Поиск по сайту: 
 

Архив
 январь 
 2019 
пн вт ср чт пт сб вс
 123456
78910111213
14151617181920
21222324252627
28293031   

 
 

 

Обо всем понемногу

Майсь

Майсь кельме—сёрось шачи.
Сидеста пизепт и туматт—козя
урожаенди.
Майсь пизему—июнць коське.
Майста цярахман—кизоньберьф сидеста кармайхть цярахматт.
Кда майста лама каркта—коське
кизонди, лама майскяй унжада—кизось пиземфтома.
Тумось нолдазень лопанзон—
кельмофти.
Келусь лопаясь—недяляда
меле ушеды панжема
лаймарькссь
 и сиренць.
 
СУРКСНЕНЬ КОЛГА
Кда фалу каннемс кяттнень эса суркст, ули кода сярятькстомс. Исследованиятне няфтезь, што лемфтома сурса сурксне эвондафтыхть мастопатия, половой органонь и эндокриннай железань урмат. Кучка сурса сурксонь каннихнень учсыне атеросклерозсь, прясурса—остеохондрозсь и радикулитсь. Сятненди, кит фалу мазопнесазь вяшкянять, ули пелькс получамс двенадцатиперстнай сюлонь воспаления. Но кда суркснень валхнемс венц лангс, тя 60 процентта кирьфтасы шумбрашить мархта сотф прябалатнень эвондамаснон.
 
ЁРЯЙ ЯРМАК МАРХТА КОНВЕРТТ
Магнитогорск ошень эряйхне кенярдсть ошева ёряф ярмак мархта конверттнеди. 14 октябрьста сявомок ошень эряйхне фалу мушендыхть подъезттнень и ульцятнень эса 50 цалковайста сявомок 5 тежятть цалковайти молемс купюрат, а стане жа доллар мархта конвертт. Тя акциять пуроптыец и ётафтыец—тостонь фкя инь оцю предприятиянь менеджерсь. Сон ерай ерямс Магнитогорск ошть келес 50 миллион цалковай, штоба кеняртьфтемс ломаттнень.
 
Кода ванфтомс панчфнень эрекста и мазыста
Тундать саманц мархта кудоньке коль сяда сидеста пяшкотькшнихть панчфонь шинеда. Но кой-кинь панчфонза ванфтовихть недяля-кафта, а кой-кинь—аньцек кафтошка ши. Ванфтомс панчфнень эрекста и мазыста—тевсь аф теждятнень эзда. Содамок несколька теждя правила, ули кода ламода кувалгофтомс синь эряфснон.
Ванондость:
свежай-аф панчфкясь
Рамамста люпштасть панчфкять тоса, коса ушеткшни лисьфсь. Кда тя вастсь ляпе, улема, панчфсь ташта, кда, меколанкт, калгода, эста панчфкясь аньцек керф и сон рамама. Мяль шарфтода лопатнень лангс—синь улест аф пужфокс, сянгяря тюсоннекс, пятнафтомокс и коське вастфтома.
Васенце тевсь—ведсь
Кда панчфне ламос ускомат, рамамстост эняльдеда, штоба нетькснень ашкодолезь летьке кагодс или салфеткас. Сембода пара путомс пусмоть ведь мархта башка кядьгос. Кда ули кода, эняльдеда мишендити тонгомс пусмоть пильгонянц упаковочнай пленкаста и канцелярскяй  резинкаста тиф ведь мархта аф оцю «резервуарс». Кандомс тяфтама панчфнень ули аф теждя.
Керсесть нетькснень и пужф лопатнень
Панчфонь нетькснень керость оржа пеельса нилешка сантиметрань кувалмоса. Нетьксть ся вастстонза, кона тонгови ведти, урядасть лопатнень, сяс мес синь вятихть бактериятнень ламолгодомаснонды и наксадомань шинеть эвондаманцты. Тиемс тянь сяда пара шуди ведть ала. Штоба панчфти улельхть сатомшкат питательнай веществатне, эрь шиня керсесть нетьксть 1 сантиметрада. Керомда меле эстокиге панчфсь путома ведьс, кда тиемс лиякс, нетьксса эвондайхть кожфонь пробкат, конат аф нолдасазь ведть.
Ару кядьге и ару ведь
Панчфнень путнесть аньцек ару кядьгос, штамок сонь инголенди сапонень пси шоряфксса. Ков сяда ару ведсь кядьгоса, тов сяда ламос ащихть панчфне. Тяда нолгада и эрь шиня полафнесть ведть, шташендость кядьготь и нетькснень.
Совет, кона кувалгофтсы эрек панчфнень эряфснон:
*Ердада ведь мархта кядьготи серень (меднай) ярмаконя. Сересь, улемок окислителькс, лоткафтсыне бактериятнень касомаснон и наксадомать.
 

04.05.2017 №17
 
 
 

 
НОВОСТИ
 

Мордовиянь Оцюнясь Владимир Волков Ётафтсь национальнай проекттнень эряфс етафтомаснон коряс рабочай совещания

17.01.2019  № 2
 
 
 

Ули мезенкса кеняртькшнемс

Монь, кода од ломанень, пяк лад мялезон ся, кода кизоста кизос коль сяда и сяда мазыкс и арукс арси республиканьконь столицац—Саранскяйсь. Тяни ётат сонь ульцянзон, проспектонзон, парконзон, лия вастонзон эзга и седице пяшкоди кенярьдемада, гордостьта и ошть, и марнек Мордовиять инкса. Сембода лама полафткста, конешна, эвондась тяса футболть коряс Миронь чемпионатти анокламста. Ваносте, кодамот тяни ошень китне, вокзалхне! Мяльцень стане жа саласазь «Тавла» гостинично-жилой од комплекссь и Экопарксь. Марнек полафтсь, лиякс арась аэропортсь. Тяни тяста самолетса можна пачкодемс Москуву и Санкт-Петербургу. А мзяра строяф идень садта, школада, гипермаркетта, лама лия пяк эрявикс объектта. А кода аф лятфтамс уникальнай спортивнай объектть—«Мордовия Арена» стадионть. Сон сембоса отвечай тяниень пингонь инь оцю вешфксненди. Аф стак самай тяса меля налхксть миронь инь вии футбольнай командатне. Тя ли аф фантастика, тя ли аф честь сембонди тейнек. А ёфси аф кунара Саранскяйса ётафтфоль эйть лангса конькаса фигурнайста куркснемать коряс Россиянь чемпионатсь. И тяконь лаца спортонь оцю праздникт миньцонк ётафневихть аф шуроста.
Спортсь лихтезе столицаньконь пяк няевикс вастс, тиезе сонь содафокс аф аньцек Россияса, а марнек мирса-масторса. «Саранскяйсь—тя афкуксонь Европейскяй ош, тяса сембось тиф-ладяф оцю уровеньца»,—тяфта азондсазь эсь мяльснон-арьсемаснон столицаньконь колга тяза сашенды инжихне.
Мария Тарасова.
10.01.2019  № 1
 

10 январьста—Мордовиять шачема шиц

Панчфокс панчт, мокшэрзянь краеньке!
Тячи Мордовия Республиканьконь шачема шиц. Топодсь 89 киза, кода теенза максф государственность. 1930 кизонь 10 январьста ВЦИК-ть Президиумоц примась постановления Мордовскяй округть Мордовскяй автономнай областекс тиеманц колга. Тя шись и лувондови мокшэрзянь республикати шачема шикс. А ниле кизода меле тифоль Мордовскяй АССР-сь.
Тянь мархта путфоль цебярь ушеткс касоманди-виияманди. Ётаф пингста ламода кассь республикать экономическяй виец, кеподсь культурась, образованиясь, наукась. Ламоц земляконьке арасть гордостекс аф аньцек Мордовияса, но и сембе Россияса.
Сембода оцю сатфкст миньцонк сатфт мекольдень кизотнень. Мордовиясь путневи примеркс лиятненди, тяза сашендыхть опытонкса, тонафнема. И ули мезти тонафнемс. Республиканьке тячи—странать инь  вишкста вииякшни региононзон эзда фкясь.
10.01.2019  № 1
 

Мордовия Республикань культурань, национальнай политикань, туризмань и архивнай тевонь министрсь А.М.ЧУШКИН: «ЛАДЯМА СЕМЬЯСОНТ И САТФКСТ ТЕВСОНТ!»

28.12.2018
 

Н.П.Огарёвонь лемса Национальнай исследовательскяй Мордовскяй государственнай университетонь ректорсь С.М.ВДОВИН: «КАТК ЁТАФТОВИХТЬ ЭРЯФС СЕМБЕ ВАЛДА МЯЛЕНТЕ И ПЛАНОНТЕ!»

28.12.2018
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин