Поиск по сайту: 
 

Архив
 апрель 
 2019 
пн вт ср чт пт сб вс
1234567
891011121314
15161718192021
22232425262728
2930     

 
 

 

Обо всем понемногу

«КОДАМА СЕМЬЯ ФКЯ-ФКЯНЬ ЭЗДА ИЧКОЗЕ ЭРЯЗЬ»,—мярьгсь телеведущайсь Ирада Зейналова

—Васенце мирдезень мархта эряме 20 киза. Ламос арьсекшнень мархтонза явомать колга. Алексей—пяк цебярь ялгась, алясь, но ётксонк сотксне сязевсть. Минь кафцьке журналисттама, фалу уленттяма кувака пингонь командировкаса, аф эрси семья фкя-фкянь эзда башка эрязь! Мон аф содан тяфтама цебярь примерхт и тя кить эзга ётань монць. Мзярда ломаттне эряйхть разнай странава, синь катк пяк и кельгихть фкя-фкянь, катк сидеста улендихть фкя-фкянь ширеса, но мирдекс-рьвакс улемась—тяфтама тев, конань лангса работамс эряви эрь шиня. Мзярда марсотада, то кастада марса. Тинь марстонь атмосферанте, арьсетяда фкянь колга. Мзярда эрятада кафта кудга, тя пяк явфты.
Мон сань путомс тянди пе, мзярда шарьхкодень, што кармань кельгома лиянь. Мярьгонь Алексеенди: «Эрь явфтама, сяс мес кафцьконди эряви улемс павазукс. Тоньге и моньге ули тянди шансоньке, эрь нолдасаськ сонь тевс. Тейнек аф тняра ни пингта лядсь, мезенди карьхцямс сонь стане, штоба стакалгофнемс ётксонк отношениятнень?» Леша эстокиге шарьхкодсь: мон аф пеетькшнян.
Родительненди азыне телефон вельде. Алязе мярьгсь, што лисень ёньда. А мон отвечань, што любой сотксне сязендевихть. Цёразе васьфни и корхни алянц мархта.
Сашань васьфтине монцьке ашень шарьхкоде кода. Минь лама пинге работцеме марса. Ломаттненди эряви улемс сложнайкс, а синь отношениясна—тёждякс. Кда синь лоткасть фкя-фкянь кельгомда, пинге явомс, кда кельгихть, эряви молемс загсу. Ламос арьсекшнень тянь лангса. Аф весть сашендовсь морафнемс статьят тяфтама заголовка ала: «Кда тинь проста эрятада марса—тя кись козовок аф вяти». Ялгане корхнесть ёфси лиякс: «Тонь мзяра кизодот? Мезенди лисемс рьвакс? Мезть полафтсы штампсь?» Фкя пингть Саша шарьхкодсь, што прясон аф шарьхкотьф мезе, эряви алякс тиемс порядка. И мярьгсь: «Кда лувондсак, што браксь—тя пяк эряви, тя важна, значит, и монга тяфтама мяльс сашендан».
Эряфсон полафткснень колга церазти азонь видеста. «Цёраняй, эряфсон эвондась лия аля, мархтонза содафтте. Тон содасак—ломанць мон серьёзнаян, проста тяфтак бралгома аф карман. Саша тейне эряви. Сяс вятьк мархтонза пряцень цебярьста». Мзярда азоськ Тимуронди, што мяленьке рьвяямс, сон мярьгсь: «Тядяй, эрь семботь арьсесаськ марса. Тевсь серьёзнай». Ваноськ сембе ширетнень и саме фкя мяльс.

07.12.2017 №48
 
 
 

 
НОВОСТИ
 
 
 
 
 
 

МОРДОВСКЯЙ ГОСУНИВЕРСИТЕТСА ПАНЧФ УЧЕБНО-НАУЧНАЙ ЛАБОРАТОРИЯ

2 апрельста Мордовиянь Оцюнясь В.Д.Волков ульсь Н.П.Огаревонь лемса      МГУ-са, коса ванозе лекарственнай средствань технологиянь учебно-научнай лабораториять и корхнесь од ученайхнень и студенттнень мархта.
Лекарственнай средствань технологиянь учебно-научнай лабораториясь панчфоль Физикань и химиянь институтть видеса 2019 кизоня университетть и «Биохимик» АО-ть марстонь вийса. Тянкса нолдафоль пцтай 4 миллиотт цалковай (фкя миллион цалковайсь—предприятиять). Лабораториясь козякофтф тяниень пингонь оборудованияса, кона максси возможность етафнемс аф аньцек учебнай занятият, но и фармацевтическяй субстанциятнень и анок лекарственнай форматнень технологияснон анокламанц коряс научнай исследованият. Лабораторияса студенттненди ули кода пяшкодемс лекарственнай препараттнень производстваснон действующай веществать синтезонц эзда сявомок анок продукцияти молемс. Лиякс мярьгомс, тевса варчсесазь университетса получаф содамошитнень.
11.04.2019  № 14
 

1 апрельста ушедсь 2019 кизоть омбоце пяленцты газетас и журналс сёрматфтомась

11.04.2019  № 14
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин