Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

ЭРЯВИХТЬ ЛЯТФТАМС СЕМБОНЬ ЛЕМСНА

«Эряфсь макссеви весть» тяфта лемдезе очерконц содаф ученайсь М.Г.Имяреков Мокшень Мазканянь поэтть А.М.Кудашкинонь колга «Писательсь и эряфсь» книгасонза (Саранск, 1992 к.). 2017 кизонь августста теенза топодель 90 киза. Сонь лемнезь «Мокшень Мазканянь Островскяйкс» и етай веконь ведьгемонце, кодгемонце кизотнень лемоц кайгсь мокшэрзянь литератураса, стихонза печатлакшневсть «Мокша» журналса, «Мокшень правда» газетаса. Сон касфтсь кафта поэтт—М.Г.Имярковонь, И.Н. Кудашкинонь. Андрей   Матвеевич стакаста сярядсь, ашесть яка пильгонза, сидеста васта лангсоль. Но кудсонза ломаттне ашесть машне. Финцне сашендсть советонкса, эняльдема мархта, омбонцне—стихонь кулхцондома. Аф ваномок эсь сярятьфонзон лангс, А.Кудашкин аньцек эрямстонза      (эрясь сон 35 киза) нолдась стихонь ниле сборникт «Панжихть саттне» (1952 к.), «Паваз» (1958 к.), «Смелай церокш» (1962 к.), «Нурдоняса» (1963 к.) лем ала. Ветецесь «Расав шобдава» лем ала лиссь куломдонза меле. Но мес-бди лиссь стане, што сонь лемоц косовок аш. Аш аф ингольдень справочникнень эса, аф тяниень кафта томса книгаса.
Монь землякозе, репрессированнай поэтсь В.А.Волков лама пинге эрясь Сочиса. Но сермадсь сон мокшень кяльса, пильгонек-прянек мокшень поэт. Сермадсь и прозаса. Стихонза, азксонза печатлакшневсть национальнай изданиятнень эса, марстонь стихонь сборникнень эса. Нолдась лама стихонь и прозань книга. Сочиса эрязьге сон кирдсь кеме соткст шачема уженянц мархта, серматфнесь «Мокша» журнал и «Мокшень правда» газета. И мзярда ня изданиятнень ашезь сувафта Российскяй каталогти, Василий Афанасьевич юмафтозе вень удоманц.
—Тяни месендян?—фалу тяшнесь редакцияв кучф серманзон эса.—Синьфтемост тейне аш эряф. Мон аф карман содамонза, мезе тиендеви шачема крайсон, кодама од произведеният лиссть книжнай издательстваса, мокшень кяльса изданиятнень эса.
Почта вельде, сермаса и бандерольса кучсесть редакциятне газетат и журналхт. Вов тяфтамоль ломанць Василий Афанасьевич. Сембе творчестванц пачк етай оцю кельгома сембе минценнети, мокшеннети. Аф стак стихонза сувафтфт тонафнема книгатненди. Иттненди азонкшневи творчестванц колга школаса. Сермадыхть рефератт, курсовой и нльне дипломнай работат училищань, вузонь студенттне.
Аш кафта томса справочникса и М.А.Кяшкинонь, Ельниковскяй райононь Мокшень Пашад велеса шачф писательть и журналистть лемоц. Теенза комсь кизоль, мзярда ушедсь Великай Отечественнай войнась. Тюрсь фашисттнень каршес 1941 кизоста сявомок 1945 кизоти молемс. Войнать ушедомац Михаил Андреевичень сатозе Брестскяй крепостьса. Тюрсь фашисттнень каршес Гомель ошть араламста, ульсь Брянскяй фронтонь бойхнень эса. 1945 кизонь 13 мартста Одер ляйть маласа вишке бойхнень пингста стакаста ранендафоль, ламос пчксесь госпитальса. Тяда меле прважазь Саранскяи пчксема. 1945 кизоста сявомок Мокшень Пашадонь церась эрясь Саранскяйса. 1947-1968 кизотнень покодсь «Мокшень правда» газетаса промышленностень и транспортонь отделонь заведующайкс, 1968-1981 кизотнень —Мордовскяй АССР-нь Гостелерадиоса. Тяста и тусь пенсияс.
Сёрмадома ушедсь нинге войнада инголе. 1938 кизоня «Колхозонь эряф» журналса лиссь «Варма веня» васенце рассказоц. А 1940 кизоня лиссь «Тюрема» повестец, кона азонды велеса коллективизациять колга. Но кода писатель Михаил Андреевич няфтезе прянц ётай веконь ведьгемонце кизотнень ушетксста. Мордовскяй книжнай издательстваса лиссть «Эряфть кельгомац» (1951 к.), «Тяшттне ваныхть мокшети» (1953 к.), «Цёфксне морайхть» (1958 к.) книганза. Сяльде лиссть «Курссь—Родинась» повестец Советскяй Союзонь Геройть М.П.Девятаевонь подвигонц колга, «Мзярда перьфкат ялгат» (1962 к.), «Толонь вармать каршес» (1983 к.) рассказонь сборниконза. Мекольце сборникоц лиссь ёфси куломдонза инголе.
Ашине му «Писатели Мордовии» кафта томса справочникста Е.С.Тимошкинонь лемонцка. Егор Сергеевич сувась   мокшэрзянь литературав кода рабочай поэт. Стихонь васенце сборникоц «Седись морай» лем ала Мордовскяй книжнай издательстваса лиссь 1960 кизоня. Тяда меле лиссть «Лямбе валхт и оржа налхт», «Панчфт и палакст», «Заря ланга», «Атёкш-тюрибокш» книганза. 1982 кизоня башка лиссь «Маря» повестец, «Васедема» марстонь сборникса печатлафт пеетьфти азксонза.
Егор Сергеевичень монга содайне пяк лац. Аф весть васьфнеме. Тейне удалась улемс и Егор Сергеевичень шачема уженясонза—Темниковскяй райононь Од веленяса (Ивановкаса). Улень шачема-касома кудсонза, корхнень брадонц Фёдоронь и сонь рьванц Татьянань мархта. Синь лятфнезь, кода поэтсь сашендсь куду, конашкава кельгозе шачема ширенц, велень ломаттнень, а велеряйхне—сонь. Оцю мяльса лувондозень стихонзон, содафнезень ломаттнень творчестванц мархта. Ламотнень кядьсотольхть сонь книганза. Морафтыхне Егор Сергеевичень кельгсазь, содасазь творчестванц, ашезь юкста сонь и мзярдовок аф юкстасазь. Тянди кепотьксокс корхтай и ся, што Темникавонь центральнай районнай библиотекаса лемозонза ётафневихть илат. Ёфси аф кунара лятфнемань илядь ётафтовсь и Мокшень Козловкань средняй общеобразовательнай школаса. Тя велеса эряйхть поэтть сазороц, племянницанза.
Минне поэтсь П.Н.Черняев. Сон шачсь Торбеевскяй райононь Лопатина велеса. Лама пинге эрясь Лобня ошса. Казахскяй поэтсь Б.Исхаков азозе тяфта:
—Пётр Черняевонь моронь ваймоц. Кельгсы Мордовиять, стихонза-валонза афкуксонь патриотонь!..
Тянь мархта аш кода аф согласиндамс. Аньцек Нина Маркова морасыне сонь «Пайгоня», «Ой, шумят сады вишнёвые», «Земля мордовская», «Край, мой край» и лия моронзон. Учёнайсь М.Г.Имяреков «Писательсь и эряфсь» книгасонза тяшти: «П.Н.Черняевонь сембе поэзияц пяшксе патриотизмань темада, эрь стихоц—цебярь мора, эрь мороц—шачема крайть, велеть, Родинать колга целай поэма».
Сон сёрмадсь и рузонь, и мокшень кяльса. Моронзон морсезь Л.Зыкина, О.Воронец, Е.Шаврина, Пятницкяень лемса, Уральскяй и Севернай рузонь народнай хорхне. Работась тяфтама содаф композитор мархта, кода Г.Пономоренко, А.Аверкин, Е.Родыгин, лиятне. Лиссть «Чивгоня-чивгоня», «Сяван кядезон гитара», «И это мой август», лия книганза.
А мзяра цебярь книгада нолдась содаф учёнайсь, литературоведсь А.В.Алёшкин. Нят «Земля родная песни мне дала», «Арьсемат» и лият. Аш сонга «Писатели Мордовии» кафта томса справочникса.
Учан и надиян, што сай справочниконь аноклайхне сявсазь мяльс тя афсатыксть, лятфтасазь мокшэрзянь крайса шачф-касф сембе писательхнень и поэттнень лемснон. Кивок аф эряви юкстамс.
Илья ВЕШКИН,
Россиянь Писателень союзонь член.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022