Поиск по сайту: 
 

Архив
 октябрь 
 2018 
пн вт ср чт пт сб вс
1234567
891011121314
15161718192021
22232425262728
293031    

 
 

 

События

Футболть коряс Миронь чемпионатть ПИНГста Саранскяйса тиема безопасностень вии система


Ётай недялять, 10 ноябрьста, Мордовияв сашендсь Российскяй Федерациянь гражданскяй оборонань тефнень, чрезвычайнай ситуациятнень и перьфпяльдень зияттнень лятксснон машфтомаснон коряс министрсь В.А.Пучков.
Сон проверязе 2018 кизоня ётафтови футболть коряс Миронь чемпионатть участниконзон и инжиензон безопасностьснон обеспечендамаснон коряс МЧС-нь республиканскяй подразделениятнень анокшиснон. Министрть Рузаевкаса васьфтезь Мордовия Республикань Оцюнясь В.Д.Волков, Мордовия Республикать эзга Главнай федеральнай инспекторсь М.С.Сезганов, Россиянь МЧС-ть Мордовия Республикать эзга Главнай управлениянц начальникоц А.Г.Наумов.
Шить Саранскяйса «Старт» стадионть маласа МЧС-нь поисково-спасательнай службань сотрудникне ётафтсть ученият, нолдамок тевс вертолёттнень, автоцистернатнень, аварийно-араламань  машинатнень и лия техникать. Учениятнень эса маштомошиснон няфтезь кинолокне и водоласне.
Мордовия Республикаса В.А. Пучков ётафтсь несколька пуромкс. Саранскяйса примась участия МЧС-нь республиканскяй подразделениятненди од техникань максомань церемоняса, кона ульсь Советскяй площадьса. Тяниень пингонь инь од техникась—автоцистернатне, пожарнай машинатне, квадроциклатне, гидроциклась и васенце лезксонь автомобильсь кармайхть нолявома тевс маластонь пингть и футболть коряс Миронь чемпионатть матчензон Саранскяйса етафтомстост безопасностть обеспечендамста. Кой-кона техникась Мордовияв сась васенцеда. В.А.Пучков максозень Мордовиянь пожарнайхненди и спасательхненди пожарно-техническяй вооружениянди, экипировканди и беспилотнай системанди сертификаттнень.
Мордовия Республикань Оцюнясь В.Д.Волков азсь благодарностень валхт Российскяй Федерациянь Президентти В.В.Путинонди, МЧС-нь руководствати Мордовиять лангс башка мялень шарфнеманкса, пожарнайхнень и спасательхнень подразделенияснон материально-техническяй базаснон кемокстаманкса.
Сяда тов Республикань Кудть Мраморнай залсонза Российскяй Федерациянь гражданскяй оборонань тефнень, чрезвычайнай ситуациятнень и перьфпяльдень зияттнень ляткс-снон машфтомаснон коряс министрсь В.А.Пучков етафтозе чрезвычайнай ситуациятнень инголдамаснон и машфтомаснон коряс Правительственнай комиссиять и региональнай комиссиять рабочай группаснон марстонь заседанияснон. Пуромксть пингста В.А.Пучков азозе, што марстонь тевть васенце целец—виияфтомс республикань эряйхнень безопасностьснон комплекснайста, семботь тиемс социальнай, экономическяй и лия проекттнень эряфс етафтомаснон инкса, виияфтомс пожарно-араламань подразделениятнень и лия службатнень анококс улемаснон.
Мяль шарфтфоль федеральнай службатнень и структуратнень ёткса сотксонь кирдемати, законодательнай базать цебярьгофтоманцты, лия ширетненди.
Кода мярьгсь В.Д.Волков, футболть коряс Миронь чемпионатти анокламста эрь объектть строямац мольфтеви МЧС-ть участиянц мархта, кона ваны пожарнай безопасностень мератнень пяшкодемаснон мельге.
Т.АЛЬШИНА.

20.11.2017 №
 
 
 

 
НОВОСТИ
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

Турчак: В парламенты всех 85 субъектов России внесены законопроекты о сохранении региональных льгот для людей предпенсионного возраста

На сегодняшний день в парламенты всех субъектов Российской Федерации внесены
законопроекты о сохранении региональных льгот для женщин, достигших 55 лет, и для
мужчин 60 лет. Об этом сообщил секретарь Генерального совета «Единой России»
Андрей Турчак.
«На сегодняшний день в парламенты 85 субъектов РФ внесены законопроекты о
сохранении региональных льгот для граждан предпенсионного возраста – женщин 55 лет
и мужчин 60 лет. В 37 регионах законы о сохранении региональных льгот в прежних
возрастных границах уже приняты законодательными собраниями. Из них в 18 субъектах
РФ документы подписаны губернаторами. Еще в трех регионах данные законопроекты
рассмотрены и приняты в первом чтении. В 45 регионах России законопроекты будут
рассмотрены в самое ближайшее время: в большинстве – до конца сентября и в
нескольких – в октябре», – заявил Турчак.
По его словам, сохранение региональных льгот для людей предпенсионного возраста –
один из важнейших вопросов, который поднимался в субъектах РФ при обсуждении
совершенствования пенсионной системы. «Поэтому на совместном заседании
Генерального совета и Совета руководителей фракций мы приняли решение рассмотреть
вопрос о сохранении региональных льгот для людей предпенсионного возраста в
осеннюю сессию. Нашу инициативу в своем обращении поддержал Президент России
Владимир Путин», – напомнил Турчак.
24.09.2018
 
 

РЕГИОНАЛЬНАЙ ЛЬГОТАТНЕ ПЕНСИОНЕРХНЕНДИ ВАНФТОВИХТЬ

20.09.2018  № 37
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин