Поиск по сайту: 
 

Архив
 июль 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Тема дня

18 МАРТСТА МИНЬ КОЧКАТАМА РОССИЯНЬ ПРЕЗИДЕНТ!

Избиратель ялгась, мук 30 минута и пяшкотьк эсь гражданскяй долгцень! Тя эряви странати, тя эряви Мордовияньконди, тя эряви эстейть, иттненди, унокненди. 18 мартста ульхтяма марса сембе Россиять мархта.
Сембе—кочкама!
Мордовияти эряви тонь вайгяльце
Колма шит ляткшни 18   мартти, ся шити, мзярда минь—избирательхне, сатама избирательнай участкатненди Россиянь Президентонь кочкама. Кинди улемс тя оцюдонга оцю вастса? Кизефкссь аф тёждя и пяк важнай. Сонь мархтонза сотфт Российскяй Федерацияса эряй эрь ломанть интересонза, вандыень шиц.
Президентонди кандидаттне тяни содафт. Нят—Сергей Бабурин, Павел Грудинин, Владимир Жириновский, Владимир Путин, Ксения Собчак, Максим Сурайкин, Борис Титов и Григорий Явлинский. Бюллетеньца синь фамилиясна латцефт алфавитс коре.
Кода няйсасть, сембоц 8 ломатть, а кочкамс эряви эздост фкять—инь достойнайть. А кие сон? Конац? Эрь кандидатть колга тячи азондови лама мяльда и синь аф фкя лацоннет.
Лиякс мярьгомс, кочкаматне сембонди тейнек ащихть эсь лацонь экзаменкс. Главнайсь—аф эряви максомс пряньконь васькафтомс, аф эряви эряскодомс, аф нолдамс эльбятькс. Тячи тейнек, избирательхненди, кода мзярдовок ашель, эряви улемс ответственнайкс, штоба президентонь вастти афоль пова ся, кие машты аньцек кайгиста и оржаста корхтама, лиянь муворгофнема, ламонь надияфнема, но аф машты государственнай стака и ответственнай задачань решандама.
Пара азомс, што Мордовия Республикасонк избирательхне тянь лац шарьхкодьсазь и властень сембе уровенень оргаттненди кочкаматнень пингста няфнихть оцю активность и мудрайши.
Мекольдень президентскяй кочкаматненди сашендсть избирательхнень 90 процентсна. Меля Мордовия Республикань Оцюнянь кочкамста избирательхнень 89,19 процентсна максозь вайгяльснон В.Д.Волковонь инкса.
И ня результаттне ашесть ляда апак няйхть российскяй уровеньца, странань и омба масторонь инвесторхнень мархта и стак тов. Минь лангозонк тяни шарфнихть сяда оцю мяль, лангозонк кармасть сяда надияма, мархтонк работама.
Аф случайна, аф ваномок аф тёждя экономическяй ситуациять лангс, республикасонк меля сатфт мялень кеподи сатфкст промышленностьса, рекорднай результатт велень хозяйстваса, пяшкотьфт сембе социальнай обязательстватне.
Сяда лама стройсеви эряма вастта, кида и стак тов.
И ня пара тефнень, пара сатфкснень колга азондомать можна нинге поладомс. Аф стак республиканьке путневи примеркс лиятненди, эздонза тонафнихть.
Мезенди семботь тянь азондсаськ, лятфнесаськ? А сянкса, што мекольдень пинкнень кода Мордовиясонк, стане и марнек странасонк лама тиф и тиендеви экономикать касфтоманкса, ломаттнень эряфснон цебярьгофтоманкса.
А инголи молеманьке ламода ащи сянь эзда, кие ули кочкаф странаньконди вятикс, кодама киге сяда тов кармай молема Российскяй государствась.
Кочкаматне—тя минь конституционнай праваньке, минь общественнай долгоньке. Сяс сембонь, кит пичедихть странаньконь и республиканьконь судьбаснон, эсь и эсь идьснон, унокснон судьбаснон инкса, тернесаськ 18 мартста самс эсь избирательнай участказост и максомс вайгяльснон инь достойнай кандидатть инкса.

15.03.2018 №10
 
 
 

 
НОВОСТИ
 
 
 
 
 
 
 
 
 

ЭРЯВИ ЭРЯСКОДОМС

Кельгома ялгат! Тага весть лятфтасаськ: стаки моли 2020 кизоть омбоце пяленцты минь тинь мархтонт «Мокшень правданьконди» сёрматфтомась. Кода няеви подпискань даннайхнень эзда, ламоц мокшетне нинге ашесть тяштьфте родной кяльса лисенди газета. Сембода кальдявста тянь пяльде ащи тевсь Торбеевскяй, Темниковскяй, Ельниковскяй, Зубово-Полянскяй райоттнень эса и Саранскяйса. А тя корхтай сянь колга, што тястонь ламоц эряйхне могут лядомс мокшень газетафтома. Тя пичефти и таколфты. Сяс эряви эряскодомс. Аф лама пинге нинге ули.

 

 
«Мокшень правда» можна сёрматфтомс и интернетть вельде. Тянкса эряви сувамс «Почта России» сайтти тяфтама адресс коре: PODPISKA POCНТA.RU. Сяльде кочкама «Мокшень правда» газетать лемоц. Тяда меле тиема инструкциять коряс.

 

Пяле кизонди сёрматфтомать питнец 340 цалковай, колма ковонди—170 цалковай. Газетать индексоц П4719. Эрьда ульхтяма марса!

 

25.05.2020
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин