Поиск по сайту: 
 

Архив
 июнь 
 2019 
пн вт ср чт пт сб вс
     12
3456789
10111213141516
17181920212223
24252627282930

 
 

 

Люди и дела

“ТРАКСОНЬ ПОТЯМАСЬ—ТЕВСЬ АЛЯННЕ”

Сон нинге ёмла шабакс тонадсь крестьянскяй трудти. Атяц, Александр Берсенин, ся пингть трудендась слесарькс Кулишейскяй МТФ-са. Эдуард  эрь шиня яксесь атянц мархта фермав. Кода-бди весть передовой дояркась М.А.Лихачева максозе церокшти варжамс виензон потямс аппаратса.   Лиссь аф кальдявста. Эстоньбере и эвондась Александринонь пряса мяльсь сотнемс эряфонц траксонь потяень тевть мархта. Ся пингти, мзярда велень од церась аделазе школать, тястоконь фермаса ашесть сатне дояркатне. «Дружба» ООО-ть директороц И.П.Богдашкин тердезе Эдуардонь тяза работама. Александрин оцю мяльса согласиндась. Од работникти максфоль 30 тракс мархта башка группа. Илештень кятть Эдуард кярьмодсь тевти. Кафта кизода меле ни лофцта группасонза потьневсь сняра, мзяра хозяйстваса кивок ашезь потьне. 2006 кизонь итокнень коряс, Эдуард ладясь рекорд—5000 килограмма лофца фкя траксста.
Эрь шиня рана шобдава, мзярда перьфпяле азорондай сетьмошись, а велеряйхне нинге эжендихть удома вастсост, Эдуард Александрин эряскоды ни животноводческяй комплексу. Ётай сембе помещениятнень эзга, шумбраксты сюру ялганзон мархта, меле варжаксты вазыямань отделенияв. Мзярс траксне нолсесть нинге начка вазняснон эса, кизефтеськ Эдуардонь, мзяра потьни лофцта 90 траксть эзда. И тясовок операторсь дивандафтомазь. Средняйста вазыямань отделенияса кирдеви тракснень эзда получсеви 2,5 тоннат лофца. Тя пцтай 30 килограмма шити фкя траксть эзда. «Мзярда работань тя хозяйстваса зоотехникокс, тялонда тястонь дояркатне сембе марса потьнекшнесть тракснень эзда 1-1,5 тонна лофца шити»,—мярьгсь Э.Александрин. Кода азозе ветеринарнай врачсь Н.П.Кузнецова, тяниень пингть потямать коряс инь цебярь результатт сатневихть Рузонь Баймаконь комплексса—16 килограмма шити. Тя показательсь ламода сяда оцю сянь коряс, мзяра лофца получсеви Трускляйскяй и Ново-Муравьевскяй комплекснень эса. Ламода тя сатовсь кормать цебярьгофтоманц вельде. Траксне топодемс анневихть рапсовай силоста, лама кизонь тишеда, рационозост сувафневихть минеральнай кормат—пур, сал, сода. Эрь шиня траксне нолневихть якама.
Кизоста-кизос Рузонь Баймаконь животноводческяй комплексть сатфксонза коль касондыхть. Афкукс, штоба лисемс продуктивностть касфтоманц коряс среднерайоннай уровеньц, сави лама трудендамс. Доярсь Э.Александрин и животноводческяй комплексонь лия работникне лац тянь шарьхкодьсазь, сяс работайхть виень аф ужяльдезь, няфнихть пример лиятненди.
 
В.КУДАШКИН,
трудонь ветеран.

15.05.2017 №18
 
 
 

 
НОВОСТИ
 
 

Исавелети—300 киза

Эрь кизоня Тройцянь шиня Инсарскяй райононь Исавели кочксеви лама ломаньда. Тядде тяза сашендсь кафта тежянть малава инжи странать сембе уженястонза: Москуста, Санкт-Петербургста, Самараста, Краснодарста, Коми Республикаста, лия областтнень и республикатнень эзда.
Тядде вели ломаттнень пуроптозень аф аньцек Тройцясь, ня шитнень Исавелети топодсь 300 киза. Велесь козя эсь историянц, коензон, обуцянзон мархта, тяса шачсь лама содаф ломаньда. Нят: ученайсь, писательсь, драматургсь, виднай общественнай деятельсь Г.Я.Меркушкин, Мордовия Республикань Почетнай Гражданинць, Российскяй Федерациянь Президентть видеса финно-угорскяй  нароттнень сембе масторонь конгрессть спецпредставителец Н.И.Меркушкин, медицинскяй наукань докторхне В.А.Базаев и М.Д.Кузьмин, лама лия содаф ломань. Велесь инжихнень васьфтезень эсь мазышинц мархта. Тяса лама од кудта, аф кунара панчфт социальнай центра, идень сад, од ФАП, строяфт спортивнай площадкат, культурань объектт, велеть мазопнесы Шкаень кудсь. Ламонцне илас састь идьснон, унокснон мархта, ломаттне кштисть, морасть, седисна и ваймосна пяшксель кенярдемада. Фкя-фкянь мельге сцена лангста кайгсть поздравленият, илань вятихне   азондсть велеть историянц колга, лятфтазь сятнень лемснон, кит аралазь Родинать вракнень эзда. Лама велеряй фронтста ашесть мрда, максозь эряфснон минь инксонк.
20.06.2019  № 24
 

Минь поздравленияньке

13.06.2019  № 23
 
 
 
 
 

«Рузаевкаса мольфтевихть анокламатне стекольнай заводть панжеманцты»

Мордовиянь Оцюнясь Владимир Волков:
Мордовиянь Оцюнясь Владимир Волков 29 майста ётафтсь рабочай васедема Рузаевскяй райононь руководительть Вячеслав Кормилицынонь мархта. Ванондовсть территориять социально-экономическяй виияфтоманц коряс кизефксне. Тяконь лувксса корхтамась мольфтевсь социальнай объекттнень строямаснонды анокламать колга: Рузаевкаса Паровознай ульцяса 160 вастонди идень садть, Татаронь Пишляса 250 вастонди школать, фельдшерско-акушерскяй пункттнень.
Ванондовсть районца водоснабжениянь и водоотведениянь систематнень одкстоптомаснон, а стане жа «Безопасные и качественные автомобильные дороги» национальнай проектть эряфс ётафтоманц рамкаса китнень строямаснон и петемаснон коряс кизефксне. Тядде, кода отмечазе Вячеслав Кормилицын, петевихть-одкстоптовихть 13 вайгяльбень кувалмоса кит.
06.06.2019  № 22
 

Аделсеви «Мокшень правдати» сёрматфтомась

Эряскодода!
Кельгома ялгат!
2019 кизоть омбоце пяленцты «Мокшень правдати» сёрматфтомать шумордамс ляткшни аньцек кафта недялят.  И ули тячи мяленьке нинге весть азомс нюрьхкяняста: мес именна «Мокшень правда» эряви тинь семьянтенди.
Кода аф ужяль, мокшэрзятнень лувкссна стаки кири. А «Мокшень правдась» семботь тиендьсы сянкса, штоба аф нолдамс тянь. Кода ванфтомс и виияфтомс кяленьконь, культураньконь, аф юкстамс эсь коеньконь-обуцяньконь—вов мезть колга мольфтеви корхтамась сонь лопанянзон эса. Пцтай эрь номерса макссевихть материалхт мокшэрзятнень историяснон, содаф ломаньцнон колга, азонкшневи народоньконь арьсеманзон и пичефксонзон колга.
«Мокшень правдаса» макссевихть медицинскяй темас советт и рекомендацият, советт перень сёронь касфнихненди и жувата мельге якайхненди. Эрь номерса ули юморонь и сатирань уженя, рузонь кяльса печатлакшневихть недялянди ламоц телевизионнай программатне.
«Мокшень правдась» республиканскяй газетатнень эзда фкя инь интереснай и уцез газетась. Сон нльне сяда уцез ламоц «районкатнень» коряс.
Теенза тяшфтемать питнец:
6 ковонди—336 цалковай,
3 ковонди—168 цалковай.
Газетать индексоц П4719.
 Эряскодода почтав. Тоса учихть эсонт. Пингсь содай ётаманц.
06.06.2019  № 22
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин