Поиск по сайту: 
 

Архив
 ноябрь 
 2018 
пн вт ср чт пт сб вс
   1234
567891011
12131415161718
19202122232425
2627282930  

 
 

 

Тема дня

«Тинь ся войнаса иттнень и тядятнень и марнек странать эсь мархтонт кяшесть…»

19 апрельста Боевой и трудовой славань Республиканскяй музейса ётафтфоль оцю пуромкс: «Мялямонь и Славань книга. «Советскяй Союзонь Герой» лемти азфне» изданиять презентацияц. Тянди республикань краеветтне, поисковикне и сотрудникне анокласть ламос. Синь кочказь Мордовияса ся шачфнень-касфнень—Великай Отечественнай войнань участникнень колга питни материалть, конат тя или тона туфталонкса ашезь получа странать инь оцю казненц—Советскяй Союзонь Героень лемть эсь подвигснон инкса.
«Поиск» Мордовскяй республиканскяй патриотическяй объединениять руководителец и 1941-1945 кизонь Военнай и трудовой подвигонь Мемориальнай музейть директороц Н.А.Кручинкин предисловияса азозе: «Геройхне аф кулсихть, колгаст мялямсь эряй фалу, синь лемсна сембе пингс сувафтомат народнай мялямти! Ламотне сятнень эзда, конатнень колга пачфневи сборникса, синцьке ашезь сода, што азфтольхть Героень лемти, месть ни корхтамс унокснон и идьснон колга, сембода сидеста тяфта улендсь, кда ломанць шавовсь. Сяс информациясь саласыне и раднятнень, и землякнень мяльснон».
Тейнек, Ковылкинскяй муниципальнай райононь делегацияти, конанди сувсесь 1№ гимназиясь и Советскяй Союзонь Геройть М.Г.Гуреевонь лемса СОШ-сь, пара ульсь кулхцондомс фронтонь участкатнень эса боецоньконь воявамаснон колга.
Пуромксонь ётафтыхне тердезь презентацияс Советскяй Союзонь Героень лемти азф 118 воиттнень кой-кона радняснон. Ётксост ульсть Ковылкинскяй райононь эряйхть. Токмовскяй СОШ-ть директороц В.В.Савочкина и сонь семьяц тертьфтольхть ниле браттнень Рожкофнень инкса. Сембе браттне воявасть разнай фронтса. Фкясь эздост Вера Васильевнань аляц, а омбоцесь, Владимир, азфоль Героень лемти. Тертьфоль Паньжаста Г.И.Савкина, конань аляц Иван Павлович Глазков мрдась войнаста Героень лемфтома.
Пуромксти сашендсть инжихть Самараста, «Лира» творческяй объединениянь члеттне, конат няфтезь «Минь бессмертнай полконьке» стихонь и прозань сборникть. Эсонза максфт ся ломаттнень произведениясна, конатнень раднясна ётазь войнать.
Тя сборниксь казьфоль сембонди, кит ульсть презентацияса.
 
И.П.Малышева,
 «Советскяй Союзонь Геройть М.Г.Гуреевонь лемса Ковылкинань СОШ» МБОУ-ть воспитательнай тевть коряс директорть заместителец.

04.05.2017 №17
 
 
 

 
НОВОСТИ
 

УШЕДСЬ «Шумбрат, Мордовия!»—«Vivat, Чемпионат!» ФЕСТИВАЛЬСЬ

25.10.2018  № 42
 
 
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин