Поиск по сайту: 
 

Архив
 июль 
 2019 
пн вт ср чт пт сб вс
1234567
891011121314
15161718192021
22232425262728
293031    

 
 

 

Культура

«МОКШЕНЬ ПРАВДА»—МОКШЕНЬ ЭРЬ СЕМЬЯТИ»,—мярьгсь ГТРК-нь «Сияжар» национальнай отделть корреспондентоц П.Н.Капков

Национальнай изданиясь лезни тейнек, мокшетненди, ванфтомс родной кяльть, литературать, аф юкснемс кунардонь койхнень-обуцятнень. Эрь номерса оцю мяль шарфневи национальнай культурать ванфтоманцты-виияфтоманцты. Газетась ётась кувака ки, и кеняртьфти ся, што сон кизоста кизос арси сядонга мялень салайкс, козякс содержанияс и мазыкс оформленияс коре.
Эсь кяльсонк лисенди газетаньке оцю васта занци Мордовиять эряфса. Сонь аф ёмла путксоц литературнай кяльть грамматическяй норманзон ладямаса, мокшэрзянь ламоц писательхнень и поэттнень касомаса. Кда варжакстомс ингольдень газетати, ули кода няемс, што эрь журналистсь сёрмадсь кода-бди эсь диалектсонза. Ётасть кизот, сембось арась эсь вастозонза. Тяни, койсон, «Мокшень правдаса» сембе материалхне сёрматкшневихть литературнай мокшень кяльса.
Родной валса лисенди изданияса ули мезе морафтомс сембонди. Лопанянзон эса кепсевихть экономикань, велень хозяйствань, политикань, социальнай, культурань и лия кизефксне. Сидеста пачфневи, кода эряйхть-ащихть мокшэрзятне лия региоттнень эса. «Мокшень правдаса» азонкшневи, кода Мордовиянь, стане и сембе Россиянь содаф ломаттнень колга. Тяка пингть, сяда лама сёрмадома велень простой ломаттнень колга. Тоса лама сиреняда, конатнень пяк аф тёждяль эряфсна, но фалу панжада ваймосна, синь инжиень примай ломатть.
Эсь кяльса-валса лисенди газетань смекайхне-арьсихне сёрмадыхть шарьхкодеви, афкуксонь мокшень кяльса. Газетаса азонкшневи и финно-угратнень эряфснон колга. Тяни тя ширети шарфневи оцю мяль. Шнама ся, што газетась кирди соткст библиотекатнень мархта, коса сидеста ётафневихть финно-угорскяй мирти лемтьф мероприятият.
Целайнек газетась «аськоляй» пингть вешфксонзон коряс. Мон сонь морафнине, морафнеса и карман морафнемонза. Мярьголень мокшень сембе ломаненьконди сёрматфтомс и морафнемс «Мокшень правдать».

20.11.2017 №
 
 
 

 
НОВОСТИ
 
 
 
 
 
 
 

«Сембось ушеткшни ёфксста!»

Тяддень 24-27 июньцта Мордовия Республикаса, республикань Общественнай палатать тердеманц коряс, рабочай визит мархта ульсь советскяй и российскяй содаф писательсь В.А.Бахревский.
24 июньцта Мордовия Республикань Пресс-центраса сон васетькшнесь республикань писательхнень, поэттнень и журналисттнень мархта. Васедемать вятезе Мордовия Республикань Общественнай палатать председателец, историческяй наукань докторсь И.В.Капитонов.
Васедемать ушетксста Иван Владимирович пуромфненди нюрьхкяняста азондсь писательть эряфонь и творческяй кинзон колга. Владислав Анатольевич Бахревский—советскяй и российскяй прозаик, поэт, идень писатель, драматург, публицист, критик—шачсь 1936 кизоня Воронежса. Сермадсь и нолдась иттненди и оцюфненди 30-да лама книга. Инь содафокс арасть сонь «Василий Шуйский», «Никон», «Аввакум», «Страстотерпцы» и лия историческяй романонза. Тяфта жа арасть содафокс «Дворец Золушки», «Кот в сапогах с секретами», «Первоклассник Митя и кролик Ушки-на-макушке» емла лувити ефксонза и азксонза.
27.06.2019  № 25
 

Саранскяйса казезь «Победань диктантса» сяськихнень

22 июньцта, Лятфнемань и ризнамань шиня, Мордовиять столицаса казезь «Победань Диктант»—Великай Отечественнай  войнань темас коре Всероссийскяй диктантть сяськиензон.
Сяськихнень чествовандазь 1941-1945 кк. военнай и трудовой подвигонь Мемориальнай музейса. Синь поздравляндазень и макссь питни казнет «Единая Россия» партиянь МРО-ть Секретарец, партиять Генеральнай советонц членоц Владимир Васильевич Чибиркин.
—Минь аф аньцек лятфнесаськ геройхнень, но и мяленьке шарфтомс общественностть мяленц етай шинь пелькс событиятнень лангс. Историять эряви содамс и мяляфтомс сембонди, штоба куломань канды войнась, кона сявсь 27 миллион ломанень эряф, афоль уле  вестевок. Историять содаманц касфтоманкса и героическяй етай пингть аф лац няфнеманц аф нолдаманкса «Единая Россия» партиять инициативанц коряс сембе странать эзга 7 майста етафтовсь Великай Отечественнай войнань темать коряс Всероссийскяй диктант—«Победань Диктант».
27.06.2019  № 25
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин