Поиск по сайту: 
 

Архив
 декабрь 
 2018 
пн вт ср чт пт сб вс
     12
3456789
10111213141516
17181920212223
24252627282930
31      

 
 

 

События

«ТЯДА ЭВОТЬКШНЕ! ПЕЛЬКСОНЬ КАНДЫ НЯ ДАВОЛХНЕ КАСФТСАЗЬ РОССИЯТЬ СЛАВАНЦ!»

Саранск ошень Святой Праведнай воинть Феодор Ушаковонь Кафедральнай соборса, коза ускфтольхть Санаксарскяй монастырьста святойть мощанза, шобдава ётась Божественнай литургия, конань вятезе Санкт-Петербургскяй и Ладожскяй митрополитсь, Москувонь Патриархиять тевонзон вятисна владыкась Варсонофий. Прихожаттне, конат ашесть тяльге службать пингста соборти, озондсть оцю мониторть ваксса, конаса няевсь, кода мольфтеви литургиясь.
Службада меле торжествас пуромфне крестнай ходса ётасть соборть перьф. Тяда меле синь састь памятникти, кона Российскяй флотонь адмиралти Ф.Ф.Ушаковонди путф-стяфтф Соборнай площадьса. Тяса почётнай караулса ащесть «Гардемарин» клубонь и Мордовиянь православнай од ломанень Союзонь члеттне, кадеттне-ушаковецне, од казакне, МЧС-нь и МВД-нь кадеттне и Москувонь Преображенскяй полконь Почётнай караулонь батальонць.
Великай адмиралть памятниконц ваксса ётафтфоль молебен. Шкайти кемайхне озондсть Россиять инкса. Мархтост молебенца тяфта жа ульсть Мордовия Республикань Оцюнять аф оцю пингс тевонзон тиендисна В.Д.Волков, Государственнай Собраниять Председателец В.В.Чибиркин, Правительствать Председателец В.Ф.Сушков,  Черноморскяй флотонь командующайть воспитательнай работать коряс заместителец контр-адмиралсь  Ю.И.Ореховский, великай адмиралть племянниконц потомкац, Наукань Российскяй академиянь академиксь, медицинскяй службань генерал-майорсь И.Б.Ушаков, лия представительхть.
Ф.Ф.Ушаковонь памятниконцты ульсть путфт панчфт Мордовия Республикань Оцюнять аф оцю пингс тевонзон тиендиснон В.Д.Волковонь, Рузонь Православнай Церькавть и Российскяй Федерациянь Оборонань Министерствать эзда.
Молебенть аделавомда меле торжествас пуромфне мрдасть Кафедральнай соборти. Тяса теест приветственнай вал азсь Мордовиять лидероц В.Д.Волков. Эсь выступлениясонза сон мярьгсь:
—Федор Ушаков арась Российскяй Флотонь и рузонь моряконь киндивок аф сяськови кемешинь символкс. Сонь сембе эряфоц тонафты эсонк: мянь эста, мзярда эряфса уленди стакадонга стака, эряви лядондомс ломанькс, ащемс Родинать инкса и аф колсемс присягать. Тейнек, Мордовияса эряйхненди, Федор Федорович пяк и пяк мала. Именна мокшэрзянь модать сон кочказе, штоба эрямс тяса эряфонц мекольце кизонзон. Сяс минь гордостень марязь Российскяй флотонь легендарнай адмиралть лемнесаськ-азондсаськ землякокс!
Мордовиять лидероц В.Д.Волков выступлениясонза тяфта жа мярьгсь, што ломаттнень ваймоса эвондась оцю кенярдема, мзярда Санаксарскяй монастырьста Ушаковонь мощанзон пачфтезь Санкт-Петербургу. Кронштадт ошень Никольскяй соборса теест сюконясть Россиянь Президентсь В.В.Путин, Патриархсь Кирилл, оборонань министрсь С.К.Шойгу и странасонк эряйхнень эзда ламотне лиятне. Сяс минь сяда товга, сявомок Ушаковонь образонц кепотьксокс, карматама вятема военно-патриотическяй работать од ломаттнень ёткса. Кода и тяда инголи, карматама макссема шефскяй лезкс «Адмирал Ушаков» Севернай флотонь эсминецти и Балтийскяй флотонь «Мордовия» лем ала десантнай корабльти, коса служайхть Мордовиянь цёратне!
Аделазе выступлениянц В.Д.Волков валса, конатнень азозень 1812 кизоня адмиралсь Ф.Ф.Ушаков: «Тяда эвотькшне! Пельксонь канды ня даволхне касфтсазь Россиять славанц!» Сяс молитвасонк святой праведнай воинти карматама анама ширденза лезкс Родинаньконь козякофтоманкса и виияфтоманкса!
Патриархть Кириллонь лемста торжествас сафнень поздравляндазень Санкт-Петербургскяй и Ладожскяй митрополитсь, Москувонь Патриархиять тевонзон вятисна владыкась Варсонофий. Синь тяфта жа поздравляндазень Саранскяй и Мордовскяй митрополитсь Зиновий, кона тяда меле казезе В.Д.Волковонди святой праведнай воинть Феодор Ушаковонь образонц.
Торжестватнень официальнай пяльксснон аделавомда меле прихожаттне меки сувасть собору, штоба нинге весть сюконямс Феодор Ушаковонь мощанзонды.
 
В.НЕСТЕРОВ.

10.08.2017 №
 
 
 

 
НОВОСТИ
 
 

Единороссы Мордовии направили свои предложения для работы на предстоящем Съезде Партии

Обсуждение предложений, направленных на совершенствование основных принципов работы  партии  и повышении ее роли в современном обществе, прошло в ходе  региональной  партийной  дискуссии «Обновление -2018»,   которая состоялась 16 ноября в Саранске. Дискуссия  объединила   четыре  тематических блока,  касающихся обновления партии и создания эффективной политической организации; повышения коммуникаций и  взаимодействия с общественными институтами; технологических подходов в избирательных кампаниях и в межпартийной конкуренции; реальных  дел в решении проблем  конкретных людей  и  развития   всех сфер жизни общества. Итогом  стало пленарное заседание, в ходе которого была обобщена работа дискуссионных площадок  и рассмотрены наиболее интересные предложения, прозвучавшие в ходе обсуждений.  Лучшие из них  направлены   Региональным  отделением   «Единой  России»  в   Центральный исполнительный комитет Партии для обсуждения  во время работы    площадок первого дня Съезда Партии.  В ходе  региональной дискуссии был представлен широкий спектр мнений  по  вопросам, касающимся  сохранения  доверия к партии избирателей и повышения эффективности работы партийных структур.

 

20.11.2018
 
 
 
 
 

УШЕДСЬ «Шумбрат, Мордовия!»—«Vivat, Чемпионат!» ФЕСТИВАЛЬСЬ

25.10.2018  № 42
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин