Поиск по сайту: 
 

Архив
 октябрь 
 2018 
пн вт ср чт пт сб вс
1234567
891011121314
15161718192021
22232425262728
293031    

 
 

 

Тема дня

«Ульяновская правда» газетати—100 киза

Ётай недялять Мордовия Республикань Пресс-центраса етась васедема Ульяновскяй областень фкя инь сире изданиять—«Ульяновская правда» газетать коллективонц мархта. Васедемась лемтьфоль газетать васенце номеронц лисемста 100 кизонь топодемати.
«Правдань китнень эзга»—тяфта лемдезь «Ульяновская правда» газетань смекайхне-арьсихне автопробегть, кона лемтьф изданиять юбилеенцты. Автопробегсь етай Приволжскяй федеральнай округонь ошнень эзга, коса работайхть «Правда» лем мархта газетань редакцият. «Правдовецнень» (тяфта лемнесазь эсь пряснон автопробегонь участникне) маршрутсна етай Йошкар-Олать, Кировть, Ижевскяйть, Нижняй Новгородть, Саранскяйть, Пензать эзга. Пробегсь моли 11 ши—25 июльста сявомок 4 августти молемс.
26 июльста «правдовецне» ульсть Саранскяйса, коса васетькшнесть «Мокшень правда» и «Эрзянь правда» республиканскяй газетатнень коллективснон мархта. «Ульяновская правда» издательскяй кудть главнай редактороц И.М.Арановская содафтозень пуромфнень шабра региононь изданиять эряфонь кинц мархта. «Ульяновская правда» газетать васенце номероц лиссь 1943 кизонь 18 февральста Ульяновскяйса тяда инголе нолнеф «Пролетарский путь» ошень газетать вастс. Пингонь етазь сафоль мяльс, што «Ульяновскяй правдась», кода КПСС-нь Ульяновскяй областной комитетонь орган, арси тевса поладыкс «Симбирская правда» газетати, кона ушедсь лисендема 1917 кизонь 3 ноябрьста. Тя пингсь и азф «Ульяновскяй правдати» шачема шикс.
Сембе ня кизотнень газетась лувондовсь региононь инь содаф и авторитетнай изданиякс, кона маштозь и келиста пачфнесь Ульяновскяйса и марнек областьса событиятнень колга. Сембе пинкнень газетать коллективс сувсесть эсь тевонь афкуксонь профессионалхт, асу и творческяй ломатть, конатнень трудсна аф весть отмечафоль оцю казнеса. Газетань журналисттне ламоксть арсесть аф фкя лацонь конкурсонь сяськикс и лауреатокс. «Ульяновскяй правдать» лопанянзон лангса сидеста макссевихть информацият аф аньцек сатфкснень, но и регионца уликс прябалатнень колга, мезсь аф шуроста лезни синь решандамасост. Изданиять историяц кемоста сотф странаньконь историянц мархта. Великай Отечественнай войнань кизотнень редакциянь сотрудникне фронтста кучсезь эсь статьяснон. Аф кржась еткстост максозь Родинать инкса эряфснон.
«Ульяновская правда» общественно-политическяй газетась тячивок фкя инь лувондови изданиясь Ульяновскяй областьса. Смекаенза-аноклаенза лама вийда путнихть сянкса, штоба тиемс изданиять тячиень шиннекс, сяда цебярьгофтомс сонь содержаниянц и верстканц, маласькофтомс сонь лувити.
Кода мярьгсь васедемаса «Эрзянь правда» газетать главнай редактороц Н.И.Петрушкин, «Ульяновскяй правдать» эзда ули мезти тонафнемс.
—Минь кунардонь шабратама и фалу кирнеме Ульяновскяй областть мархта ладямань кеме соткст,—мярьгсь Николай Иванович.
—«Ульяновская правда» газетать мархта содафтонь пяк кунара,—поладозе корхтамать «Мокшень правда» газетать главнай редактороц И.С.Лушкин.—Советскяй пингть минь эрь кизоня оцю мяльса тяштьфнеськ тя изданиять. Пяк тушендсь мялезон содержанияц, версткац и изданиять козя кялец. Ужяленди, тяни аш возможностеньке тяштьфнемс лия областень газетат. Но мон тячемс лямбоста лятфнесайне етай кизотнень и таколдома мархта сявине кядезон газетантень тячи.
Пуромксть пингста инжихне содафтфтольхть республиканьконь мархта. Азонтфоль Мордовиять сатфксонзон, 2018 кизонь футболть коряс Миронь чемпионатти анокламанц колга, а стане жа няфтьфтольхть Саранскяйть достопримечательностенза. «Правдовецне» ванозь святой праведнай воинть Феодор Ушаковонь Кафедральнай Соборонц, Емельян Пугачевонди Россияса фкя и тяка памятникть, 45 тежянь вастонди одс строяви стадионть и стак тов.
Саранскяйста «Правдань китнень эзга» маршрутсь поладозе кинц Нижняй Новгородса.
О.ЕВДОКИМОВА.
 

03.08.2017 №30
 
 
 

 
НОВОСТИ
 
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

Турчак: В парламенты всех 85 субъектов России внесены законопроекты о сохранении региональных льгот для людей предпенсионного возраста

На сегодняшний день в парламенты всех субъектов Российской Федерации внесены
законопроекты о сохранении региональных льгот для женщин, достигших 55 лет, и для
мужчин 60 лет. Об этом сообщил секретарь Генерального совета «Единой России»
Андрей Турчак.
«На сегодняшний день в парламенты 85 субъектов РФ внесены законопроекты о
сохранении региональных льгот для граждан предпенсионного возраста – женщин 55 лет
и мужчин 60 лет. В 37 регионах законы о сохранении региональных льгот в прежних
возрастных границах уже приняты законодательными собраниями. Из них в 18 субъектах
РФ документы подписаны губернаторами. Еще в трех регионах данные законопроекты
рассмотрены и приняты в первом чтении. В 45 регионах России законопроекты будут
рассмотрены в самое ближайшее время: в большинстве – до конца сентября и в
нескольких – в октябре», – заявил Турчак.
По его словам, сохранение региональных льгот для людей предпенсионного возраста –
один из важнейших вопросов, который поднимался в субъектах РФ при обсуждении
совершенствования пенсионной системы. «Поэтому на совместном заседании
Генерального совета и Совета руководителей фракций мы приняли решение рассмотреть
вопрос о сохранении региональных льгот для людей предпенсионного возраста в
осеннюю сессию. Нашу инициативу в своем обращении поддержал Президент России
Владимир Путин», – напомнил Турчак.
24.09.2018
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин