Поиск по сайту: 
 

Архив
 октябрь 
 2018 
пн вт ср чт пт сб вс
1234567
891011121314
15161718192021
22232425262728
293031    

 
 

 

Юмор и сатира

ВАСЬКАФТОМАЗЬ

Ну и сосед тейне повсь! Инголи рьвязень мархта нармоннякс эряме, ширем валня фкя-фкянди вестенге ашеме азонда. Кодак етась ваксстон квартирати Фитилькин, сембось меколанкт тусь, рьвять мархта ёткованк, мярьгат ни, аф равжа ката, а микрорайононь сембе мявкснихне комболфса эрь шиня тов-сей арнихть.
—Кулхцонтт,—корхтай тейне кода-бди законнай пяльксозе,—кияксоньке бта кодама-бди урмаса сярядсь. Тяса—пятна, тоса—киськоркс. Ремонт эряволь тиемс.
—Ремонт, конешна, афоль шоря тиемс, аньцек вов краска коста добуват—омбоце ковсь работада меле магазинга ласькондян.
—Работада меле можешь вазнянь нарама ковти ласькондемс,—керозь керомань рьвясь.—А вов соседсь Фитилькин исяк тусь работаста и на тейть—вете банкат кандсь.
—Ся кода стане—тусь работаста?—дивандань мон.
—Можна арьсемс,—пяльксозе варжакстсь аф лангозон, а коза-бди шири,—тон космонавтокс работат, а аф рядовой инженеркс. Фитилькин вов ветеце разрядонь токарь, станок кядялонза, а аф киндивок аф эряви каготт, колмочесь рьванцты кямот рамась.
—Шять, отпускса ломанць?
—Ну да!—шлепадезе начка тряпкать ефси пильгалон,—тейть-арам, ломатть аньцек отпускста рьваснон кельгсазь, да? Тонь рьвяце хуш кяпе яказа, тейть сяка. Аньцек и содат—работа, работа... А Фитилькинонь рьвац пирьфса азондозе: мирдец ковти колмоксть премиальнайхть получси. Да нинге, кле, прогрессивка моли. Вот тя аля!
Краска мон, конешна, рамань, савсь фкя пенсионеронди якстеренди тонгомс. Кямотка рамань, но Фитилькин сяшкава кемоста сувась эряфозон—ашине сода мезе и тиемс. И апак учсек лездсь сонць... Фитилькин.
Кода-бди ёткшиста лисеме эряень келеса пирьфть урядама. Трудендаме, значит, ваймама лоткаме скомнянять лангс и озань нарошна ваксозонза, сардоня кизефтень (хуш и аф курендан).
—Сардонясь аф ужяль, сосед,—аф мяль вельде отвечась сон.—Аньцек тейть пчкяль афолень макса.
—Ся мес стане?—абондонь мон.—Кати-мес аф шарьхкотте.
—А месть тяса шарьхкотькшнемс? Кодак ётань тяза, сембось меколанкт тусь эряфсон. Рьвясь порезь-пори эсон, аньцек и кульсак: Футин тянь рьванцты рамазе, Футин сянь добувазе, Футин тоза срхкай, Футин тняра получай. Мзярда семботь кенерькшнят тиемс?
Мон ашень кирде и кайгиста рахазевонь. И абондомать эзда сонь сельмонза келемсть. Савсь семботь азондомс лац-ряц, и тяда меле сон ни топодемс рахась.
П.ВЕЛЬМАТОВ.

07.12.2017 №48
 
 
 

 
НОВОСТИ
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

Турчак: В парламенты всех 85 субъектов России внесены законопроекты о сохранении региональных льгот для людей предпенсионного возраста

На сегодняшний день в парламенты всех субъектов Российской Федерации внесены
законопроекты о сохранении региональных льгот для женщин, достигших 55 лет, и для
мужчин 60 лет. Об этом сообщил секретарь Генерального совета «Единой России»
Андрей Турчак.
«На сегодняшний день в парламенты 85 субъектов РФ внесены законопроекты о
сохранении региональных льгот для граждан предпенсионного возраста – женщин 55 лет
и мужчин 60 лет. В 37 регионах законы о сохранении региональных льгот в прежних
возрастных границах уже приняты законодательными собраниями. Из них в 18 субъектах
РФ документы подписаны губернаторами. Еще в трех регионах данные законопроекты
рассмотрены и приняты в первом чтении. В 45 регионах России законопроекты будут
рассмотрены в самое ближайшее время: в большинстве – до конца сентября и в
нескольких – в октябре», – заявил Турчак.
По его словам, сохранение региональных льгот для людей предпенсионного возраста –
один из важнейших вопросов, который поднимался в субъектах РФ при обсуждении
совершенствования пенсионной системы. «Поэтому на совместном заседании
Генерального совета и Совета руководителей фракций мы приняли решение рассмотреть
вопрос о сохранении региональных льгот для людей предпенсионного возраста в
осеннюю сессию. Нашу инициативу в своем обращении поддержал Президент России
Владимир Путин», – напомнил Турчак.
24.09.2018
 
 

РЕГИОНАЛЬНАЙ ЛЬГОТАТНЕ ПЕНСИОНЕРХНЕНДИ ВАНФТОВИХТЬ

20.09.2018  № 37
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин