Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

«Мон вии Президентть инкса!»

Странать келес моли 2018 кизонь 18 мартонь кочкаматнень эса Россиянь Президентонди кандидаттнень ширеснон кирдеманкса подписень кочкамась. Законц коре самовыдвиженецненди эряви кочкамс 300 тежянь подпись. Ся кандидаттненди, конат молихть партиятнень эзда, кочкама 100 тежянь подпись.
9 январьста сявомок Саранскяень мишендемань оцю центратнень эса волонтерхне ушедозь Владимир Владимирович Путинонь ширенц кирдеманкса подписень кочкамать.
«Вии Президентсь—вии Россиясь» стенттненди коль мольсть и мольсть ломатть. Етксост отт и эряфкшуфт, аф фкя национальностень и профессиянь ломатть. Тяса волонтерхне пяшкотькшнезь подписной листтнень, конатнень эса кота графат. Васенце ниле графатне—тя паспортнай даннайхне. Мекольце кафта графатне—шить и подписть кочкайхне должетт путомс синць. Эрь лопанять лангс ули кода путомс аньцек 10 подписть. Сятненди, кинь ули мялец кирдемс В.В.Путинонь ширенц, обязательна няфтема российскяй гражданства мархта паспортснон, и теест должен улемс аф 18 кизода кржа.
Васенцетнень эзда стендти маладсь Саранск ошень эряйсь Е.С.Бикеева. Елена Семеновна азозе, што кочкаматнень эса участвондамать сон лувондсы гражданскяй долгокс и мзярдовок аф лядонды шири странать эряфса тя оцю событиять эзда.
—Мон кирнеса Россиянь тячиень Президентть В.В.Путинонь ширенц,—азозе Бике-евась.—И тя сяс, мес мекольдень кизотнень лама цебярь полафткс эвондась кода целайнек странаса, стане и минцень республикасонк. Кепси мяль ся, што виияфневи социальнай сферась, касфневихть зарплататне. Кода образованиянь работник, аф кулемас коре содаса, мезе сатф-тиф мекольдень пингть тя ширеса. Тушенды мялезон и ся, кода Владимир Владимирович вятьсыне тефнень лия странатнень мархта. Лия Президент странаньконди мон аф няян.
Чамзинскяй райононь Комсомольскяй поселкань эряйсь Н.В.Кузнецова стане жа азозень эсь мялензон-арьсеманзон.
—В.В.Путинонь коряс сяда достойнай кандидат мон, видеста азомс, аф няян,—мярьгсь Наталья Владимировна.—Сявомс хуш минцень столицаньконь, Саранскяйть. В.В.Путинонь ширень кирдеманц вельде сон мекольдень кизотнень панчфокс панжи. Ульсь пинге, мзярда ошса стройсевсть фкя-кафта куд кизоста. Тяни од стройкатне Саранскяйса пангокс касыхть. Етксост идень сатт, школат, медицинскяй учрежденият. Башка мялезе лоткамс здравоохранениянь системать лангс. Больницятне, поликлиникатне козякофневихть од оборудованияса, тяни сярядихненди сембе эрявикс медицинскяй лезксть ули кода получамс эсь республикасонк.
В.В.Путинонь руководстванц ала марнек странаньке кассь-вииясь. И тя, аф ваномок санкциятнень лангс. Мон вии Президентть инкса.
Людмила Александровна Лаврова—пенсионерка. Валонзон коряс, кепсесы мяленц ся, што тяниень пингть лама тиендеви од поколенияти.
—Тячи иденьконь и уноконьконь инголе панжадот сембе кенкшне. Тонафнемань од программатне, од технологиятне, идень технопаркне, тяниень пингонь школатне—сембось тя тиендеви од ломаттненди, сай пингоньконь инкса. Эсь корхтамасонза Владимир Владимирович Путин аф весть азонкшнезе от-тненди: «Сембось ащи тинь эздонт! Сай пингсь—тя тинь!» И сонць лама тиенди оттнень инголе од кинь-янонь панчсеманкса.
В.В.Путин—вии лидер. Мон инксонза!
О.ЕВДОКИМОВА.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022