Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Лувись—”Мокшень правдать” колга

«ОЦЮ МЯЛЬСА ЛУВОНДСАСЬК ШИРЕСА ЭРЯЗЬ»
Е.А.Алямкина, Ковылкинскяй районца шачф-касф мокшень стирсь, тяни эряй и работай Москуса:—Москуса, кода и целайнек Московскяй областьса, аф кржа мокшеда. Аф ваномок сянь лангс, што эрян ширеса шачема масторть эзда, тядянь-алянь кяльсь, народоньконь коенза-обуцянза занцихть башка васта эряфсон. Лия мокшаватнень и эрзяватнень мархта морсян фольклорнай коллективса. Пара мялезонк, што тянь колга аф весть пачфневсь «Мокшень правдаса». Газетась инголи несколькаксть ковти кучсевсь Москувонь Мокшэрзянь землячествав. Тянкса оцю спасиба азома редакциять коллективонцты, кона шарьхкодьсы, што ширеса эряй мокшетнень ули оцю мяльсна морафнемс эсь кяльса лисенди изданиять. Тяни сидеста лувондса сонь Ковылкинскяй району сашендомстон. Васенцекс вешендьсайне ся материалхнень, коса пачфневи, мезе одня лиссь республикаса мекольдень пингть.
Мялезон «Мазыхть мокшень стиреньке» рубрикать ала макссеви конкурснай материалхне. Эсост аф аньцек пачфневи мокшень стирьхнень мазышиснон, удалаф тевснон, сатфксснон колга, но и няфневи мокшавать щамонц-карямонц мазышиц. Лемделине козякс ся семьять, коса ванфтовсь тяфтама костюм. И нинге. Несколька кизода инголе примань участия тя конкурсса.
Седиезе кеняртькшни, мзярда газетась пачфни Москувонь и Московскяй областень мокшетнень и эрзятнень колга. Мекольдень кизотнень вииясть сотксне Мокшэрзянь землячествать и мокшень кяльса лисенди фкя тяка газетать ёткса.
Мезсь нинге мялезон газетаса? Материалхне, конат пачфнихть лия региононь мокшэрзятнень колга.
«Мокшень правдать» эрь номеронц кядезон сявомац арси шачема-касома ширеть мархта эсь лацонь васедемакс.

«НОЛЯСАЙНЕ ТЕВС
СОВЕТТНЕНЬ»
В.Е.Вельмяйкина, Инсарскяй райононь Мокшень Паёвка велень «Поюня» фольклорнай ансамбльть художественнай руководителец:
—«Мокшень правдать» морафнеса пяк кунара, эрь номеронц учендса оцю мяльса. Мялезон «Минь семьяньке», «Кода эрясть и эряйхть мокшетне», «Мокшаваня» страницатне, конатнень эзда фалу ули кода мумс мялень салай информация. Шумбрашить петеманц, медицинать мархта сотф рецепттнень, советтнень сидеста нолясайне тевс. Койсон, «Мокшень правдась» тя стама газета, кона тушенды сембе мокшетнень мяльс, аф ваномок кизоснон лангс. 
«Мокшень правдась» валомне аськоляй 100 кизонь юбилеенцты, кона ули несколька кизода меле. Ётаф пингсь полафтозе газетать аньцек цебярь шири! Пцтай век эряй изданиясь, и коль  одкстоми:  жанрань, информациянь, темань ширде козяшись ламода цебярьгофтозь сонь. Эсь ширден арьсян редакциять коллективонцты творческяй сяда товолдонь сатфкст, а сембе мокшетнень тернесайне тяштьфтемс газета 2018 кизоть омбоце пяленцты!
 
 

КЕЛЬГСАЗЬ И МОРАФНЕСАЗЬ
Атюрьевскяй райононь Мокшень Козловка велеса сембе содасазь Н.С.Норкинонь. И ефси аф сяс, мес лама пинге работась совхозса директоркс, экономистокс. Сон пяк цебярь, ару вайме ломань. Кельгсы трудендаманц. Тянемс нешкоперец,  жуватат кирди. Аф ваномок кизонзон лангс, одта лац вятьсы тевонц.
Тяфта ни лиссь эряфса, пингта инголе кулось кельгома рьвац, ниле идензон тядясна. Рьвакс кудозонза сувафтозе Пичепулонянь мокшавать А.И.Ведяшкинать.
—Монцень ульсь стирнязе, но кулось,—мярьгсь Анастасия Ивановна.—Радняне пцтай сембе кулсесть. Спасиба Николай Семеновиченди. Кафкса кизот ни марсотама. Эрятама ладязь, фкя-фкянь шарьхкодезь. А конашка честь путыхть иденза, уноконза, сембе раднянза. Валса афи азови.
Николай Семеновичень 8 уноктонза, пяле веле радняц. Тернесазь эрь илас. Синценьге кудсна аф уленди шава, кенкшсна фалу панжадот сембонди.
Кафцьке мокшень кялень кельги ломатть. «Мокшень правдась» инь кельгома газетасна.
—Лувондыне Пичепулоняса эрямстон,—азозе Анастасия Ивановна.—Мокшень Козловкасовок сяка тевозе. Пяк цебярь газетась. Пичепулоняв повондан шуроста. Да и молемс аш местема. «Мокшень правдась» сидеста азонкшни шачема-касома велезень колга. Спасиба тянкса.
Газетать эрь номеронц  Николай Семенович и Анастасия Ивановна учсесазь. И мзярда сон сашенды, кенярдемаснонды аш пе.
                                                                                                                                                И.ПЕТРОВ.
 

Газетась фалу шра лангсон
—Тяфта ни лиссь эряфса, што эсь школаньконь селгозь и тяни мон покодян Кяшал велень средняй общеобразовательнай школаса мокшень кялень и мокшэрзянь литературань тонафтыкс. Кяшалсь—поэтонь уженя. Лятфтасаськ аньцек А.С. Малькинонь и сембось шарьхкодеви. Тядде теенза топоди 95 киза. И 25 киза етась ся пингста, кода ушедсть етафневома Малькинскяй лувоматне, аноклакшневихть оцю илат.
Мон пяк кельгса «Мокшень правдать». А лиякс аш кода. Мокшень кялень и мокшэрзянь литературань тонафтыти тя газетась сембоса лезни. Мзярда аноклан урокс, аф класснай мероприятияс, фалу ноляса тевс эсь кяльсонк лисенди кельгома газетазень. Тяса и содама ефкст, и приметат, и пеетькст. Тясот и писательхнень од произведениясна, биографиясна, лама и лия материал. Пеетькснень коряс путнетяма сценкат, работатама «Цятконять» мархта и стак тов.
Мон морафнесайне лувиень сембе мяльхнень-арьсематнень. А монцень мяльне тяфтамот: сяда сиденяста максседа мокшень морот, сиде моронят. Тясть юксне велень школатнень. А маластонь пингть пяк мялезе лувомс газетаста од материалхт А.С.Малькинонь колга.
                                                                                                                                         Н.ПАНЬКИНА,
                                                                                                            педагогическяй трудонь ветеран.
 
 
АФ АЩЕТЯМА ФКЯ ВАСТСА
Эрян Мокшень Козловкаса. Работан Колапонаня велень основной общеобразовательнай школаса. И сонцень школать, и велеть пяк козят историясна, койсна-обуцясна. Тя велеса шачсть и кассть мокшень содаф поэттне Р.Р.Федькин, П.К.Торопкин. Тяса сидеста улендсть А.С.Малькин, В.А.Волков. Синь аф юкснесаськ. Корхнетяма колгаст урокса, ётафнетяма лемозост литературнай илат, коза тернесаськ радняснон, райононь тяниень тяштихнень. Илатне ётнихть лямбоста. Кельгома газетазе—«Мокшень правдась». Тяштьфнеса кунара. Лувондса аф аньцек монць, но и пара мяльса азонкшнян колганза учениконенди. Морафнетяма эздонза стихт, содама ёфкст, азкст. Макссеви интереснай лама материал содаф поэттнень, писательхнень колга. А синь тейнек пяк эрявихть мокшэрзянь литературань урокненди. Саласазь мяленьконь пеетьксне и пеетькс пакшкятне.
Но сембе сяка кржа газетаса кепсевихть кялень кизефксне. А кизефкста кяльть перьф лама. Лама прябаладост ичкоздень ёмла школатнень. Сяда сиденяста эряви азонкшнемс колгаст. Нинге, койсон, кржа кармась макссевома оржа сигналда. Тя рубрикать макссема эрь номерса, сяс мес цебярть ваксса лама афсатыкста.
                                                                                                                                       В.ЛИПАЙКИНА,
 Атюрьевскяй райононь Колапонаня велень основной общеобразовательнай школань мокшень кялень и мокшэрзянь литературань тонафты.
 
СЁРМАТФНЕСА ПЯК КУНАРА
Шачемас коре мон Темниковскяй райононь, мокшень велеста, коса шабакс пингстон лаказь-лакась эряфсь. Веленьке оцюволь. Семьятне лама идь мархтотольхть. Конашкава козятольхть тястонь койхне-обуцятне, пяк цебярьхтольхть мокшень моротне, сиде моронятне. Ушедат кулхцондома и аф топодят эздост. Седице ктмолдозь ктмолды. И, оцюфнень лангс ванозь, комотелеть кштима-морама. Сембось тя лядсь эзон, хуш и веленьке юмась-арась, срадсь-каладсь.
Тяни эрян Атюрьевскяй районца Од Кярьга велеса. Мзярда-бди тя велеське ульсь оцю. А лядсть пцтай эряфкшу ломатть и шава кутт. Но сембе сяка эрятама. И перет путнетяма, и жуватат кирттяма, и кштитяма-моратама.
Пяк пара, што ули эсь кяльсонк газета. Сёрматфнеса и морафнеса пяк кунара. Мезе аньцек эздонза аф мушендан. Газетась тонафты эсонк пидема-панема, перень сёронь касфтома, ванфтома, тялонди аноклама. Улихть медицинскяй советт. Лувондсайне и ся сёрматфнень, коса азондови жуватань пчкафтомать колга. Эрятама велеса, кирттяма жуватат. И ня советтне пяк эрявихть.
Петьсазь, мазоптьсазь газетать пеетьксне и пеетькс пакшкятне. Рузонь фкявок газетаса аш тяфтама лопаня, а «Мокшень правдаса» ули. Рахсетяма пеетькснень лангса пеккедень шовазь. Лувондсаськ семьянь, а то и курнянь келеса. Мокшеда лац кивок аф машты рахсема.
Семьязе «Мокшень правдать» инкса. Сёрматфнине и карман сёрматфнемонза фалу.
                                                                                                                                       А.ПУТЯЙКИНА,
                                                                                                                                      трудонь ветеран
.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022