Поиск по сайту: 
 

Архив
 апрель 
 2019 
пн вт ср чт пт сб вс
1234567
891011121314
15161718192021
22232425262728
2930     

 
 

 

Юмор и сатира


Афкуксонь лемоц сонь Касьян.
 Кати атяц, кати щятяц путфтозе.
 Ялгань ёткса лемнесаськ сяда нюрьхкяняста—Кося. Тяфта, роди, сяда тяниеннекс. Сонцьке стирень кядень люпштамста цютькя ширептьсы прянц, пеедезь мярьги:
—Кося.
Тевсь аф лемсонза, тевсь—кяльсонза. Бритвада оржа. Улихть—пильгалдот кочкяряцень керсазь, афи марясак. Тя—пееттянза, афи фатят!
Весть шра ваксса корхтамась тусь интеллигентностть колга. Кода фалу, мувсь прянь шнафты.
—Афкуксонь интеллигентат аньцек эста, кда атяце аделась институт, аляце тонафнесь университетса, тонценьге высшай образованияце... Монь вага уноксь колледжса английскяй кяльса лочазь-лочай, стирсь аспирантураса, овсь докторскяй ни аралась...
—А ката лефксонте?
—Мезе ката лефксоньке?—нинге изь фатя прянь шнафтысь.
—Американь исследовательхне састь мяльс: афкуксонь интеллигентнай семьяса ката лефксненьге ули ученай степеньцна...
Сускозе кяленц прянь шнафтысь, аньцек сельме алга варжакснесь Косянь лангс.
Сёполить да аф сепови—сонценьге ялганьконь ули лафча вастоц.
Лувись ни шарьхкодсь—мазы аванятне. Няи сельмонь салай ронга, тоцяф пильгонят, прянь шаракофты ванф—семботь юкстасы. Сон аф сон ули, кда аф пшкяди:
—Мирть-масторть ётайне туркс-накось, но косонга тяфтама мазы ават аш. Няйф, сонць Шкайсь мзолгодсь ширезонк варжакстомста.
—А тон Шкайть кучелксоцат, штоли?
—Кодама моньцтон шкаень ломань, грехтон—кафта усфса аф усковихть. А покодян «Мак-бюроса». Содак, мезе тя?
—Сюцне сотцесазь. Кати-кодама «Мак-Дональдс» кулендень, а «Мак-бюро» аш.
—«Мак-Дональдссь» топафты пеке, а минь бюроньке...—Косянь темац ёфси лия.
—Эрь азк ни, месть тарксесак.
—Аньцек тейть, и аньцек пиленязт. Кося комась корхтай ялганцты, азозе тошказь:—«Мак-бюрось»—мазы авань кельгома бюро.
Авань промозсь педа-пес аф содаф киндивок. Кие тяфтама валда меле тркстади, а кие солазь солай.
—И лац пандыхть ся бюросонт?
Кося кунара ни анок тя кизефксти.
—Ватт тонць.
Пялес панчсы дипломатонц, а тоса долларонь кафта пачкат. Якстерь резинканяса фатяфт, аньцек ванондолеть лангозост. Коста крфай сельме аваняти содамс, што долларонь лопанясь аньцек лангстось, алонза пачкаса сянгяря каготт. Но кячкаскясь ёрдаф, и Кося содасы—калнясь сонне.
Весть Кося сась институтозонк. Сельмонза палыхть—аньцек ни цяткт аф ляцихть. Седиса маряйне—кинь-кинь тячи плетяй. И вчек угадясь Кезняйкина Эллась. Тонань вайда тяк анда, аньцек содафтк аф содаф ломанень мархта. Старшай научнай сотрудниконь должностьса, а клянь-млянь каннемада башка мезевок аф тиенди. Оцюнятне кирдсть эсонза сяс, мес Эллать мирдец корязост сяда оцюняль.
Ялганьке цютькя ширептезе прянц, пеедезня азозе лемонц:
—Кося... Сермадан докторскяй...
Сонць палы сельмоса «колдавась» Кезняйкинать эса. Тейне-арам, Кося эстокиге смеказе, кие инголенза ащи.
Эллавок азозе лемонц. Меле куфкстозне кизефтезе инжить.
—А кодама темаце, Кося?
—Дефлорациянь кизефксне.
Тяса азома, што Эллась хуш и старшай научнай сотрудниколь, а смузю валса прянц ашезе матросе. Сонцьке аф мяляфтсы, панчсесь мзярдовок энциклопедия или аш. Но няфтемс пря, што аф содасы, мезень колга корхтамась—цё!
—Дефлорациясь... Флорась... Тя вдь панчфнень колга, виде?
—Виде. Мон нльне мярьголень, инь мазы, инь танцти панчфнень колга. Кой-кит лувондсазь: дефлорациясь сязи стама панчф, конань питнецка аш.
Ужеса озаф аспирантсь Ванюшкин кядьлапшса пандозе кургонц—изь кирдев рахамац. Монга аноколень люпштамс пиленень, содайне, Кося тяни аф лоткафтови.
—Шарьхкодьса, шарьхкодьса. Кодама эрявикс тема сявоть диссертациянди! Аш стама ава, кона афолезе кельге панчфкянь сяземать. Да кда нинге тевсь тиеви од методикань коряс... Шять, муят ётконя—няфтьсак дачаса, кода да мезе.
—А мирдце?
—Сон ответственнай работник: шинек-венек заняф. Да афи шарьхкоди сон мезевок тяфтама кизефксса...
—Кда тяфта—ладна. А ётка мутама, хуш тячиёк.
Маряса корхтамась тушенды ёфси ни аф ся киге. Кие-кие пачфтьсы Эллань мирденцты, мезе срхкась дачаса тифтема рьвясь—сембонь пряньке ляцихть лафтубрястонк. Кода маштонь, ворьфтине Косянь отделста, хуш Эллань мяльс тя пяк ашезь ту.
И мезе кда! Шять, варжаксты энциклопедияв, лувсы, кодама тя валть смузец.
В.ЛОБАНОВ

26.02.2018 №
 
 
 

 
НОВОСТИ
 
 
 
 
 
 

МОРДОВСКЯЙ ГОСУНИВЕРСИТЕТСА ПАНЧФ УЧЕБНО-НАУЧНАЙ ЛАБОРАТОРИЯ

2 апрельста Мордовиянь Оцюнясь В.Д.Волков ульсь Н.П.Огаревонь лемса      МГУ-са, коса ванозе лекарственнай средствань технологиянь учебно-научнай лабораториять и корхнесь од ученайхнень и студенттнень мархта.
Лекарственнай средствань технологиянь учебно-научнай лабораториясь панчфоль Физикань и химиянь институтть видеса 2019 кизоня университетть и «Биохимик» АО-ть марстонь вийса. Тянкса нолдафоль пцтай 4 миллиотт цалковай (фкя миллион цалковайсь—предприятиять). Лабораториясь козякофтф тяниень пингонь оборудованияса, кона максси возможность етафнемс аф аньцек учебнай занятият, но и фармацевтическяй субстанциятнень и анок лекарственнай форматнень технологияснон анокламанц коряс научнай исследованият. Лабораторияса студенттненди ули кода пяшкодемс лекарственнай препараттнень производстваснон действующай веществать синтезонц эзда сявомок анок продукцияти молемс. Лиякс мярьгомс, тевса варчсесазь университетса получаф содамошитнень.
11.04.2019  № 14
 

1 апрельста ушедсь 2019 кизоть омбоце пяленцты газетас и журналс сёрматфтомась

11.04.2019  № 14
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин