Поиск по сайту: 
 

Архив
 январь 
 2019 
пн вт ср чт пт сб вс
 123456
78910111213
14151617181920
21222324252627
28293031   

 
 

 

Письма из села

Мелянь сатфксне кеняртьфтихть

 
Рузаевскяй райононь агропромышленнай комплексонь работникне мелянь кизонь итокнень коряс сатсть аф кальдяв сатфкст. И тянди лездсь тевти азоркс малаткшнемась, тяниень пингонь технологиятнень тевс нолямасна. Инь оцю урожай сатсть «Исток» ООО-нь труженикне, эрь гектарста получамок 62 центнер сёра. «Агросоюз-«Левженский» ООО-са получаф эрь гектарста 57 центнер, «Красное Сельцо» ООО-са—52 центнер сёра.
Цебярь результатт сатсть Р.Тишкинать, Н.Сардаевонь крестьянско-фермерскяй хозяйстваснон эса. Целайнек районга урожайностсь 42 центнер гектарста. Тя показательсь кепси мяль. Ингольдень кизоть коряс кассь 29 процентта.
Мезть эзда ащихть ня сатфксне? Инголе моли хозяйстватне тевс нолясазь районированнай сортонь видьмотнень, тяниень пингонь техникать и лия однять.
Аньцек шнама валхт азома и животноводствань тевса заняфнень колга. Кепотьксонди, тядденди аноклаф 34 тежянь тонна силос, 60 тежянь тонна сенаж, 5 тежятть тонна тише. Тя—45 кормовой единица эрь жуватати. Аф кальдяфт сатфксне и лофцонь потямаса. Киза кувалмоста эрь траксста получаф 7 тежяньда лама килограмма лофца. Районца сембоц получаф 36 тежянь тонна. А, примеронди, «Исток» ООО-са тя показательсь пачкотькшни 11 тежянь тоннати эрь траксста «Агросоюзсь» и «Агросоюз-«Левженский» хозяйстватне пачкотькшнихть 10 тежятть тоннати эрь потяма траксста.
Лятфнеса 1985 кизоть, мзярда работань главнай зоотехникокс эстонь «Мир» совхозса. Эрь траксста, мяляфтса, потьнеф 3,5 тежянь тонна лофца киза кувалмоста. Конашка сатфксокс эста тя лувондовсь аф аньцек совхозсонк, но и сембе районца. Кода азозе райононь оцюнять заместителец С.В.Горшков, тейнек, кле, эрявихть аф аньцек топодемс андомс жувататнень, но и получамс лама лофца.
Ламода полафтсь лофцть качествац сяда меле, кода «Молоко» ООО-са тифоль реконструкция и ладяфоль од оборудования. Ломаттне вешсазь и оцю мяльса рамсесазь тостонь продукциять.
Но райононь хозяйстватнень аш мяльсна лотксемс сатфксть лангс. Инголе синь оцюфт планцна. Кепотьксонди, 2018 кизоня «Исток» ООО-са арьсеф строямс эсь средстваснон лангс 500 жуватанди карда, а «Красное Сельцоса»—1000 жуватанди. Аш мялец лядомс эздост и крестьянско-фермерскяй хозяйствань вятить Р.И.Тишкинать. Арьсекшни строямс од эряма васта 400 жуватанди Верхняй Урледимса.
Тяддень урожайти ушеткс тиф нинге сёксенда. 10 тежяньда лама гектар видеф озимой культураса, сяда оцю площатть заняфт озимой тозерса. Районца сембе вийса мольфтевихть работат тундань видемати анокламать коряс. Аноклавихть машинно-тракторнай парксь, видьмотне и стак тов.
Трудса оцю сатфксонь сатыхне апак отмечак ашесть ляда. Сембе синь казьфтольхть оцю казнеса. Ули надияма, што Рузаевскяй райононь велень хозяйствань труженикне сяда товга кармайхть сатнема мялень салай результатт.
 
В.КУДАШКИН.
Рузаевскяй районць.

26.02.2018 №
 
 
 

 
НОВОСТИ
 

Мордовиянь Оцюнясь Владимир Волков Ётафтсь национальнай проекттнень эряфс етафтомаснон коряс рабочай совещания

17.01.2019  № 2
 
 
 

Ули мезенкса кеняртькшнемс

Монь, кода од ломанень, пяк лад мялезон ся, кода кизоста кизос коль сяда и сяда мазыкс и арукс арси республиканьконь столицац—Саранскяйсь. Тяни ётат сонь ульцянзон, проспектонзон, парконзон, лия вастонзон эзга и седице пяшкоди кенярьдемада, гордостьта и ошть, и марнек Мордовиять инкса. Сембода лама полафткста, конешна, эвондась тяса футболть коряс Миронь чемпионатти анокламста. Ваносте, кодамот тяни ошень китне, вокзалхне! Мяльцень стане жа саласазь «Тавла» гостинично-жилой од комплекссь и Экопарксь. Марнек полафтсь, лиякс арась аэропортсь. Тяни тяста самолетса можна пачкодемс Москуву и Санкт-Петербургу. А мзяра строяф идень садта, школада, гипермаркетта, лама лия пяк эрявикс объектта. А кода аф лятфтамс уникальнай спортивнай объектть—«Мордовия Арена» стадионть. Сон сембоса отвечай тяниень пингонь инь оцю вешфксненди. Аф стак самай тяса меля налхксть миронь инь вии футбольнай командатне. Тя ли аф фантастика, тя ли аф честь сембонди тейнек. А ёфси аф кунара Саранскяйса ётафтфоль эйть лангса конькаса фигурнайста куркснемать коряс Россиянь чемпионатсь. И тяконь лаца спортонь оцю праздникт миньцонк ётафневихть аф шуроста.
Спортсь лихтезе столицаньконь пяк няевикс вастс, тиезе сонь содафокс аф аньцек Россияса, а марнек мирса-масторса. «Саранскяйсь—тя афкуксонь Европейскяй ош, тяса сембось тиф-ладяф оцю уровеньца»,—тяфта азондсазь эсь мяльснон-арьсемаснон столицаньконь колга тяза сашенды инжихне.
Мария Тарасова.
10.01.2019  № 1
 

10 январьста—Мордовиять шачема шиц

Панчфокс панчт, мокшэрзянь краеньке!
Тячи Мордовия Республиканьконь шачема шиц. Топодсь 89 киза, кода теенза максф государственность. 1930 кизонь 10 январьста ВЦИК-ть Президиумоц примась постановления Мордовскяй округть Мордовскяй автономнай областекс тиеманц колга. Тя шись и лувондови мокшэрзянь республикати шачема шикс. А ниле кизода меле тифоль Мордовскяй АССР-сь.
Тянь мархта путфоль цебярь ушеткс касоманди-виияманди. Ётаф пингста ламода кассь республикать экономическяй виец, кеподсь культурась, образованиясь, наукась. Ламоц земляконьке арасть гордостекс аф аньцек Мордовияса, но и сембе Россияса.
Сембода оцю сатфкст миньцонк сатфт мекольдень кизотнень. Мордовиясь путневи примеркс лиятненди, тяза сашендыхть опытонкса, тонафнема. И ули мезти тонафнемс. Республиканьке тячи—странать инь  вишкста вииякшни региононзон эзда фкясь.
10.01.2019  № 1
 

Мордовия Республикань культурань, национальнай политикань, туризмань и архивнай тевонь министрсь А.М.ЧУШКИН: «ЛАДЯМА СЕМЬЯСОНТ И САТФКСТ ТЕВСОНТ!»

28.12.2018
 

Н.П.Огарёвонь лемса Национальнай исследовательскяй Мордовскяй государственнай университетонь ректорсь С.М.ВДОВИН: «КАТК ЁТАФТОВИХТЬ ЭРЯФС СЕМБЕ ВАЛДА МЯЛЕНТЕ И ПЛАНОНТЕ!»

28.12.2018
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин