Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

«МОКШЕНЬ ПРАВДАТЬ» ТЯСА КЕЛЬГСАЗЬ

Эсь корреспондентоньке—Салазгорь велеса
Торбеевскяй райононь Салазгорь велень связень отделенияса васьфтемань    мокшавась Р.К.Наумова.
—Тяса покодян аф кунара,—мярьгсь Раиса Кирилловна.—Сембось тейне од, семботи эряви тонадомс. Но маластонь пингть, арьсян, тевозе туй.
Связень отделенияса кафта почтальотт: Мария Терешкина и Светлана Жеренова. Ломаттне синь содасазь, кельгсазь. Лама велеса «Мокшень правда» газетать кельгидонзовок.
—Эсь кяльсонк лисенди изданиять морафнеса пяк кунара,—азозе велень библиотекарсь А.А.Эрькина.—Газетась пяк мазы, мялень салай. Аф полафтса кодамовок лия газета лангс.
Велень библиотекасовок «Мокшень правдась» инь няевикс вастса. Лезды илань анокламста. Оцю мяль шарфнихть лувихне Ваймонь арушинь страницати. Тушендыхть мялезост цебярь советтне. Но васенце вастсот, конешна, пеетьксне и пеетькс пакшкятне.
—Морафтсайть и кеподи мяльце,—поладозе Антонина Александровна.—Конашкава мокшетне маштыхть фкя-фкянь лангса рахсема и лиянь рахафтома. Кой-кона серматфнень лувсайть и, мярьгат, Салазгорьста сявфт.
Салазгорь велеса поселениянь оцюнясь рузава. Но «Мокшень правдать» ванондсы. Г.П.Солдатова надияфтсь тяштьфтемс мокшень кяльса газета и тяддеть омбоце пяленцты.
—Пингсь тяни пяк стака, лама кяжда, фкя-фкянь аф шарьхкодемада,—мярьгсь Галина Петровна.—Сяс «Мокшень правдаса» сяда сиденяста эряви азонкшнемс ялгаксшить, цебярь койхнень-обуцятнень, оцю семьятнень колга.
Салазгорь велень средняй общеобразовательнай школаса аньцек аделавсь тонафнема кизось. Тонафтыхне тисть итокт эсь работаснонды. Покодсть аф кальдявста, но мзярда кулине, што тядде аш кефкиеце класса тонафнихть, колавсь мялезе. И тя Салазгорьса, мокшень оцю велеса, коса и семьятне, и классне фалу оцюфтольхть.—Мезевок аф тият,—мярьгсь Мордовия Республикань Заслуженнай учительсь Г.В.Сетяев.—ЕГЭ-тне кизоста кизос стакалготкшнихть. Ломаттнень аш мяльсна молемс кемонце классу, тушендыхть колледжу тонафнема. Да и классневок емлат. Вейхксоцеса сембоц вете ученикт. Минь и урокса, и класснай частса, и лия пуромксса корхнетяма сянь колга, штоба шабатне лядольхть сяда тов тонафнема.
Сонць Григорий Васильевич кунардонь ялга «Мокшень правдать» мархта. И сонь лацонза «Мокшень правдань» кельгида школаса аф кржа. Оцю мяльса лувондсазь сонь В.Г.Эрькина, Е.А.Сетяева, Т.Д.Шнякина, лиятне.
—Мон мзярдовок ашень каендакшне, што тяштьфнян эсь кяльсонк газета,—корхтай Е.А.Сетяева.—Газетась пяк мялень салай. Тянь колга корхнян и тонафты ялганенди, и учениконенди.
Салазгорь велеса национальнайти шарфневи башка мяль. Велеса кафта фольклорнай ансамбльхть—«Сиянь ожнат» и «Келуня». Школаса покодихть тевонь содай мокшень кялень и мокшэрзянь литературань учительхне В.Г.Эрькина, Г.Ф.Никишова. Синь учениксна сявондьсазь районнай и межрегиональнай олимпиадатнень эса васенце        васттнень. И тя пяк кеняртьфти.
Снимкаса: Салазгори сась «Мокшень правдать» од номероц. Сонь пара мяльса ванондсы-морафнесы велень библиотекарсь А.А.Эрькина.

«СИЯНЬ ОЖНАТ»—
тяфтама лем канни Салазгорь велень средняй общеобразовательнай школань фольклорнай ансамбльсь, коза сувсихть школань учительхне.   Вятьсы сонь Е.Ф.Панкратова.
—Ансамбленьке цебярь, районца лац содаф,—мярьгсь Елена Фёдоровна.—Ламоксть улеме Саранскяйса. Морама якаме Торбеевав. Моратама Салазгорень эрь пуромксса.
«Сиянь ожнат» ансамбльсь аф весть якась Саранскяи «Шумбрат, Мордовия!» республиканскяй фестивальс. Морась Торбееваса велень хозяйствань труженикнень иласа. Ашесть ляда шири эряфкшу ломанень ковста, Сяськомань Шиста. Ансамбльть ширенц кирдьсы и лезды райононь администрациясь. Аф юкснесы велень поселениянь оцюнясь Г.П.Солдатова, школань директорсь О.В.Терёшкина.
Фольклорнай ансамбльса морайхть В.Г.Эрькина, Е.А.Сетяева, В.И.Панкратова, Т.В.Кирдяшкина, Л.И.Чекашкина, С.А. Рогожина, Л.В.Кабанова, Е.Ф. Панкратова. Пцтай сембе синь педагогическяй трудонь ветератт, школати макссть колмогемоньда ламонь киза.
—Велесонк кафта ансамбльхть,—азозе мокшень кялень и мокшэрзянь литературань тонафтысь В.Г.Эрькина.—И кафцьконь эса морайхть учитель ялганьке. Ваныти няфтьсаськ аф аньцек мороньконь, но и велень козя щамоньконь-карямоньконь, коеньконь-обуцяньконь.
Валентина Григорьевнань мархта согласиндась Салазгорь велень поселениянь оцюнясь Г.П.Солдатова.
—Фольклорнай ансамбльхне—веленьконь визитнай карточкац,—мярьгсь Галина Петровна.—Коса афольхть мора, марятама инксост оцю гордость.
 
Снимкаса: Морай «Сиянь ожнат» фольклорнай
ансамбльсь.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022