Поиск по сайту: 
 

Архив
 ноябрь 
 2018 
пн вт ср чт пт сб вс
   1234
567891011
12131415161718
19202122232425
2627282930  

 
 

 

Юмор и сатира

МАРЯ И ДАРЯ

Эрясь-ащесь эсь кудсонза
 Маря,
Эрясь-ащесь эсь кудсонза
 Даря.
Ульсть ня бабатне
Най пара ялгат.
Но сась пинге, и ялгатне
Сялгадсть.
Дарянь садста
Фкя марлюста марьхне
Марянь садозонза кеворезь
Прашендсть.
Маря кочксезень—
Марьхне пяк танцтихть.
Даря няезе и кяженза
сашендсть.
Бабатне сялондсть—
Ялгаксшить синнезь.
Спорясть и спорясть:
«Марьхне нят киннет?»
Даря мярьгсь: «Моннет!
Монне вдь марлюсь!»
«Прасть монь ширезон,
Сяс и аф тоннет!»—
Корхтась теенза Марю.
Ашель мяльсна бабатнень
Фкя-фкянь кулемс.
Арьсесть бабатне
Тюремс.
Кие сяськи,
Марьхневок сяннет.
Кочкайть кептерьс,
Кудозтка каннить.
Кода ладяфоль, стане
и тисть:
Маря и Даря тюрема
 лиссть.
Марязе велесь кулять тянь
 курок,
Ванома сембе
Ульця пети пуромсть.
Сарма ляйнянять туркс
Ётнемс ладяфоль шочка.
И тя шочкть лангса
 тюрсть
Кафта бабатне боксса.
Кафцьконь кядьсна ульсть
 щафкат
Уча кедень перчаткас.
Вачкасть фкя-фкянь—
Коза кядсь саты,
Вачкасть фкя-фкянь—
Коняти, шалхкти.
Вачкасть хуш кемоста,
Сембе сяка
Кафцьке нардьста кирдсть
Эчке шочкть лангса.
Лангозост ваныхне
кядьснон
Цяпасть.
Тюрсть мес отькорьста,
Сембе шназь тянкса.
Финцне юватькшнесть:
«Тят макса пря, Маря!»
Омбонцне пешкодсть:
«Тук инголи, Даря!»
Маряньке лама вий
Эсь кядьсонза мусь.
Лямняда ярхцсесь,
Кона ульсь салу.
Сяс и вачькотьксоц стака
Ульсь,—
Кучезе Дарянь нокаутс.
Ашезь кирде шочкть лангса
 ни Даря,
Сарма ляйти сон алубрят
 чопафтсь.
Тяфта и сяськозе Маря,
Сяськозе—седиенц
топафтсь.
Даря, шять, прянек-
пильгонек
Ваяль,
Да юмама сонь ашезь када:
Комотсть инксонза
И таргазь алят,
Ускозь ляйста сонь
Лафтубряда.
Путозь бабать шуварнять
 лангс.
Сембе теенза лездомс
 ёрасть:
Авась фкясь кургозонза
Кожф уфась,
Алясь фкясь ёрась
серьгядемс
«Скорай».
Малазонза мольсь сяськиец
 Маря
И кундазе лафчемф кядняда Дарянь.
«Баба ялганяй,
простямак!»—пшкядсь.
Даря мзолгодсь
И пильге лангс стясь.
И люпштазе Марянь
кяденц—
Валдомсь.
Тага арасть
Фкя-фкянь кельги ялгакс
Кафта бабатне…
Синь мирендасть—
Куду серцек, фкя-фкянь кирдезь
Састь.
* * *
Физкультурань од учительсь Сёма
Кочкась пукшу кядь
Пяк отькорь церат,
Пялькстомаса
няфтельхть эрьгя
Конат,—
Анокламс боксерхт
Синь эздост ерась.
Арьсесь Сёма, ськамонза аф
 саты
Асувоц тя тевти оттнень
 пезфтамс.
Надиясь сон—
Теенза ётть максыхть
Марянь мархта Даря,
И, шять, лездыхть.
Сиретне катк тонафнесазь
 оттнень,
Кода рингса нардьста
Ащемс-улемс,
Кода ялгань каршес кяж аф сотцемс,
Кода боксса
Афкукс парста тюремс.
* * *
Музень Сёма бабатнень эсь садсост,
Ашель етксост
Кодамовок перяфкс.
Налхксесть-шарондсть
Уноксна синь вакссост,—
Ваномс бабаснонды
Мельгаст эрявсь.
Кода бабасна, и синьге
Боксса тюрема ни
 маштсть.
Кядьсна, мярьгат,
Китнезь китнесть,
Фкя-фкянь эрьхнесть пиле
 ваксс.
Бабасна синь курок кардазь:
«Лоткатада али аф?»
Нинге емлат—шалхкснон нардазь,
Аньцек синьге ульсть ни
 шнафт.
Афи фатят, кода максы
Теест ки эрь шинь
просторсь.
Арайхть космонавтокс,
серонь касфникс,
А кой-конат и боксеркс.
Сёма ащесь
Сиренятнень еткса,
Теенза макссть
Аф фкя кептерь ень:
Кодане аф пелезь тюремс
Боксса…
Каванязь и танцти марьда
 сонь.
* * *
Шитне етнесть, ашезь лотксе пингсь.
Аноклась боксеронзон
Минь Сёманьке.
И вов кафттнень
лихтезень сон
Рингс…
Сельмонь тетькозь
ванондсть
Ломаттне.
Ёндолкс ушедсь вишке
тюремась.
Эрьхнесть фкя-фкянь—
Шалхкти, сельмокабати.
И мзярда фкясь изь кирде—
Прась,
Сельмоведьснон нарнезь
Кафта бабатне:
Дарянь мархта Маря—
Пара ялгатне.
Праф боксерсь
Ульсь теест пяк ужяль.
Эняльдсть Шкайти—
Сяда курок стяль.
Стясь, а сяськись
малазонза
Сась…
Кафцьке од боксерхне
Фкя-фкянь ктмордасть.
 
А.ТЯПАЕВ.
 

 

27.03.2017 №11
 
 
 

 
НОВОСТИ
 

УШЕДСЬ «Шумбрат, Мордовия!»—«Vivat, Чемпионат!» ФЕСТИВАЛЬСЬ

25.10.2018  № 42
 
 
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин