Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

КЕЛЬГОВИ ИНЖИ ЭРЬ КУДСА

Тядде «Мордовия» ГТРК-нь национальнай вещаниянь «Сияжар» редакцияти топоди 25 киза. 1992 кизоня журналисттне васенцеда лиссть эфиру тядянь-алянь кяльса передача мархта. Ламотне ашесть веронда сянди, што Россиянь каналса (компаниясь лувондови филиалкс) кармайхть кайгома эсь кяльсонк морот, стихт, латцевома сценкат, етафневома эрь-кодама конкурст, викторинат. Но тяфта лиссь, и тя арась оцю казнекс мокшень и эрзянь ваныхненди.
«Сияжар» редакциясь аф панци сенсациятнень мельге, сонь целец вешемс интереснай герой. Эфирс аноклаф лама сядот передача и очерк велень учительхнень, велень хозяйствань труженикнень, культурань и искусствань работникнень, машты кядь ломаттнень колга. Республикаса стака мумс стама уженя, коза афольхть пачкоде «Сияжарть» корреспондентонза. И сембе вастова лямбе васедемат, мокшень пачат, поза, морот, кштимат… Кода вятевихть велень тефне, кода етафнесазь пингснон сят, кит туфт пенсияс, кодама шарьхкодемась администрациять ширде—сембось тя хуш мекольдень пингть аф сяшкава сидеста, но мушенды васта программать сюжетонзон эса.
Разнай нациянь ломаттнень еткса ялгаксшинь ладямась, фкя-фкянь шарьхкодемась, фалу ульсь и ляткшни редакциянь журналисттненди васенце вастса. Тянь эзда ушеткшни «Сияжарть» эрь рабочай шиц. Нльне сембода емла информациясь, кона азонды нароттнень ялгаксшиснон колга, эфирса маряви башка лямбоста.
Кеме соткст кирни «Сияжар» редакциясь ширеса эряй мокшэрзятнень мархта. Тя пингста передачат аноклафтольхть Башкирияса, Самараса, Пензаса, Чувашияса, Алтайса, Эстонияса эряй кяльс коре радняньконь колга.
Мекольдень кизотнень «Сияжар» программаса ламось полафтсь. Мелянь апрельста сявомок лиякс ладяф вещаниять версткац, кармась макссевома сяда лама информация. Ваныхнень лувксснон касфнеманкса, «Финно-угорские вести» рубрикать рамкаса кармасть лисендема сюжетт финно-угорскяй региоттнень эзда. Ладяфт кеме соткст ВГТРК-нь филиалхнень, «Финно-угорский мир» тележурналть редакциянц мархта.
Мрдамок ялгаксшинь темати, кона, кода ни азоськ, занци башка оцю васта «Сияжарть» работаса, аш кода аф азомс, што меля сявсь ушеткс «Туган як» программась, кона лисенди татаронь кяльса. Ся, мезень колга пачфневи передачатнень эса, арси мялень салайкс кода эряфкшуфненди, стане и од ваныхненди.
Ефси аф кунара «Россия 1» телеканалса национальнай вещаниять рамкаса тевс сувафтфоль «Корхтатама мокшень и эрзянь кяльса» эсь лацонь образовательнай медиапроектсь. Ошень школань тонафтыхне эфирса кармайхть етафнема мастер-класст сембонди, кинь ули мялец содамс Мордовиять государственнай кялензон. Тонафнемань кизоть аделавомс арьсекшневи анокламс 15-ть малава мастер-класс. Тяда башка, эфиру лиссь национальнай кяльса «Интервью» программась.
Кода корхнихть, эрь тевса ламось ащи коллективть эзда. Тяконь ули кода азомс и «Сияжарть» колга. 25 кизоста редакциянь коллективсь полафнесь аф весть—финцне тушендсть пенсияс, омбонцне етнесть работама газетав, журналу… Но кие афоль покоде тяса, сембе синь эсь национальностень кельги ломатть, конатнень седисна фалу пичеди минценнеть ванфтоманкса. Тячи информационнай и тематическяй программатнень эфиру аноклакшнесазь асу журналисттне Петр Капков, Елена Полшкова, Марина Паракшина, Ольга Чернова. «Корхтатама мокшень и эрзянь кяльса» проектть вятьсы Александр Данильчев. «Сияжар» радиопередачать эрзянь кяльса вятьсы Лина Буянкина, мокшеннеса—Дмитрий Асташкин. Программатнень анокламаснон лангса работайхть кафта режиссерхт. Эрь недялять национальнай вещаниянь отделонь коллективсь аноклакшни кафта тематическяй передачат и сисем информационнай выпускт.
25 кизоста «Сияжар» программась арась пара ялгакс республикань тежятть эряйти и катк синь лувкссна касонды сяда товга. «Мокшень правда» газетать коллективоц седи ваксста поздравляндасы «Сияжарть» 25 кизонь топодеманц мархта! Катк сон сяда товга кеняртьфнесыне ваныхнень мялень салай передачаса. Журналисттненди од сатфкст и сембе цебярть!
 
О.ЕВДОКИМОВА.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022