Поиск по сайту: 
 

Архив
 ноябрь 
 2018 
пн вт ср чт пт сб вс
   1234
567891011
12131415161718
19202122232425
2627282930  

 
 

 

Тема дня

«ЛИСМАСЬ» МЕКИ АРСИ КАСОМАНЬ-ВИИЯМАНЬ КИТЬ ЛАНГС

Кода содаф, мекольдень кизотнень республикань руководствась лама вий и эрьгя путсь сянкса, штоба меки эреклафтомс «Лисма» светотехническяй предприятиять работанц. А ётай недялять тяза сашендсь Мордовиянь Оцюнять аф оцю пингс тевонзон тиендисна В.Д.Волков.
Васенда Владимир Дмитриевич ванондозе автоматизированнай линиять, коса нолявихть «Риббон» колбатне. Тя линиясь фкя минутаста аноклай 400 клянцеконь колба.
Энергоэффективнай лампань аноклай цехса, коса покоди 250 ломань, В.Д.Волков корхнесь тястонь сотрудникнень мархта. Сонь мялецоль содамс синь работань условияснон и зарплатаснон.
Кода азозе «Лисмать» генеральнай директороц Игорь Константинов, тяниень пингонь лампатне и светильникне, конат нолявихть предприятияса, мезьсовок аф сяда кальдяфт омба мастороннетнень коряс и сятнень, конат нолявихть Россиянь лия региоттнень эса.
Тяни «Лисмать» продукцияц лац рамсеви и миньцонк, и омба масторса.
Ёфси маластонь пингть Бурунди Республикаса кармай работама «TLLINNO» российско-африканскяй марстонь предприятиясь. Получаф ни васенце оцю заказсь—анокламс светильникт Бурундить столицанц—Бужумбура  ошть валдоптомс.
В.Д.Волков ульсь тя предприятиянь коллективть ширеса. Сонь мархтонзоль Саранск ошень мэрсь П.Н.Тултаев.
Кода азозе регионть вятиец, «Лисмась» тячи—Россияса сембода лама светонь источниконь нолдайсь-аноклайсь. Кизоста кизос «Лисмась» кемокснесыне эсь позициянзон светотехническяй отрасляса.
Сон лятфтазе, што тя предприятиясь меки минценне, республиканьконь, лоткафтф сонь срадомац-каладомац.
Тяни «Лисмаса» работай 2131 ломань, коллективсь коль одкстомкшни. Предприятияса лама оцю квалификация мархта од специалистта, конатненди вийс коре коль сяда одкстопнемс и цебярьгофнемс ноляви продукциять качестванц.
Средняй зарплатась тяни тя предприятияса 23,6 тёжянь цалковай (2013 кизоня ульсь 12,3 тёжянь цалковай).
В.Д.Волков путсь задача сядонга касфтомс «Лисмаса» заработнай платать.

03.08.2017 №30
 
 
 

 
НОВОСТИ
 

УШЕДСЬ «Шумбрат, Мордовия!»—«Vivat, Чемпионат!» ФЕСТИВАЛЬСЬ

25.10.2018  № 42
 
 
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин