Поиск по сайту: 
 

Архив
 ноябрь 
 2018 
пн вт ср чт пт сб вс
   1234
567891011
12131415161718
19202122232425
2627282930  

 
 

 

События

САРАНСКЯЙСА «ЛЫЖНЯ РОССИИ-2018» АКЦИЯСА ПРИМАСЬ УЧАСТИЯ 4 ТЁЖЯНЬДА ЛАМА ЛОМАНЬ

 10-це февральста республиканьконь столицаса тёжятть ломань лисендсь келеса соксса ласькома.  Ласьксть сембе: школьникт, студентт, рабочайхть, инженерхт, врачт, госучреждениятнень эса покодихть… Кода меколи содавсь, ниле тёжяньда лама ломань ульсь «Лыжня России-2018» лем ала акцияса. Сон арась афкуксонь праздникокс. Сембонь кепотьфоль мяльсна, перьфпяльге кулевсть рахсемат, шутендамат!
«Лыжня Россиить» торжественнайста панжемаса примасть участия Саранск ошень мэрсь  П.Н.Тултаев, МР-нь спортонь министрть васенце заместителец В.Ф.Учайкин. Кепотьксонди, эсь корхтамасонза Пётр Николаевич азозе, што «Лыжня Россиись» пуропнесыне   марс    оттнень и сиретнень, сембе национальностень и вероисповеданиянь ломаттнень. Кле, кажнайть, кие стясь сокс лангс, можна лувомс сяськикс.
И афкукс, сяськикс ня соревнованиятнень эса можнат лувомс сембонь: и сятнень, кит эсь дистанцияснон ётамста лувондозь эрь минутать и секундать, и сятнень, кит соксонь кинява мольсть аф эряскодозь, фкя-фкянь мархта пара мяльса корхнезь.
Кода фалу, соксса ласькихненди аноклафтольхть и максфтольхть казнет. Сяськикс «Лыжня России» акцияса лиссть Наталья Ушкина, Карина Дудоладова, Ярослав Бякин, Евгений Гурьянов, Роман Шутов и лиятне. Команднай первенстваса сяськсть Н.П.Огаревонь лемса  Мордовскяй госуниверситетсь и «Биохимиксь».
«Лыжня России-2018» акциясь нинге весть няфтезе, што минь республикасонк эряйхне кельгсазь спортть и сембе ширде шнасазь ся курсть, кона мольфтеви миньцонк массовай физкультурать и спортть виияфнемаснон коряс.

16.02.2018 №
 
 
 

 
НОВОСТИ
 

УШЕДСЬ «Шумбрат, Мордовия!»—«Vivat, Чемпионат!» ФЕСТИВАЛЬСЬ

25.10.2018  № 42
 
 
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин