Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

СВАДЬБАСЬ КШТИСЬ И МОРАСЬ

Фкя пиле Гришать колга Шавача велеса корхтайхть тяфта:
—Срхкась малав, пачкодсь Шалав.
И тя афкукс тяфта. Рьвац кизефнесы:
—Гриша, коза молят?
—Молян кумозень пяли корхнема.
Тя ульсь шобдава. Тусь и, мярьгат, эшис ваясь. Аш самац. Настац учсь, учсь и тусь вешендемонза. Етазень сембе кумонзон-кумаванзон, шабранзон-кудаванзон, аш косовок аля ваймоц. Иляденди ускозь алашаса Коцькарга велеста. Мамаф сатомшка, пильге лангса аф кирди. А сонць сиде моронят морай:
Гришань шиц удалась,
Колма сюлекат мамась.
Нинге ерась симондемс,
Лима-сюнокс тиендемс.
Опа! Опа!
Гриша золод лопа.
Гришарять учсемс
мялец мольсь,
Оцю цюгун лямоц кольсь.
Велесонк моли славась,
Наста пяк
удалаф авась.
Кяльсонза пикст кодай,
Сяпинь таньф аф содай.
Ну и мезе, ну и мезе,
Што удалаф монь рьвязе,
Пяк ни кяжень панды,
Стопканя аф канды.
Седи сон аф солафты,
Аньцек сюци, тонафты.
Аф кельги рьвакс тиенди,
Ведьмакс кудса лиенди.
Наста тянь кулезе.
—Ах, лима-сюна, винань сюдоф. Мон нинге аф цебярян. Лиясь кунара ни сязенделезе шамацень тяльмоса, афоль эря мархтот фкявок ши. А мон кирдян, мяльцень ванца, сюцян-тонафтан эсот.
Косолеть шиньберьф, крга урма ацалензе?!
—Коцькарга вели якань, Сема ялгазень варжама.
—А тушендоть кумцень пяли.
—Кумозень пяли местема молян?! Кие тоса тейне канды. Стопканянкса сонць кати-месенди, а Сема пара алясь! Афкуксонь ялга.
Пингонь етазь рьвяясь фкя пиле Гришать церац. Настанди латтань апак аст, тердсь гульбас пяле веле. Наста тняра радня ашезь терне, мзяра инжи сась Гришань ширде. Авати нльне кальдяв арась.
—Тон мезе тяфта тиеть?—кизефтезе мирденц.
—Мезевок аш.
—Кода мезевок аш? А нятнень кие тернезень гульбас?
—Кивок аш. Синць састь.
—Ах, кивок аш! Эста кодак  састь, стане и туйхть. Копорьда лихтьсайне ульцяв, оду содасазь, кода апак тертть сашендомс.
—Аф эрявихть панцемс. Синь монь ялгане.
—Ульцяса, сюлека ваксса тонь ялгатне, а тяса цераньконь пара вастоц. Синь вастсна тяса аш.
Наста, конешна, аньцек эвфнесь. Киньге ашезе пане свадьбаста. Мзярда кайгозевсь весяла музыкась, Гриша мархта Гришарясь комотсть гармониять каршес кштима. Лиссь кштима и    Настань авозец, Унду баба. Цёрань рьвяяфтысь ушедсь сиде моронят:
Эх, Гриша, поланяй,
Ащелеть рьвафтома
Комсь кафксува кизоса,
Кадомайть пейняфтома.
Инжихне «хэ-хэ-хэ» да «хэ- хэ-хэ».
—Ва Наста Васильна! Ва казезе аля ваймонц.
—Ожу нинге, тя аф сембе.
Авозезе фалендай,
Нинге кемонь потяфтоль.
Гриша цёранц шачфтомда,
Эштерь киза ётафтоль.
Кштимонга маштан,
Морамонга маштан.
Аф поваднай мирдть эзда,
Оду итть аф раштан.
Эхи весяласта ётась Шавача велеса свадьбась. Пара кулясь мольсь колганза куватьс и пачкодсь пяк ичкози.
И.ВЕШКИН.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022