2019  № 14
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин