Поиск по сайту: 
 

Архив
 октябрь 
 2018 
пн вт ср чт пт сб вс
1234567
891011121314
15161718192021
22232425262728
293031    

 
 

 

Национальная тематика

«КЕМОКСНЕСАСЬК РОССИЙСКЯЙ НАЦИЯТЬ»

—Екатерина Анатольевна, кодама тефт тиенди общественнай организациясь, конань эса тон вятят Од ломанень комиссиять тевонзон эса?
—Москувонь Правительствать видеса региональнай землячествань Координационнай Советсь историко-культурнай мероприятиянзон вельде, конат сатомшка сидеста етафневихть Москуса и Московскяй областьса, кемокстай лама ширдень соткснень эса российскяй нациянь нароттнень еткса.
Кепотьксонди, Москуса тячи эряйхть российскяй нациянь пцтай сембе нароттнень представительсна. Сембе синь пуроптфт землячествас. Ня землячестватне, конатнень еткса няевикс вастса ащи Мокшэрзянь землячествась, пуроптсть эстеест Москувонь Координационнай Совет. Тяфта тиф сянкса, штоба сяда курокста пяшкотькшнемс тя или тона кизефкснень марстонь мероприятиятнень етафтомаснон коряс. Тяда башка, Координационнай Советть пуромксса ванондовихть и марстонь мяльса-вийса машфневихть прябалатне, конат эвондакшнихть кой-мзярда Москувонь межнациональнай или межрелигиознай ширетнень мяльса кирдезь.
—Мокшэрзянь землячествась Москуса лия народонь землячестватнень еткса ащи няевикс вастса. Пара улель содамс, коса шачсть-кассть активистонза? И мес ушедсть Москуса общественнай тевонь вятема?
—Москувонь Мокшэрзянь землячествать пцтай сембе активистонза шачсть-кассть Мордовияса. Монцьке шачень-касонь Ковылкинскяй райононь Васильевка велеса, коса и шумордайне средняй школать. Алязе и тядязе родной кялень и литературань учительхть.
Алязе, Анатолий Иванович Алямкин, 25 кизода ламос работась школань директоркс. Сон—Российскяй Федерациянь Народнай образованиянь отличник. Тядязе, Галина Викторовна, Мордовия Республикань Заслуженнай учитель. Синь тонафтомазь тядянь-алянь кяльть и мокшэрзянь национальнай культурать кельгомост, мезенкса азондан теест оцюдонга оцю сюкпря.
Инь оцю задачась, койсон, конань эса пяшкоди Москувонь Мокшэрзянь землячествась лия народонь землячестватнень мархта марстонь вийса—тя национальнай компонентть ванфтомац. И, тяда башка, российскяй нациянь нароттнень представительснон еткса, конат эряйхть Москуса и Московскяй областьса, межнациональнай и межрелигиознай соткснень кемокстамсна.
Эсь вийса тяфтама тев мольфтян Москувонь региональнай землячествань од ломаттнень еткса.
—Екатерина Анатольевна, улема, общественнай тяфтама работать вятеманцты фалу кондястихть эрявикс содамошитне…
—Средняй школать шумордамдонза меле тонафнень Московскяй областень «Дубна» Международнай университетонь психологическяй факультетса, сяльде—аспирантураса. Аралань «Особенности национального характера этнических стереотипов молодежи, проживающей в Мордовии» лем ала диссертация. Арань психологическяй наукань кандидатокс.
Общественнай тевонь тиемда башка, «Дубна» Международнай университетса тонафтан од ломаттнень эса психологияти.
—Кодама няевикс тефт тись мекольдень пингть региональнай землячествань Москувонь координационнай Советть Од ломанень комиссияц?
—Эряви азомс, Од ломанень комиссиясь марстонь вийса аноклакшни и етафни пуромкст общественнай лия организациятнень мархта, а тяфта жа государственнай структуратнень лезксснон вельде.
Тядде етафтоме оцю работа «Волгась—ялгаксшинь ляй» Международнай этнокультурнай экспедицияса. Надиян,   пингстонза Мордовия Республикань и Россиянь лия региононь наукань, культурань, литературань и общественнай лия деятельхнень мархта тиеме лама цебярь тев, конат сядонга кемокстасазь российскяй нациянь нароттнень еткса межнациональнай и межрелигиознай соткснень.
Тяка надиямать кирдине мяльсон «Россия—земля моя» Москувонь межрегиональнай поэтическяй конкурсть етафтомста, Од ломанень и студентонь Всемирнай фестивальса работамста, Народонь единствань шити анокламста.
Надиян, што сяда товга тевоньке, конатнень  карматама тиема маластонь пингть, кармайхть кемокстама российскяй нациянь нароттнень еткса сембе ширдень соткснень.
—Удалаза арьсефонте, Екатерина Анатольевна.
В.НЕСТЕРОВ.

20.11.2017 №
 
 
 

 
НОВОСТИ
 
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

Турчак: В парламенты всех 85 субъектов России внесены законопроекты о сохранении региональных льгот для людей предпенсионного возраста

На сегодняшний день в парламенты всех субъектов Российской Федерации внесены
законопроекты о сохранении региональных льгот для женщин, достигших 55 лет, и для
мужчин 60 лет. Об этом сообщил секретарь Генерального совета «Единой России»
Андрей Турчак.
«На сегодняшний день в парламенты 85 субъектов РФ внесены законопроекты о
сохранении региональных льгот для граждан предпенсионного возраста – женщин 55 лет
и мужчин 60 лет. В 37 регионах законы о сохранении региональных льгот в прежних
возрастных границах уже приняты законодательными собраниями. Из них в 18 субъектах
РФ документы подписаны губернаторами. Еще в трех регионах данные законопроекты
рассмотрены и приняты в первом чтении. В 45 регионах России законопроекты будут
рассмотрены в самое ближайшее время: в большинстве – до конца сентября и в
нескольких – в октябре», – заявил Турчак.
По его словам, сохранение региональных льгот для людей предпенсионного возраста –
один из важнейших вопросов, который поднимался в субъектах РФ при обсуждении
совершенствования пенсионной системы. «Поэтому на совместном заседании
Генерального совета и Совета руководителей фракций мы приняли решение рассмотреть
вопрос о сохранении региональных льгот для людей предпенсионного возраста в
осеннюю сессию. Нашу инициативу в своем обращении поддержал Президент России
Владимир Путин», – напомнил Турчак.
24.09.2018
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин