Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Торжественнай пуромксста

22 февральста Отечествань аралаень шить лемс Мордовиять столицаса, И.М.Яушевонь лемса Оперань и балетонь театраса, ётафтовсь торжественнай пуромкс,  коза сашендсть Великай Отечественнай войнань, тылонь, трудонь, Советскяй и Российскяй армиянь ветератт, воитт-интернационалистт и контртеррористическяй операциянь участникт, Российскяй армиянь тя пингонь военнослужащайхть, республикань военнай комиссариатонь, правоохранительнай органонь и специалистонь сотрудникт, Мордовиянь государственнай властень, общественнай, культурань и искусствань деятельхть, казакт и кадетт.
Торжественнай пуромксть ушетксста залу сувафтфоль Рославльскяй 326№ стрелковай дивизиять боевой знамяц, сяльде залса пуромфне кулхцондозь Российскяй Федерациять Гимнанц.
Тяда меле Отечествань аралаень шить мархта сафнень поздравляндазень Мордовия Республикань Оцюнясь В.Д.Волков.
—Тячи тя залса пуромсть сят, кит лемдезь эсь эряфснон Родинать араламанцты,—мярьгсь Владимир Дмитриевич.—И сембонь тинь мон поздравляндатядязь тя святой илать—Отечествань аралаень шить мархта! Минь странаньке фалу марясь и маряй гордость пельксонь аф содай эсь воинонзон инкса. Воинскяй коеньке и гордостсь атянь-атяньконь подвигснон инкса кемокстайхть народоньконь эса, лездыхть тейнек молемс инголи и сяськондемс. Мордовияса минь лятфнесаськ героеньконь и путнетяма теест честь. Тяни республикасонк мольфтеви военно-патриотическяй работань месячник, кона лемтьф Сталинградскяй битваса сяськомать 75 кизонцты, Якстерь Армиять тиевомаста 100 кизоти и Отечествань аралаень шити. Ётай кизоня Мордовияса ётась лама мероприятия, конат лемтьфтольхть великай адмиралть Федор Ушаковонь кулома шиста 200 кизонь топодемати и Советскяй Союзонь Геройть Михаил Девятаевонь 100 кизонь юбилеенцты. 8 декабрьста миньцонк ётасть оцю торжестват Отечествань Геройхнень шиснон лемс. Мордовияв сашендсть оцю инжихть Приволжскяй Федеральнай округста. Тя илати пара казнекс арась Российскяй Армиять лемса Саранскяйса проспектть васенцекс Россияса панжевомац. «Юбилейный» микрорайонть ваксса тяфта жа арьсекшневи панжемс «Патриот» лем ала тематическяй парк, коса кармай военнай техника, тир и коса ули кода ётафнемс военно-историческяй реконструкцият. Тя пяк няевикс проектсь лезды тейнек од поколениянь ломаттнень касфтомс патриотокс.
Сяда тов эсь выступлениясонза В.Д.Волков пшкядсь од поколениянь представительхненди—юнармеецненди, кадетонь класса тонафнихненди, казакненди. «Тинь нинге аноклатада Российскяй Армияса служамати, но тячи ни араде цебярь примеркс эсь ялгантенди,—мярьгсь В.Д.Волков.—Именна теенть, кельгома шабат, сави ванфтомс мялямть народоньконь сяськоманзон колга. Ванфтость тя питнидонга питни казнеть, конань казезь-пачфтезь теенть атянь-атянте. И фалу мяляфтость: минь служатама Россияти!»
Торжественнай пуромксс сафнень Отечествань аралаень шить мархта стане жа поздравляндазь Мордовиять эзга Главнай федеральнай инспекторсь М.С.Сезганов и республикань военнай комиссарсь И.В.Тихомиров.
Сяльде трудовой сатфксонкса, республикать социально-экономическяй виияфтоманкса оцю путксонкса, рабочай профессиянь, государственнай службань представительхненди, спортсметтненди, ветераттненди максфтольхть государственнай казнет.
                                                                                                                                             В.НЕСТЕРОВ.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022