Поиск по сайту: 
 

Архив
 октябрь 
 2018 
пн вт ср чт пт сб вс
1234567
891011121314
15161718192021
22232425262728
293031    

 
 

 

Наши мокшанские сыновья и дочери

СЕДИКС-ВАЙМОКС СЛУЖАСЬ ЭСЬ НАРОДОНЦТЫ

—Аф тёждяль ся пинкнень эряфсь,—азонкшни оттненди Александр Осипович.—Аньцек аделавсь Гражданскяй войнась, пси кизотнень ашезь шаченда сёрось, сяс кржаль ярхцамбяльда. Но лувондса, што шачень ся пинкнень, мзярда кемокснесь советскяй властсь, трудяй ломанть ширенц кирдиец. Тиендевсь сембось сянкса, штоба машфтомс афсатыкснень, цебярьгофтомс ломаттнень эряфснон. Мон, кода и велень сембе цёранятне и стирнятне, тонафнень школаса, лезнень тядязти и алязти кудъётконь тевса. А меле велеса пуроптфоль марстонь хозяйства. Васенда тефне мольсть кальдявста. Но, мзярда государствась кучсь тракторхт, велень хозяйствань лия инвентарь, тефне полафтсть цебярь шири. Няемок техникать виенц, марстонь трудть цебярьшинц, ломаттне мяль вельде лисендсть работама паксяв, жуватань ферматненди. Шарьхкодсть, што аньцек парста работазь лисихть нужатнень потмоста. А минь тонафнеме, няеськ ни содамошитнень валдснон. Инголе учсемазь оцю эряф. Сят, кит тонафнесть лац, тушендсть ошу. Тоса панчсевсть учебнай заведеният, коса аноклакшневсть велень хозяйствань специалистт, педагокт, врачт. Эста оцю мяль шарфневсь кадрань кизефксненди. Планоньконь шорязень войнась. Мон, лия комсомолец ялганень мархта, войнань васенце шитнень эсь мяльс коре тунь фронту.
—Ну, цёрай, киртть кода солдат,—мярьгсь Родинать аралама прважамстон алязе Осип Семенович.—Монцьке воявань немецнень каршес Васенце мировой войнать пингста. А тяни очередсь тонь.
Александр повсь парашютно-десантнай войскатненди. Вишке бойхть ульсть Москуть маласа, фронтонь лия участкатнень эса. Машфнезь врагть шить и веть, тапсезь сонь тылонь коммуникациянзон, техниканц, вооружениянц. А меле, мзярда эрявсь тапамс японскяй Квантунскяй армиять странать шинь стяма ширесонза, синь частьснон прважазь Дальняй Востоку. Ульсь Манчжурияса, Кореяса. Куду мрдась аньцек 1947 кизоня.
18 августста Александр Осиповиченди топодсь 95 киза. Шачема шидонза инголе мон васьфнень мархтонза Саранскяень квартирасонза. Няеви эрьгавста, мяль вельде ваны масторлангонь политическяй событиятнень, республикань социально-экономическяй ситуациять мельге.
—Александр Осипович, тон шачеть ся кизотнень, мзярда странасонк ушетфоль социализмать строямац, аф лама ётнесь ся пингста, мзярда тифоль Великай Октябрьскяй революциясь. Кода тяни ванат ся событиятнень лангс?
—«Улендсь шобда сире велесь»,—сёрмадсь землякозе поэтсь М.Безбородов. Тянемс мяляфтса сядынгольдень шобда эряфть. Кржаль сёрмас содайда, велеряйхне якасть карьса. Щафтольхть-каряфтольхть суманняса. Великай Октябрьскяй революциясь полафтозе эряфть аф аньцек минь странасонк, но и марнек масторлангса. Вдь васенцеда историяса властть сявозь кядезост трудяй ломаттне. Машфтфоль эксплуатациянь стройсь. Сембе нациянь ломаттне арасть равнайкс, кемоксневсь ётксост ялгаксшись, кассть социальнай ширде правасна. Ушедсь срадома-каладома колониальнай системась. Кепотьксонди, монць, народть ёткста лисьф цёрась, кочксевонь депутатокс, путфолень работама оцю вастс. Лацон ломаньда пяк ламоль. Народсь кельгозень эсь вождензон   В.И.Ленинонь, И.В.Сталинонь.
—Тон эсь сельмосот няить XX-це веконь событиятнень, примать активнай участия республикань инь эрявикс промышленнай, аграрнай, социально-культурнай    объекттнень, китнень строямста. Азонтт нюрьхкяняста тянь колга.
—Тянь квалма лятфнемс ули мезе. Вдь эста лафчель нинге экономиканьке. Сяс савсь путнемс оцю вий народнохозяйственнай тя или тона    объекттнень строямста. Сявсаськ ётай веконь 70-це кизотнень. Эста мон улень МАССР-нь Министронь Советонь Председателькс. Ся пинкнень республикаса пяк кальдяволь тевсь кинь строямать мархта. Кепотьксонди, 8 тёжяньда лама вайгяльбень кувалмоса китнень эзда аньцек 3 процентсь ацафтольхть асфальтса или бетонца. Ашельхть цебярь кит шабрань областтненди. Ламоц райоттне апак соттольхть автомобильнай киса Саранск ошть, машина кинь станциятнень мархта. Шоферхне эста корхнельхть: «Коса ушеды Мордовиясь, тоса аделави асфальтсь». Эрявсь примамс эрявикс мерат. Арьсеф—тиф! Вете кизоста кепотьфоль Горький—Саранск автотрассась, конань кувалмоц 600 вайгяльбе. Тя эрявсь сянкса, штоба Горький ошень автозаводста пачфнемс тя киге самосвалхнень Саранскяень самосвальнай заводу. Кальдяв кить сюнеда Лямбирь велеть ваксса «пробкас» повондсь сядот автомашина, водительхне эрясть тозк несколькань ши. Тяшнесть пеняцямат вярдень инстанциятненди. А эста тянкса кизефнельхть пяк казямста. Мяляфтса, звонясь тейне РСФСР-нь автомобильнай кинь строямань и эксплуатациянь министрсь Николаев. Сон вешсь, штоба ковоньботмоста строямс Саранскяйста сявомок республикать и Горьковскяй областть ёткса границати молемс кить. Тейне, кле, КПСС-нь ЦК-сь азсь тянкса выговор. А кда аф ули строяф кись, валхтсамазь работаста. Сяда тов азозе, што тейнек максови строительнай техника и материалхт. И мезе? Пуроптоськ сембе виеньконь и кись строяфоль.
Оцю мяль шарфневсь столицаньконди. Провинциальнай ошса эрявсь эреклафтомс строительнай индустриять. Саранск ошть перьф шава васттнень эса строявсть од зданият. Строительствань Мордовскяй управлениянь строительхне и монтажникне строязь «Резинотехника», «Центролит» завоттнень, «Электровыпрямитель» заводонь оцю корпусть, Профсоюзонь культурань дворецть, «Победа» кинотеатрать, сядот тёжянь квадратнай метра эряма куд.
Нинге 60-це кизотнень песта «Саранскжилстрой» трестть эвондась вии конкурентоц—домостроительнай комбинатсь. Ся пинкнень индустриальнай методса аноклафоль крупноблочнай лама квартирань васенце кудсь. А меле тяфтама кутт строяфтольхть Саранскяень сембе микрорайоттнень эса. Мзярда домостроительнай комбинатти топодсь 10 кизот, тя пингти ни максф эксплуатацияс пяле миллион квадратнай метра эряма васта. Лац работась бетонщиконь бригадась, коса бригадиркс ульсь Н.Г.Савельев, монтажниконь бригадась, конань вятезе МАССР-нь Заслуженнай строительсь Н.С.Ариков.
Ошть микрорайононзон вельхксса няевсть кратт, кепсевсть стенань панельхне, вальмянь блокне, перекрытиянь плитатне. Валдста кфчиесть электросваркань толхне, кассть вяри эташне. Эряви лятфтамс сявок: квартиратне трудяй ломаттненди макссевсть питнефтома.
Мон мяляфтан и азолень лия примерхт, мзярда стака пингста примсевсть стама решеният, конат лезнесть положениять цебярьгофтомаса. Тяфта, ётай веконь 50-це, 60-це кизотнень республикаса ашезь сатне электрическяй энергиясь. Мезе тиемс? Ушетфоль ляйхнень лангса ГЭС-нь строямась. Мзярда улень партиянь Зубово-Полянскяй райкомонь омбоце секретарькс, ёмла электростанцият строяфтольхть Парца ляйть лангса Подлясово и Журавкино велетнень эса. Ульсть тифт тяфтама электростанцият Мокша и Сура ляйхнень видеса.
—Сембе содасаськ, што рабоче-крестьянскяй странась кассь и кемокснесь кизоста кизос. А меле ушедсь «перестройкась», советскяй государствать срадомац-каладомац. Кода тон, Александр Осипович, ванат 90-це кизонь событиятнень лангс?
—Тя ульсь оцю зиян. Тянемс аф сетьме седисон сянкса, мес срадсь Союзсь, срафтфтольхть-калафтфтольхть промышленностсь, колхосне, совхосне. Вдь минь сонь араласьк фашистскяй Германиять эзда, строяськ одукс войнада меле. И вов мувсть тяфтама «ялгат», конат васькафнезь-кода шарфтомазь виде киста. Пара, што Россиясь, кода похмельяда меле, меки сргозькшни и стяшенды пильге лангс. Мувсть и патриотт, конат арьсихть Родинаньконь сай пингонц колга. Кда корхтамс республикаса властьса ащихнень колга, то васендакиге лятфталине Н.И.Меркушкинонь. Сонь руководстванц ала минь аф аньцек сяськоськ 90-це кизонь сталмотнень, но и лия региоттнень коряс туме инголи. А молемс инголе лия общественно-политическяй системань условияса аф тёждя. А Западсь, няк, коль люпштай эсонк санкцияса-мезьса. И пяк пара, што республикань Оцюнясь В.Д.Волков маштозь вятьсы социально-экономическяй политикать. Касфневи промышленнай производствась, лама тиендеви велень хозяйствать кеподеманкса. Вии экономикать вельде сяда лац решандакшневихть социальнай кизефксне. Мордовиянь сембе населеннай пункттнень эса ули газ, тиендеви сембось сянкса, штоба эрь велень кудса улель ведь. Сатфкс мархта етафневихть эряфс инновационнай проекттне.
—Александр Осипович, тейть топодсь 95 киза. Кодама рецептт максолеть сятненди, кит лацот ёрайхть эрямс ламоняс?
—Эрян, кода и сембе ломаненьке. Виде, мон ламоц пенсионерхнень коряс материальнай ширде сяда кемоста ащан пильге лангса. Ярхцсян стама ярхцамбяльда, конат касфтфт велеса. Виде, аф курендан и кунара ни аф копорян сяпиняда. Кельгсайне эряфть, шачема крайть, ломаттнень. Аф кржа ялгадон, раднядон.
…Корхтаманьке шумордавсь. Нинге весть люпштайне содаф мокшалять кяденц, конань мархта одста лядендсь тише, кильнесь колхознай алашат, войнань кизотнень люпшнезе винтовкань или автоматонь спусковой крючокть, войнада меле путнезе кяденц республикань Верховнай Советонь Президиумонь Укаснень алу.
Арьсетяма Александр Осиповиченди кеме шумбраши, паваз и сембе цебярть!
Ф.ГАВРИЛОВ.

25.08.2017 №
 
 
 

 
НОВОСТИ
 
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

Турчак: В парламенты всех 85 субъектов России внесены законопроекты о сохранении региональных льгот для людей предпенсионного возраста

На сегодняшний день в парламенты всех субъектов Российской Федерации внесены
законопроекты о сохранении региональных льгот для женщин, достигших 55 лет, и для
мужчин 60 лет. Об этом сообщил секретарь Генерального совета «Единой России»
Андрей Турчак.
«На сегодняшний день в парламенты 85 субъектов РФ внесены законопроекты о
сохранении региональных льгот для граждан предпенсионного возраста – женщин 55 лет
и мужчин 60 лет. В 37 регионах законы о сохранении региональных льгот в прежних
возрастных границах уже приняты законодательными собраниями. Из них в 18 субъектах
РФ документы подписаны губернаторами. Еще в трех регионах данные законопроекты
рассмотрены и приняты в первом чтении. В 45 регионах России законопроекты будут
рассмотрены в самое ближайшее время: в большинстве – до конца сентября и в
нескольких – в октябре», – заявил Турчак.
По его словам, сохранение региональных льгот для людей предпенсионного возраста –
один из важнейших вопросов, который поднимался в субъектах РФ при обсуждении
совершенствования пенсионной системы. «Поэтому на совместном заседании
Генерального совета и Совета руководителей фракций мы приняли решение рассмотреть
вопрос о сохранении региональных льгот для людей предпенсионного возраста в
осеннюю сессию. Нашу инициативу в своем обращении поддержал Президент России
Владимир Путин», – напомнил Турчак.
24.09.2018
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин