Поиск по сайту: 
 

Архив
 июнь 
 2019 
пн вт ср чт пт сб вс
     12
3456789
10111213141516
17181920212223
24252627282930

 
 

 

Национальная тематика

Юбилей мархта!

 
—Петр Николаевич, кодама мяльса-арьсемаса васьфнесак шачема шицень—юбилейцень?
—Пара мяльса. Кеняртьфти, мес удалась пяшкодемс семботь, мезе арьсекшневсь. Эряфоньберьф заняфан мяльс коре тевса, маласон кельгома ломанне, ялгане, конат фалу анокт лездомс. Кеме нежекс эряфонь кисон ульсть и лядондыхть монь дуганне-сазорне, семьязе. Павазуван, мес синь маласонот юбилеень шинявок.
—Эряфцень сотнить журналистонь профессиять мархта. Мес кочкайть тя тевть и мезьса сон тушенды мялезт?
—Видеста азомс, школаса тонафнемста и тяда мелевок афи арьсекшнень журналистонь профессиять колга. А мзярда кярьмодень сермадомань тевти «Мокшень правда» газетаса, сон пяк тусь мялезон. Васендакиге сяс, мес эрь шиня сашендови васетькшнемс од ломанень мархта, седикс-ваймокс корхнемс мархтост, сотцемс синь судьбаснон. Мялезон и ся, мес работас коре сашендови сидеста улендемс велеса, васетькшнемс тостонь эряйхнень мархта. Велеряйхне, башка эряфкшуфне, лама и мялень салайста азонкшнихть сядынгольдень эряфть колга. Эздост ули кода тонафнемс, сявондемс пример.
Мон пяк кельгса родной кялезень и павазуван, мес сонь мархтонза кемоста сотф кочкаф профессиязе.
—Кода ни азыть, сермадомань тевть васенцеда варжайть «Мокшень правда» газетаса. Кодамкс мяляфтовсь тейть тя пингсь?
—Арьсян, пяк лац тиень, мес несколька кизода инголе работама вастокс кочкайне минцень родной кяльса лисенди газетаньконь. Тяса васьфтемазь сермадомань тевса афкуксонь мастерхт, конатнень эзда ульсь кода тонафнемс. «Мокшень правдати» лемдень кафкса кизот и тя пингть лувондса эряфонь и журналистскяй пяк цебярь школакс. Тя редакцияса маряйне прязень кода мокшень оцю семьяса, коса сембе фкя-фкянь мархта ладясть, аноктольхть лездомс.
«Мокшень правдать» порогонц вельф аськолдамста васенцекс содафтонь газетать эстонь главнай редакторонц Н.И.Учватовонь мархта. Корхнесь-тись мархтон, а меле няфтезе работама вастозень. Коллективсь примамань лямбоста, тейне максфоль выпускающай редакторонь тевсь. Меле мокшень изданиять лопанянзон лангса ушедсть лисендема велень ломаттнень колга очерконе, зарисовкане. Шять, васенце пингть аф сембось лисендсь кода эряви, но мон фалу мушендонь шарьхкодема и лезкс коллективса покодихнень ширде.
—Тячи лувондсак «Мокшень правдать»?
—Сон фалу шразень лангса. Аш кода аф азомс, што газетась ламода полафтсь цебярь шири. Газетась арась сяда козякс и мялень салайкс содержанияс коре, цебярь шири полафтсь изданиять оформленияц. Пара, мес тячи «Мокшень правдаса» пачфневи ширеса эряй мокшэрзятнень колга, макссеви лама тематическяй полосада.
—Азонтт аф лама семьяцень колга. Мезьса заняфт рьвяце, шабатне? Шять, уноконятневок улихть ни?
—Рьвязе, Наталья Ионовна, мокшава. Работцесь Сузгярьге велень школаса учителькс, тоса мархтонза и васьфтеме. Тяни покоди идень садса. Касфтоме кафта стирьхть. Оцюсь, Ольга, аделазе Н.П.Огаревонь лемса МГУ-нь экономическяй факультетть, работай специальностьс коре. Омбоце стиреньке, Ирина, тядде аделасы Мордовскяй госуниверситетонь филологическяй факультетонь аспирантурать. Тяка пингть сон работай Москуса Васенце каналса. Ольганьке казсь тейнек кафта унокт. Егоронди тядде топоди кафкса кизот, Ванянди—колма кизонят. Пара, мес стиреньке-уноконьке аф юкснихть колганк, сидеста сашендыхть инжикс.
—Шачема-касома велесот сидеста улендят?
—Эрь ломанць, кона шачсь и кассь велеса, улема, мзярдовок аф юкстасы тостонь эряфть таньфонц. Вов и моньге седиезе фалу ускозь ускови ся аймаку, коса сембось кельгови и мала. Ужяль аньцек, аф теждя пинге сатозень тячи велетнень. Лядондыхть тоза аньцек сиренятне, шамондыхть. Тяфта и миньге тядянь-алянь кудоньке лядсь шава, но вальманза, мярьголень, сякокс ваныхть весяласта, сяс мес сон апак юкстак.
—Сай пингонди платтне кодамот, Петр Николаевич?
—Сяда тов работамс совестьс коре, штоба аф визькс улель ваномс ломаттнень сельмос. Тяфта ет шабакс тонафнемазь тядязе-алязе, тянди мон  старандан кирнемс эряфоньберьф.
—Спасиба.
О.ЕВДОКИМОВА.

02.03.2018 №
 
 
 

 
НОВОСТИ

Минь поздравленияньке

13.06.2019  № 23
 
 
 
 
 

«Рузаевкаса мольфтевихть анокламатне стекольнай заводть панжеманцты»

Мордовиянь Оцюнясь Владимир Волков:
Мордовиянь Оцюнясь Владимир Волков 29 майста ётафтсь рабочай васедема Рузаевскяй райононь руководительть Вячеслав Кормилицынонь мархта. Ванондовсть территориять социально-экономическяй виияфтоманц коряс кизефксне. Тяконь лувксса корхтамась мольфтевсь социальнай объекттнень строямаснонды анокламать колга: Рузаевкаса Паровознай ульцяса 160 вастонди идень садть, Татаронь Пишляса 250 вастонди школать, фельдшерско-акушерскяй пункттнень.
Ванондовсть районца водоснабжениянь и водоотведениянь систематнень одкстоптомаснон, а стане жа «Безопасные и качественные автомобильные дороги» национальнай проектть эряфс ётафтоманц рамкаса китнень строямаснон и петемаснон коряс кизефксне. Тядде, кода отмечазе Вячеслав Кормилицын, петевихть-одкстоптовихть 13 вайгяльбень кувалмоса кит.
06.06.2019  № 22
 

Аделсеви «Мокшень правдати» сёрматфтомась

Эряскодода!
Кельгома ялгат!
2019 кизоть омбоце пяленцты «Мокшень правдати» сёрматфтомать шумордамс ляткшни аньцек кафта недялят.  И ули тячи мяленьке нинге весть азомс нюрьхкяняста: мес именна «Мокшень правда» эряви тинь семьянтенди.
Кода аф ужяль, мокшэрзятнень лувкссна стаки кири. А «Мокшень правдась» семботь тиендьсы сянкса, штоба аф нолдамс тянь. Кода ванфтомс и виияфтомс кяленьконь, культураньконь, аф юкстамс эсь коеньконь-обуцяньконь—вов мезть колга мольфтеви корхтамась сонь лопанянзон эса. Пцтай эрь номерса макссевихть материалхт мокшэрзятнень историяснон, содаф ломаньцнон колга, азонкшневи народоньконь арьсеманзон и пичефксонзон колга.
«Мокшень правдаса» макссевихть медицинскяй темас советт и рекомендацият, советт перень сёронь касфнихненди и жувата мельге якайхненди. Эрь номерса ули юморонь и сатирань уженя, рузонь кяльса печатлакшневихть недялянди ламоц телевизионнай программатне.
«Мокшень правдась» республиканскяй газетатнень эзда фкя инь интереснай и уцез газетась. Сон нльне сяда уцез ламоц «районкатнень» коряс.
Теенза тяшфтемать питнец:
6 ковонди—336 цалковай,
3 ковонди—168 цалковай.
Газетать индексоц П4719.
 Эряскодода почтав. Тоса учихть эсонт. Пингсь содай ётаманц.
06.06.2019  № 22
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин