Поиск по сайту: 
 

Архив
 декабрь 
 2018 
пн вт ср чт пт сб вс
     12
3456789
10111213141516
17181920212223
24252627282930
31      

 
 

 

Национальная тематика

«Якстерь тяштеня» и «Чилисема» журналхненди—85!

МОКШЕНЬ И ЭРЗЯНЬ ИТТНЕНЬ ПАРА ЯЛГАСНА
Тядде «Якстерь тяштеня» и «Чилисема» идень журналхне отмечазь эсь 85 кизонь юбилейснон.
1932 кизоня Саранскяйса лиссь «Якстерь тяштенять» васенце номероц и кармась пачфневома мокшень велева. Эста журналсь ульсь аф тяниеннеть лаца: шуваняняль, эсонза кржаль рисункада, фотографияда. Но, аф ваномок тянь лангс, сонь лисемац арась иттненди оцю кеняртьксокс. Сон кошардозень стирнятнень-церанятнень стихонь, азксонь сермадома. Од тяштихнень лувкссна кассь шиста-шис. Эсь творческяй киснон «Якстерь тяштеняса» ушеткшнезь тяфтама содаф поэттне и писательхне, кода Илья Девин, Александр Малькин, Михаил Сайгин, Григорий Ельмеев и ламотне лиятне. А васенце редакторкс журналти ульсь Н.С.Шотин.
Лама зиянда сембе вастова кандсь Великай Отечественнай войнась. 1941 кизоня лоткась нолневомда «Якстерь тяштенясь». Лувиензон мархта меки васедсь сон аньцек 1964 кизоня. Васенда «Мокша» журналса лисендсь идень раздел, а 1988 кизоня «Якстерь тяштенясь» кармась нолневома башка изданиякс. Редакторонь тефнень сявозень эсь лангозонза А.Ф. Ежов, меле—Г.И.Пинясов. Пцтай кемонь кизот ни журналть вятьсы Вера Ивановна Брындина.
Тячи «Якстерь тяштенясь»—тяниень пингонь, содержанияс коре козя и иллюстрациянь ширде мазы издания, кона лисенди эрь ковня. Эсь кяльса-валса нолневи журналть эрь номеронц оцю кенярдема мархта васьфнесазь аф аньцек Мордовиянь шабатне, но и лия региононь ёмла лувихне. «Якстерь тяштенясь» пачфневи Ульяновскяй, Нижегородскяй, Самарскяй, Челябинскяй, Омскяй областтненди, Башкортостан, Чувашия, Татарстан республикатненди, Камчаткав, Дальняй Востоку и лия вастс, коса эряйхть мокшень ломаттне. Улихть журналть тяштьфниенза Венгрияса, Финляндияса и Эстонияса.
«Якстерь тяштенять» эрь номероц козя аф фкя лацонь материалса. Сонь лопанянзон лангса лисендихть заметкат шачема масторть историянц, содаф ломанензон колга,  макссевихть финно-угорскяй народонь ефксне, мокшень и эрзянь авторхнень азкссна и стихсна, иттнень тяштьфсна. Эрь номерса улихть валмуворкст, пеетькс пакшкат, налхксемат. Башка оцю мяль шарфни тя изданиясь патриотическяй воспитанияти. Журналсь аф весть лисендсь сяськикс аф фкя лацонь всероссийскяй и республиканскяй конкурснень эса.
Эряви азомс, «Якстерь тяштенять» пара мяльса учендсазь аф аньцек стирнятне-церанятне, но и синь тонафтысна. Национальнай тя изданиясь арси цебярь лездыкс мокшень кялень и литературань учительхненди, идень садонь воспитательхненди.
«Якстерь тяштенясь» лама тиенди од лувихнень эса творческяй асушинь цятконять крьвяснеманкса. Журналсь арась эсь лацонь кузенцякс од тяштихнень анокламаса.
Эрь тевса ламось ащи коллективть эзда. «Якстерь тяштеняса» покодихть мокшень кялень и культурань  кельги ломатть. Минценнети кельгомаснон старандайхть пачфтемс шабатнендивок. Седиень-ваймонь путнезь работайхть стирнятнень-церанятнень тяштьфснон лангса: петнесазь эльбятькснень, виияфнесазь лафча вастонятнень.
Журналть смекаензон-арьсиензон лемс лама пара вал азфоль «Якстерь тяштенять», а стане жа «Чилисема» эрзянь кяльса лисенди идень журналть 85 кизонь топодемаснонды лемтьф торжественнай пуромксса, кона ня шитнень етафтовсь Мордовия Республикань Пресс-центраса. Мордовиянь Оцюнять аф оцю пингс тевонзон тиендиснон В.Д.Волковонь лемста изданиятнень коллективснон поздравляндазень МР-нь Оцюнять Администрациянц Информационно-аналитическяй Управлениянц начальникоц А.Н.Беспалов. Алексей Николаевич китькстазе журналхнень оцю путксснон од поколениять касфнемаса.
МР-нь Государственнай Собраниять Председателенц заместителец И.М.Москаев отмечазе, што сембе пинкнень мокшень и эрзянь ня изданиятне лезнесть тонафтыхненди и тонафнихненди мокшэрзянь кяльхнень содамаса.
Мордовия Республикань печатень и информациянь министрсь В.А.Калугин арьсесь «Якстерь тяштеня» и «Чилисема» журналхненди сяда товга улемс мялень салайкс и лувихненди кельговикс. Мокшень и эрзянь кяльса лисенди идень журналхнень лемс лямбе валхт тя шиня азсть Мордовиянь культурань и национальнай политикань министрть васенце заместителец А.И.Карьгин, Мордовскяй (мокшень и эрзянь) народть Межрегиональнай общественнай организациянц председателец Ю.А.Мишанин, организациять Исполкомонц председателец А.С.Лузгин и лиятне. Сембе синь китькстазь изданиятнень мокшень и эрзянь литературнай кяльхнень ванфтомаса оцю путксснон.
Журналхнень эса покодихне казьфтольхть оцю казнеса, а редакциятне Мордовиянь Оцюнять аф оцю пингс тевонзон тиендиснон В.Д.Волковонь эзда получасть од автомобильхть.
О.ЕВДОКИМОВА.

04.05.2017 №17
 
 
 

 
НОВОСТИ
 
 

Единороссы Мордовии направили свои предложения для работы на предстоящем Съезде Партии

Обсуждение предложений, направленных на совершенствование основных принципов работы  партии  и повышении ее роли в современном обществе, прошло в ходе  региональной  партийной  дискуссии «Обновление -2018»,   которая состоялась 16 ноября в Саранске. Дискуссия  объединила   четыре  тематических блока,  касающихся обновления партии и создания эффективной политической организации; повышения коммуникаций и  взаимодействия с общественными институтами; технологических подходов в избирательных кампаниях и в межпартийной конкуренции; реальных  дел в решении проблем  конкретных людей  и  развития   всех сфер жизни общества. Итогом  стало пленарное заседание, в ходе которого была обобщена работа дискуссионных площадок  и рассмотрены наиболее интересные предложения, прозвучавшие в ходе обсуждений.  Лучшие из них  направлены   Региональным  отделением   «Единой  России»  в   Центральный исполнительный комитет Партии для обсуждения  во время работы    площадок первого дня Съезда Партии.  В ходе  региональной дискуссии был представлен широкий спектр мнений  по  вопросам, касающимся  сохранения  доверия к партии избирателей и повышения эффективности работы партийных структур.

 

20.11.2018
 
 
 
 
 

УШЕДСЬ «Шумбрат, Мордовия!»—«Vivat, Чемпионат!» ФЕСТИВАЛЬСЬ

25.10.2018  № 42
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин