Поиск по сайту: 
 

Архив
 январь 
 2019 
пн вт ср чт пт сб вс
 123456
78910111213
14151617181920
21222324252627
28293031   

 
 

 

Национальная тематика

МАРСТОНЬ ВИЙСА САТОВИ СЕМБОСЬ!


Мордовия Республикань культурань и национальнай политикань министрсь А.М.Чушкин:                          
—Тячиень «круглай шраса» эрявихть ваномс кизефксне, конатнень решандамасна сяда няевиста лездыхть тейнек макссемс общественно-полезнай услугат республикань лама национальностень народти.
Россиянь Президентсь В.В.Путин 2015 кизонь 3 декабрьста Федеральнай Собранияти эрь кизонь Посланиясонза макссь оцю питне аф коммерческяй организациятнень тевснонды, конатнень синь тиендьсазь странать общественно-духовнай сфераса. Сяс сятненди эздост, конат тевснон вельде няфтезь эсь пряснон государствати афкуксонь партнёркс, Президентть валонзон коряс, эряви ладямс правовой башка статус—«аф коммерческяй организация—«общественно-полезнай тевонь тиии-пяшкоди». Президентсь тяфта жа мярьгсь макссемс тяфтама аф коммерческяй организациятненди ся ярмакнень эзда, конат нолявихть региональнай и муниципальнай социальнай программатненди, 10 процентть.
Мордовия Республикаса, кирдемок мяльса федеральнай закоттнень, тиф эрявикс законодательнай база, конань вешфксонзон коряс, республикань Культурань и национальнай политикань министерствась вятьсыне ня тефнень аф коммерческяй организациятнень мархта. Сяс тейне тячи пара пачфтемс од куля: Россиянь Президентть В.В.Путинонь 299№ Указса, конань сон кемокстазе 2017 кизонь 1 июльста, азфт сембе ширетне, конатнень коряс аф коммерческяй организациятненди тевснон вятеманкса государствась кармай макссема финансовай эрявикс лезкс.
Ня и лия кизефкснень коряс эняльдян азомс эсь мялентень.
Мордовиять эзга Российскяй Федерациянь Юстициянь министерствать Управлениянц начальникоц Ф.П.Девятаев:
—Кода мярьгсь тяда инголи Анатолий Михайлович, тя пингонь федеральнай законодательствати, конань вешфксонзон коряс вятевихть тефне аф коммерческяй секторса, сувафтфт полафткст. Ётксост улихть видеста сотфт ся кизефкснень мархта, конатнень минь ванондсаськ тячиень «круглай шраса».
Мярьктяма, тяни государствась тяфта жа кармай макссема финансовай лезкс ся аф коммерческяй организациятненди, конат кармайхть макссема обществати общественно-полезнай услугат Российскяй Федерациянь межнациональнай сфераса. Аньцек улихть вешфкст, конатнень государствась путнесыне аф коммерческяй организациятнень инголи.
Васенцесь, аф коммерческяй организацияти, грантонь анамада инголи, эряви макссемс обществати общественно-полезнай  услугат фкя кизонь кувалмоста. Омбоцесь, аф коммерческяй организацияти аф эряви улемс омба масторонь агентонь спискаса. Колмоцесь, штоба аф коммерческяй организациять афольхть уле финансовай шумонза.
Мордовиять эзга Российскяй Федерациянь Юстициянь министерствать Управлениянц аф коммерческяй организациятнень тевснон коряс отделть начальникоц М.И.Семушенкова:
—2016-2017 кизоня федеральнай законодательствати, конань вешфксонзон коряс мольфтьсазь Россияса работаснон аф коммерческяй организациятне, сувафтфоль лама полафткс. Тяда башка, ня полафткснень эса законодательсь васенцеда азозе-няфтезе, мезе тя стамсь—аф коммерческяй организациясь, обществати общественно-полезнай услугань максысь. Сяс республикань аф коммерческяй организациянь эрь руководительти эряви варжакстомс ня полафткснень спискас, конат кемокстафт 2017 кизонь 1 июльста Россиянь Президентть В.В.Путинонь 299№ Указса. Кда эрявксты, республикань аф коммерческяй эрь организацияти максови эрявикс лезкс Мордовиять эзга Российскяй Федерациянь Юстициянь министерствать Управленияса и республикань культурань и национальнай политикань министерстваса.
«Финно-угорскяй народонь культурань Поволжскяй центра» Аф коммерческяй ассоциациять директороц Р.И.Акашкина:
—Тядде республикань аф коммерческяй организациятненди ашезь удала сатомс  Президентскяй грантт. Сяс тейнек тяни сяда цебярьста эряви анокламс лия проектоньконь, штоба маластонь пингть сатомс Президентскяй грантт.
Тиемс тянь, койсон, тейнек лездыхть содамошитне, конатнень получаськ тячиень «круглай шраса».
В.НЕСТЕРОВ.

25.08.2017 №
 
 
 

 
НОВОСТИ
 

Мордовиянь Оцюнясь Владимир Волков Ётафтсь национальнай проекттнень эряфс етафтомаснон коряс рабочай совещания

17.01.2019  № 2
 
 
 

Ули мезенкса кеняртькшнемс

Монь, кода од ломанень, пяк лад мялезон ся, кода кизоста кизос коль сяда и сяда мазыкс и арукс арси республиканьконь столицац—Саранскяйсь. Тяни ётат сонь ульцянзон, проспектонзон, парконзон, лия вастонзон эзга и седице пяшкоди кенярьдемада, гордостьта и ошть, и марнек Мордовиять инкса. Сембода лама полафткста, конешна, эвондась тяса футболть коряс Миронь чемпионатти анокламста. Ваносте, кодамот тяни ошень китне, вокзалхне! Мяльцень стане жа саласазь «Тавла» гостинично-жилой од комплекссь и Экопарксь. Марнек полафтсь, лиякс арась аэропортсь. Тяни тяста самолетса можна пачкодемс Москуву и Санкт-Петербургу. А мзяра строяф идень садта, школада, гипермаркетта, лама лия пяк эрявикс объектта. А кода аф лятфтамс уникальнай спортивнай объектть—«Мордовия Арена» стадионть. Сон сембоса отвечай тяниень пингонь инь оцю вешфксненди. Аф стак самай тяса меля налхксть миронь инь вии футбольнай командатне. Тя ли аф фантастика, тя ли аф честь сембонди тейнек. А ёфси аф кунара Саранскяйса ётафтфоль эйть лангса конькаса фигурнайста куркснемать коряс Россиянь чемпионатсь. И тяконь лаца спортонь оцю праздникт миньцонк ётафневихть аф шуроста.
Спортсь лихтезе столицаньконь пяк няевикс вастс, тиезе сонь содафокс аф аньцек Россияса, а марнек мирса-масторса. «Саранскяйсь—тя афкуксонь Европейскяй ош, тяса сембось тиф-ладяф оцю уровеньца»,—тяфта азондсазь эсь мяльснон-арьсемаснон столицаньконь колга тяза сашенды инжихне.
Мария Тарасова.
10.01.2019  № 1
 

10 январьста—Мордовиять шачема шиц

Панчфокс панчт, мокшэрзянь краеньке!
Тячи Мордовия Республиканьконь шачема шиц. Топодсь 89 киза, кода теенза максф государственность. 1930 кизонь 10 январьста ВЦИК-ть Президиумоц примась постановления Мордовскяй округть Мордовскяй автономнай областекс тиеманц колга. Тя шись и лувондови мокшэрзянь республикати шачема шикс. А ниле кизода меле тифоль Мордовскяй АССР-сь.
Тянь мархта путфоль цебярь ушеткс касоманди-виияманди. Ётаф пингста ламода кассь республикать экономическяй виец, кеподсь культурась, образованиясь, наукась. Ламоц земляконьке арасть гордостекс аф аньцек Мордовияса, но и сембе Россияса.
Сембода оцю сатфкст миньцонк сатфт мекольдень кизотнень. Мордовиясь путневи примеркс лиятненди, тяза сашендыхть опытонкса, тонафнема. И ули мезти тонафнемс. Республиканьке тячи—странать инь  вишкста вииякшни региононзон эзда фкясь.
10.01.2019  № 1
 

Мордовия Республикань культурань, национальнай политикань, туризмань и архивнай тевонь министрсь А.М.ЧУШКИН: «ЛАДЯМА СЕМЬЯСОНТ И САТФКСТ ТЕВСОНТ!»

28.12.2018
 

Н.П.Огарёвонь лемса Национальнай исследовательскяй Мордовскяй государственнай университетонь ректорсь С.М.ВДОВИН: «КАТК ЁТАФТОВИХТЬ ЭРЯФС СЕМБЕ ВАЛДА МЯЛЕНТЕ И ПЛАНОНТЕ!»

28.12.2018
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин