Поиск по сайту: 
 

Архив
 ноябрь 
 2018 
пн вт ср чт пт сб вс
   1234
567891011
12131415161718
19202122232425
2627282930  

 
 

 

Люди и дела

ТРАКСНЕ ПОТЬНЕВИХТЬ РОБОТТНЕНЬ ВЕЛЬДЕ

Сембе агрегаттне тёждят эксплуатацияса, ванфтсазь электроэнергиять, отечественнайхнень коряс карьхцне ламода сяда ёмлат, пяк цебярь санитарнай установкань системась. Помещениятне строяфт нюрьхкяня пингста, уцезста.
Роботса лац сотцевихть андомань технологиятне, концентраттнень качествасна, дозировкасна. Специальнай манипуляторсь шташендсыне тракснень одарснон, автоматическяй лазернай установкась лац урятцесыне лофцта пяшкотькшневи стакаттнень.
Браузернай технологиять вельде сотцеви жувататнень прянь вятемасна. Жувататне кирдевихть апак сотнек. Робот вельде потьнемать траксне ётафнесазь эсь мяльснон коряс. Станокненди сувсихть снярда, мзярда сашенды эрявикс пингсь. Стане жа якайхть ярхцама, ваймама.
Сергей Николаевич Лебин тя тевса кенерькшни ськамонза—сон фермань заведующай, техник-осеменатор. Сембе работань пингоц—тракснень и компьютерть ваксса. Инь главнайсь тяса ся, штоба жувататне синць малаткшнельхть роботти. Тянкса станокти малаткшнемста макссевихть концентрированнай сяда танцти кормат.
Тяфтама чудо-техникать вельде полафневи кядь вельдень трудсь, машинась сембе операциятнень сявондьсыне эсь лангозонза. Тянь вельде районца лофцонь получамась сяда касы.
В.ЕРЁМКИН. 

02.03.2017 №8
 
 
 

 
НОВОСТИ
 

УШЕДСЬ «Шумбрат, Мордовия!»—«Vivat, Чемпионат!» ФЕСТИВАЛЬСЬ

25.10.2018  № 42
 
 
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин