Поиск по сайту: 
 

Архив
 июнь 
 2019 
пн вт ср чт пт сб вс
     12
3456789
10111213141516
17181920212223
24252627282930

 
 

 

Люди и дела

ТЯСА ЛЕЗДЫХТЬ СЯРЯДИХНЕНДИ

Кемготува кизода ламос работай Рузаевскяй ЦРБ-нь терапевтическяй отделенияса врачсь В.В.Собова. Вероника Владимировнань фалу оцюволь мялец покодемс шачема-касома районцонза и пяк павазу, мес тяфта и лиссь. Работамань васенце кизотне Собовати аф теждятольхть, но сон фалу старандась, тонафнесь вакссонза покодихнень эзда. Тячи Вероника Владимировна сонць арси примеркс лиятненди. Сон фалу внимательнай, лац-ряц кулхцондсы сярядить, киньге аф коласы мяленц кяжи валса.
Содаф, што пчксемась азонкшневи путф диагнозть мяльс сявозь. Пцтай сембе назначениятнень пяшкотькшнесазь медсестратне. Синь путнесазь капельникнень, тиендихть уколхт, пачфнесазь пациенттнень диагностическяй исследованияс, явондсазь таблеткатнень. Отделениянь заведующайсь А.Р.Асанова шназь корхтай медсестратнень З.Ш.Акимовать, Т.В.Макеевать, М.В.Забаевать, О.А.Охняровать колга, конат совестьс коре тиендьсазь эсь тевснон, а сярядихне лемозост фалу азонкшнихть спасибамань валхт.
Рузаевкань больницяса фалу аруши. Тянь мельге ваныхть сестра-хозяйкась Е.И.Вахмистрова, техническяй работникне Ш.Р.Овчинникова, Н.В.Ершкова, Р.А.Журавлева. Санитархне шити несколькаксть шташендсазь киякснень, нарнесазь пульть тумбочкатнень, вальмятнень лангста.
Аф кунара терапевтическяй отделениять видеса панчфоль паллиативнай отделения. Вятьсы сонь эсь тевсонза оцю профессионалсь И.П.Учватова. А пищеблоконь труженицатне О.Афросина и О.Горшкова аннесазь сярядихнень танцти обедса.
Повомок Рузаевкань ЦРБ-нь терапевтическяй отделенияв, аф сашендови пяк пичетькшнемс шумбрашицень инкса. Тяса работайхне курокста петьсазь сонь, мезенкса теест оцю спасиба!
 
В.КУДАШКИН,
Россиянь журналистонь союзонь член.

02.03.2017 №8
 
 
 

 
НОВОСТИ
 
 

Исавелети—300 киза

Эрь кизоня Тройцянь шиня Инсарскяй райононь Исавели кочксеви лама ломаньда. Тядде тяза сашендсь кафта тежянть малава инжи странать сембе уженястонза: Москуста, Санкт-Петербургста, Самараста, Краснодарста, Коми Республикаста, лия областтнень и республикатнень эзда.
Тядде вели ломаттнень пуроптозень аф аньцек Тройцясь, ня шитнень Исавелети топодсь 300 киза. Велесь козя эсь историянц, коензон, обуцянзон мархта, тяса шачсь лама содаф ломаньда. Нят: ученайсь, писательсь, драматургсь, виднай общественнай деятельсь Г.Я.Меркушкин, Мордовия Республикань Почетнай Гражданинць, Российскяй Федерациянь Президентть видеса финно-угорскяй  нароттнень сембе масторонь конгрессть спецпредставителец Н.И.Меркушкин, медицинскяй наукань докторхне В.А.Базаев и М.Д.Кузьмин, лама лия содаф ломань. Велесь инжихнень васьфтезень эсь мазышинц мархта. Тяса лама од кудта, аф кунара панчфт социальнай центра, идень сад, од ФАП, строяфт спортивнай площадкат, культурань объектт, велеть мазопнесы Шкаень кудсь. Ламонцне илас састь идьснон, унокснон мархта, ломаттне кштисть, морасть, седисна и ваймосна пяшксель кенярдемада. Фкя-фкянь мельге сцена лангста кайгсть поздравленият, илань вятихне   азондсть велеть историянц колга, лятфтазь сятнень лемснон, кит аралазь Родинать вракнень эзда. Лама велеряй фронтста ашесть мрда, максозь эряфснон минь инксонк.
20.06.2019  № 24
 

Минь поздравленияньке

13.06.2019  № 23
 
 
 
 
 

«Рузаевкаса мольфтевихть анокламатне стекольнай заводть панжеманцты»

Мордовиянь Оцюнясь Владимир Волков:
Мордовиянь Оцюнясь Владимир Волков 29 майста ётафтсь рабочай васедема Рузаевскяй райононь руководительть Вячеслав Кормилицынонь мархта. Ванондовсть территориять социально-экономическяй виияфтоманц коряс кизефксне. Тяконь лувксса корхтамась мольфтевсь социальнай объекттнень строямаснонды анокламать колга: Рузаевкаса Паровознай ульцяса 160 вастонди идень садть, Татаронь Пишляса 250 вастонди школать, фельдшерско-акушерскяй пункттнень.
Ванондовсть районца водоснабжениянь и водоотведениянь систематнень одкстоптомаснон, а стане жа «Безопасные и качественные автомобильные дороги» национальнай проектть эряфс ётафтоманц рамкаса китнень строямаснон и петемаснон коряс кизефксне. Тядде, кода отмечазе Вячеслав Кормилицын, петевихть-одкстоптовихть 13 вайгяльбень кувалмоса кит.
06.06.2019  № 22
 

Аделсеви «Мокшень правдати» сёрматфтомась

Эряскодода!
Кельгома ялгат!
2019 кизоть омбоце пяленцты «Мокшень правдати» сёрматфтомать шумордамс ляткшни аньцек кафта недялят.  И ули тячи мяленьке нинге весть азомс нюрьхкяняста: мес именна «Мокшень правда» эряви тинь семьянтенди.
Кода аф ужяль, мокшэрзятнень лувкссна стаки кири. А «Мокшень правдась» семботь тиендьсы сянкса, штоба аф нолдамс тянь. Кода ванфтомс и виияфтомс кяленьконь, культураньконь, аф юкстамс эсь коеньконь-обуцяньконь—вов мезть колга мольфтеви корхтамась сонь лопанянзон эса. Пцтай эрь номерса макссевихть материалхт мокшэрзятнень историяснон, содаф ломаньцнон колга, азонкшневи народоньконь арьсеманзон и пичефксонзон колга.
«Мокшень правдаса» макссевихть медицинскяй темас советт и рекомендацият, советт перень сёронь касфнихненди и жувата мельге якайхненди. Эрь номерса ули юморонь и сатирань уженя, рузонь кяльса печатлакшневихть недялянди ламоц телевизионнай программатне.
«Мокшень правдась» республиканскяй газетатнень эзда фкя инь интереснай и уцез газетась. Сон нльне сяда уцез ламоц «районкатнень» коряс.
Теенза тяшфтемать питнец:
6 ковонди—336 цалковай,
3 ковонди—168 цалковай.
Газетать индексоц П4719.
 Эряскодода почтав. Тоса учихть эсонт. Пингсь содай ётаманц.
06.06.2019  № 22
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин